III Бөтендөнья татар хатын-кызлары форумы

Равия ГАЙСИНА, Мари Эл Республикасы, Йошкар Ола шәһәре:
– Безнең төбәк халкының 6,8 проценты – татарлар. Төбәгебездә «Ак калфак» оешмасы барлыкка килгәнгә ике ел. Бик вакытлы барлыкка килде ул, проблемаларны уртага салып хәл итә, киңәшләшә, җыелып фикер алыша башладык. Оешмага яшьләр дә күп йөри. Күптән түгел яшьләребез Казанга килеп, чәк-чәк пешерү серләренә дә өйрәнеп китте. Өйләнмәгән егетләребез, кияүгә чыкмаган кызларыбыз байтак. Аларны кавыштыру эшен башлап җибәрергә булдык әле.

Безнең республикада  катнаш гаиләләр бик күп. Хатыны татар булса, гаиләдә тел саклана.  Ана телен саклауда зур эш башкара торган хатын-кызларны бергә җыя торган мондый чара бик кирәк. Узган ел да форумга килдем, монда бик күп дуслар тапкан идем. Алар белән интернетта аралашып тордык.

Резеда ИШМӨХӘММӘТОВА, Сарытау:

– Бездә «Ак калфак» оешмасы ике ел элек оешты, мин аның рәисе вазыйфасын башкарам. Милли тамырларны саклау юнәлешендә эш куя торган мондый оешманың чит төбәктә яшәүчеләр өчен әһәмияте бик зур. Төбәгебездә 25 ел инде татар гимназиясе эшләп тора, телне саклауда ул да бик зур эш башкара. Без дә «Ак калфак» оешмасында бер елга якын инде татар теле дәресләре алып барабыз. 15 кеше йөри башлаган иде, 7 кеше генә тәмамлады. Шул дәресләргә йөрүчеләр белән Тукайның туган көненә багышлап әдәби кичә үткәрдек. Кызганыч, оешмабызның андый зур чаралар үткәрергә залы юк, шуңа күрә кичәне гимназиядә уздырдык. Анда балалар бакчаларыннан сабыйлар да, гимназия укучылары да катнашты. Киләсе елга чигү түгәрәге ачарга ниятләп торабыз. Бер кызыбыз Казанга килеп, чигү дәресләре алып кайтты инде.


Зөлфия БЕРНЕЕВА, Казакъстан Республикасы, Актау шәһәре:
– Мин килгән Актау шәһәрендә 1400 генә татар бар, шуңа күрә һаман үзебезнең «Ак калфак»ны оештырып бетерә алмыйбыз. Шулай да милли гореф-гадәтләрне һәм телне саклау өчен кулыбыздан килгәнне эшлибез. Әйтик, бездә «Болгар» дип аталган татар этномәдәни берләшмәсе бар. Аның базасында якшәмбе мәктәбе эшләп килә, анда йөрүчеләр татар телен генә түгел, милли биюләрне, милли кием-салым, азык-төлек серләрен дә өйрәнәләр. Сабантуй, Сөмбелә бәйрәмнәрен уздырабыз. 8нче мартны да татар рухында үткәрәбез, Сөембикә турында сөйлибез, аның турындагы риваятьләргә нигезләнеп, балалар арасында рәсем бәйгесе уздырабыз. Габдулла Тукай, Муса Җәлилгә багышланган чаралар да гел булып тора, балалар гына түгел, олылар да шигырьләр, җырларын өйрәнеп, кичәләрдә чыгыш ясыйлар.

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    15788
    1
    85
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    6073
    3
    50
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    5960
    4
    49
  • Сабырлык чиге 2  Шулай итеп, Сәрия туташ никахлы ире кочагында бер төн генә ләззәтләнеп калган. Нәрсә генә булмасын, авылда «кияүгә чыккан» дигән хәбәр таралган бит...
    8195
    0
    36
Реклама
Соңгы комментарийлар
  • 7 февраль 2023 - 06:25
    Без имени
    Карыйсы килэ башлады инде. Бу эсэрне укыганым бар иде.
    Бала бишеге тибрәнүендә  – чиркәү чаңы
  • 3 февраль 2023 - 09:19
    Без имени
    Рушания ханымның сәләтенә, булдыклы, уңган булган ханым булганына шаккатып, исем китеп укыдым.Була бит шундый бар яктан да килгән кешеләр, сөбханАллаһ, күз тимәсен 🤲🤲🤲Сәламәтлек, озын гомер телим аңа!
    Үләнче
  • 4 февраль 2023 - 13:37
    Без имени
    Гомер ничек яшэлсэ дэ утэ.Ярый анлаган ирен,э анламаганнар анламый ул.Яшэгэн саен чарасыз тузеп яшэгэн хатынкыз азмы доньяда.Сабыр тобе Сары алтын дисэлэр дэ сэлэмэтлек бик кирэк нэрсэ.Аллакаебыз яшьлектэ хэр балага тэуфикь, сабырлык хэм уз башына акыл бирсен.Сэлэмэтлектэ булып яшик
    Сабырлык чиге 5    
  • 3 февраль 2023 - 09:42
    Без имени
    Ие ие, бау белэн бэйлэп сойрэп яткыралар ди. Шул йоремсэк ирлэрне яклап утырмагыз инде
    «Йөремсәк» хатын
  • 4 февраль 2023 - 13:40
    Без имени
    Бик гыйбрэтле язмыш, шулай тузеп яшэдек
    Сабырлык чиге 5    
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр