Фәрит Мөхәммәтшин Татарстан журналистларын котлады

19 майда Татарстан Республикасы Матбугат көне билгеләп үтелә. Әлеге тармак хезмәткәрләрен һөнәри бәйрәмнәре белән Татарстан Дәүләт Советы рәисе Фәрит Мөхәммәтшин котлады.
Хөрмәтле татарстанлылар! Республика медиа-бергәлегенең барлык вәкилләрен – журналистика ветераннарын, вакытлы матбугат һәм электрон ММЧ хезмәткәрләрен, полиграфистларны һәм нәшер итүчеләрне, шулай ук бу күркәм һөнәрне әле генә үзләштерә башлаган яшь каләм әһелләрен Татарстан Республикасы Матбугат көне белән ихлас котлыйм.

Газета материаллары, телевидение һәм радио тапшырулары, интернет язмалары аша татарстанлылар һәркөнне һәм сәгать саен республикабыз һәм илебез хакында,  уңышларыбыз, проблемаларыбыз һәм аларны чишү юллары, реформалар барышы һәм дөнья хәлләре турында иң әһәмиятле һәм әле генә “табадан төшкән” яңалыклар белән танышып тора. Татарстан журналистикасы турында сүз барганда, соңгы елларда бу өлкәдә булган җитди структур үзгәрешләрне аеруча билгеләп үтәсем килә. Электрон масс-медиа чаралары кызу темплар белән үсә, интернет басмаларның күпсанлы аудиториясе арта бара. Дәүләт милли – татар телендәге басмаларны һәм вакытлы матбугатны саклап калырга, муниципаль массакүләм мәгълүмат чараларын үстерергә ярдәм итә. Әлеге эш барышында мөһим урынны  күппрофильле “Татмедиа” матбугат һәм массакүләм коммуникацияләр республика агентлыгы” медиа-холдингы биләп тора.

Республика хакимият органнары журналистлар бергәлеге һәм халык белән гадәттәгечә мәгълүмати хәбәрдарлык, ышанычлы диалог шартларында эшләргә тырыша. Күп кенә федераль һәм региональ массакүләм мәгълүмат чаралары бәя биргәнчә, Татарстанда хакимият һәм матбугат арасында үзара хезмәттәшлекнең универсаль моделе булдырылган. Бездә, чыннан да, массакүләм мәгълүмат чараларына һәм нәшрият секторына ярдәм итүнең һәм аларны үстерүнең яңа рәвешләре табылды, аларны кысрыклау, хокукый билгесезлек проблемасының киеренкелеге бетерелде. Республика һәм муниципаль дәрәҗәдәге газета һәм журналлар, телерадиокомпанияләр редакцияләренең матди-техник базалары ныгытылды. Күп эшләр эшләнде, ләкин икътисадый үсеш алган, тотрыклы һәм толерант республикабызны – Татарстанны сезнең ярдәм белән Россиядә генә түгел, ерак чит илләрдә дә таныту өчен тагын да күбрәк эшләр башкарасы бар.

Кадерле дуслар!
Һөнәри бәйрәмегез көнендә үзара нәтиҗәле хезмәттәшлек, туган телгә һәм  матбугат чараларында басылган сүзләргә булган сак карашыгыз, укучыларыгызга һәм тыңлаучыларыгызга карата хөрмәтегез өчен чын күңелдән рәхмәтемне җиткерәм. Сезнең һөнәри осталык, тугрылык һәм актив граждан позициясе киләчәктә дә журналистика үсешенә, Россия һәм Татарстан халыкларының милли матбугатын һәм мәдәниятен үстерүгә үз өлешен кертер дип ышанам. Сезгә яңадан-яңа иҗат уңышлары, күтәренке рух һәм исәнлек-саулык телим.

сылтама

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Соңгы комментарийлар
  • 3 июль 2020 - 09:28
    Без имени
    Эниегез рэхмэтле булып бакыйлыкка киткэн.Бик саваплы булгансыз,урыны ожмахта булсын🙏🙏🙏
    «Әни җырлап китте...»
  • 3 июль 2020 - 11:46
    Без имени
    Гомере буе яратып яшэгэннэргэ сокланам!Чын мэхэббэт шундый буладыр ул.
    «Без аерылышмас идек...»
  • 30 июнь 2020 - 17:44
    Без имени
    Алабугада, Сарманда яшэгэн апаларыгызны бер дэ анламадым. Кыз балалары бит алар, энилэрен алар юындырып, тэрбиялэп карап торырга тиеш иде. Э алар энелэреннэн юындыртканнар энилэрен, оялмаганнар. Э сезгэ афэрин, дияргэ кала. Югалып калмагансыз, эниегезне сонгы коненэ кадэр карагансыз.
    «Әни җырлап китте...»
  • 30 июнь 2020 - 19:04
    Без имени
    Атай кеше йаш баласы булгас ,нисек эшка йорой,кемга калдырырга уйлаган энисе улгас атайга отпуск бирмагандарме
    «Ташлама мине»
  • 30 июнь 2020 - 19:24
    Без имени
    Шулай уҡ хәл, тик минем ир йораты яшел йылан белән дуҫ шул
    Бәхетле булыр өчен гаилә кирәкме?
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...