Безнең мулла шулай әйтә, ә сезнеке нәрсә ди?

Җәмәгать, бер дә сер түгел, һәр авылның үзе дине бар. Нигезе ислам аның, ә менә төрле йолаларны үтәүгә килгәндә, кем нинди үзгәреш кертә ала, кемнең нәрсәгә сүзе үтә – шул рәвешле үзгәртә.

Балага исем куштыру, никах укыту, җеназа озату, мәрхүм рухына Коръән укыту төрле җирдә төрлечә башкарыла. Һәм һәркем үзенекен дөрес дип саный. Шул сәбәпле төрле бәхәсләр туып кына тора. Бу хәл дин әһелләрен дә борчыган икән. Борчымый ни, гәҗит битләрендә дә кем генә нәрсә генә язмый. Берәүләр, мәет ашын уздыру дөрес, ди, берәүләр, юк, бу бидгать, ди. Аннары халыктан хатлар килә: «Без тәмам буталып беттек хәзер. Кайсысы дөрес була?» – дип, берәр хәзрәттән аңлатма бирүне сорыйлар. Инде моннан соң мондый буталчыклар булмаска тиеш.

Татарстан Республикасында «Татарстан Республикасы мөселманнары Диния нәзарәте имам-хатыйблары тарафыннан гыйбадәт кылулар һәм дини йолалар уздыру турында Нигезләмә» дигән документ үз көченә керде. Ул Татарстанда сөнни ислам традицияләрен саклау механизмын эшләтеп җибәрә. Нигезләмә киң катлауга барып җитмәстер, әмма муллалар аның белән таныштырылачак.

Татарстанның баш казые Җәлил хәзрәт Фазлыев әйтүенчә, алар Фәрит хәзрәт Сәлман белән 1998 елда мондый нигезләмә эшләгән булганнар, тик ул көн тәртибеннән төшеп калган. «Ул вакытта эшләгән булсак, бүген мондый каршылыклар чыкмый иде», – диде ул. Нигезләмәдә, әйткәнемчә, дини йолаларны үтәү тәртибе, хөкемнәре дәлилләп бирелгән.

«Нигезләмәдә язылган һәр нәрсәгә дәлилебез бар, – дип белдерде Булат хәзрәт Мөбарәков. – Аңа мөфти кул куйган, сораулар булса, кемгә мөрәҗәгать итәсе билгеле. Нигезләмәдә көндәлек тормышка караган күп кенә үзгәрешләр бар. Иң әһәмиятле йолаларны билгели торган хөкемнәрне тәртипкә салдык. Болар: җеназа, ураза, зәкят, корбан, никах һәм башка шундый көнкүрештә очраучы гамәлләргә кагылышлы кагыйдәләр».

Инде бая телгә алган мәет ашлары турындагысын гына әйтеп үтик, Хәнәфи мәзһәбендә халыкның дингә каршы килмәгән йолалары тыелмый. Шул исәптән мәетләрне искә алу да, дип белдерде Җәлил хәзрәт.

Нигезләмәне 3 көн буена һәр мөхтәсибнең фикерен тыңлап, тикшереп кабул иткәннәр, баш казый аны зур документ булды дип бәяли.

«Ник дини китаплар бастырылганчы тикшерелми, диләр иде. Элек динне яхшы белгән кешеләр аз иде, – ди Рөстәм хәзрәт Вәлиуллин. – Безгә таянып эшли торган берәр документ булсын иде, диләр иде имамнар. Нигезләмәнең 1 нче редакциясе үз вакытында мөһим роль уйнады. Монысын тагын да камилләштердек, ул бүгенге ихтыяҗларга туры килә», – диде ул.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 22 сентябрь 2023 - 06:18
    Без имени
    Фердинанд Сэлэхов кебек биек,зур сэхнэлэрдэ жырлый алырлык жырчылар аз шул...
    Шоу – бар, сәнгать – юк !
  • 21 сентябрь 2023 - 21:08
    Без имени
    Бала мэктэпне яратсын, укытучысын хормэтлэсен очен ин беренче бу балаларнын эти-энилэрен тэрбиялэргэ кирэк эле, мин узем балаларым, оныкларым мэктэптэн кайткач, мин фэлэн укытучыны яратмыйм, бу фэнне курэ алмыйм дип кайткач, ин беренче эш итеп шушы фэнне яратырга, тырышып ойрэнергэ кирэк, менэ шул вакытта укытучынны да яратырсын дидем, дорестэн дэ бутэн бер дэ кайтып зарланмадылар, оегездэ дэ бала каршысында укытучыны тэнкыйтлэмэгез, олыларга карата хормэт тэрбиялэргэ тырышыгыз, нэтижэсе озак коттермэс, балагыз унай якка узгэрер
    «Сугыш чукмары» 
  • 21 сентябрь 2023 - 14:58
    Без имени
    Эмоциялэрегезне йогэнлэргэ ойрэнегез. Эниегез ботенесен кунеленэ якын ала торган кеше, аны борчымагыз.
    Әни безне аңламый. Нишләргә?
  • 21 сентябрь 2023 - 14:50
    Без имени
    Укучыларнын торлесе булган кебек, укутучыларнын да торлесе була шул. Яхшы анлата торган укутучыны нинди генэ укучы булмасын, 45 минут буе, сабыр гына тынлап утырасын. Мин узем дэ шундыйлардан, яхшы укыдым, но кайнар холыклы идем, ботенесен язып тормыйм, но яхшы анлата торган укутучыны сабыр тынлый идем. Яратып укыдым. Сигезеллыктагы укытучылардан мэрхум Шакиров Тимергали абыйны язып узар идем. Анын кебек яхшы укытучы бутэн юк иде шул мэктэбебездэ. Урта мэктэпкэ башка авылга йордек, анда да бик яхшы укутучылар мэрхумэ Роза апа, хэм мэрхум Фатыйх абыйны язып утэм. Беркемгэ бер начар суз эйтмэделэр, беркемне дэ начар сузлэр белэн сукмэделэр, бер укучыдан да баш тартмадылар. Алланын рэхмэтендэ булсыннар. Урыннары жэннэтнен турлэрендэ булсын! Гел яратып искэ алам. Укутучыдан тора куп нэрсэ.
    «Сугыш чукмары» 
  • 21 сентябрь 2023 - 14:07
    Без имени
    Әлхәмдулилләх, зурлап никах уткәргәнсез, бу әти-әни өстендә. Ә туй, исерек көтуе-кемгә кирәк шул уткәрсен, хәзер купләре үткәрми дә. Шул ук туганнарны тагын чакырасың бит, тик бусы аракы табыны. Гел бер кеше, ничә кат җыярга була, муеннан бурычка батып
    Никах акчасы – талаш акчасына әйләнә бугай
Реклама
Якутия. Фоторепортаж
«Яңа бишек җыры» бәйгесе
Уфада матурлык һәм уңганлык конкурсы узды
«Балалы Солянка» балалар музыкаль премиясе
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»