Бала хокук даирәсендә

Кичә Татарстанда шушы исемдәге конкурс башланып китте. Мәгълүмати-социаль темага багышланган видеороликлар конкурсы беренче тапкыр 2014 елны – Татарстан Республикасында бала хокуклары буенча вәкаләтле вәкил тәкъдиме белән уза. Ул елны конкурска 160 видеоролик җибәрелә. Конкурсны оештыручылар – Татарстанда бала хокуклары буенча вәкаләтле вәкил; Татарстанның Мәгариф һәм фән; Спорт һәм яшьләр эшләре; Юстиция министрлыклары, «Татмедиа» республика агентлыгы.

2015 елда конкурсны ел саен уздырырга карар кылына. Быел ул 10 сентябрьдән 20 ноябрьгә кадәр барачак.

 

Катнашучылары – 6 яшьтән алып 30 яшькәчә булган балалар, яшүсмерләр, яшьләр. Анда ялгызыңа гына да, берничә кешелек төркем яки иҗат берләшмәләре белән дә катнашырга була.

 

Конкурс өч этапта уза.

1 этап – эшләр кабул ителә (10 сентябрь – 31 октябрь;

2 этап – эшләрне бәяләү этабы ( 1 ноябрьдән 10 ноябрьгә кадәр);

3 этап – йомгаклау этабы (11 ноябрь – 17 ноябрь).

 

Видоероликларга түбәндәге таләпләр куела:

ул халыкның хокукый белемен арттырырга, хокукый культура тәрбияләргә юнәлгән булырга тиеш;

сюжет җыйнак һәм шул ук вакытта мәгълүматлы да булсын;

дәвамлылыгы 2 минуттан артмасын.

 

Видеоязма теләсә кайсы электрон туплагычта: CD яки DVD диск, флешка һ.б. кабул ителә. Шулай ук катнашырга теләк белдерүче видеороликны кайсы да булса социаль челтәргә урнаштырып, комиссиягә аның сылтамасын гына да юллый ала.

 

Эшне юллаганда конкурсның Положениесендә күрсәтелгән формадагы гаризаны да тутырырга кирәк. Положение белән Татарстанда бала хокуклары буенча вәкаләтле вәкилнең сайтында, «Наши проекты/Конкурсы» бүлегендә танышырга мөмкин.

 

Эшләр рус телендә дә, татар телендә дә кабул ителә.

 

Җиңүче дип табылганннарга акчалата бүләк тә каралган.

 

 

Видеороликларны түбәндәге адреска юллыйсы:

Казан шәһәре, Карл Маркс урамы, 61 йорт (2 кат).
Электрон адрес:
rebenok-vmire-prav@yandex.ru

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...