​Алар шундый театр төзи...

22 декабрь – татар театрының туган көне булды. Бу көнне һәрбер театр үзенчә билгеләде. Г.Кариев исемендәге татар яшь тамашачылар театры Казанның Петербург урамындагы яңа бинасында үзенең 30 еллыгына багышланган тамаша күрсәтте. 

Кариев театры быелгы сезонына апгрейд белән керде: яңа бина, яңа директор, яңа стиль, яңа логотип... 
Тамашага кара төстән яңа киемнәр тектергәннәр, 34 пар яңа кроссовкалар алганнар – болар алга таба репетиция киемнәре булачак. Шулай ук театрның администраторлары, билет тикшерүчеләре тамашачыларны милли бизәкләр белән тектерелгән яңа күлмәкләрдән каршы алачак. 

Ә инде театрның иҗади көче – актерлар һәм режиссерлар чыннан да Кариевның “Без шундый театр төзербез...” дигән гыйбарәсен күздә тотып хезмәт итә. 30 ел дәвамында репертуарда булган спектакльләрдән торган өзекләр (“Сак-Сок”, “Алмачуар”, “Умырзая”, “Артист”, “Суперкияү”, “Куян Эдвардның гаҗәеп сәяхәте”, “Кәҗүл читек” һ.б. спектакльләр) шуны исбатлады да. Театр - чын татар театры: җырлы-биюле, милли гамьле һәм заманча. Мондый труппа белән киләчәк театры, һәрбер татар баласын театр тамашачысы итеп тәрбияләп була, дигән ышаныч калды. 

“Театрның үз көче, милләт көче икәнен аңлады татар. Үз хәлен үзе белгәнгә генә бит ул халык яши, иҗтиһад итә. Бу безнең тормыш, бу безнең көрәш. Тик көрәштә табарбыз без хакыбызны. Димәк, без яшибез. Димәк, без бар, булдык һәм булачакбыз! Без шундый театр төзербез. Аның исеме алтын хәрефләр белән язылыр!” - дип, беренче татар профессиональ театрга нигез салучыларның берсе Габудлла Кариев сүзләре белән тәмамладылар артистлар тамашаны. 

Театрны бәйрәм белән котлау өчен сүз алган Рәзил Вәлиев Кариев театрын “Сәйәр” турппасының язмышына охшаган, диде:
Ул да шундый авырлыклар белән дөньяга килгән, шундый авырлыклар белән гастрольләргә барганнар, биналары булмаган. Мин әле Фәрит әфәнде Хәбибуллинның җимерек биналарны ремонтлый-ремонтлый, актерлар белән кирпеч ташый-ташый, театр төзергә маташканын хәтерлим. Без аның белән берничә тапкыр республика җитәкчеләренә театр булсын, дип кергән идек. Мин аның фидакарьлегенә шакката идем. Ул бернигә карамыйча алга бара иде. Һәм аның шулай алга баруы дөрес булган: бүген сез бар!
 
Кариев театрын республиканың бик күп театрлары котларга килгән иде. Камал театры исеменнән Равил Шәрәфиев котлады. Ул театрның баш режиссеры Ренат Әюповка Фатыйма Ильскаядан калган ядкарь - кечкенә сандык тапшырды. 

– Без шундый театр төзербез, аның исеме алтын хәрефләр белән язылыр, дигән Габдулла Кариев. Мондый сүзләрне әйтер өчен үз-үзеңә, киләчәккә шундый ышаныч булырга тиеш. Бүген андый сүзләрне әйтергә куркыныч кебек хәтта. Ләкин... без тырышырбыз! Сәнгатькә тугры, тамашачыга ачык булырга, эзләнергә, бертөрлелектән качаргатырышырбыз! Бүгенге бәйрәм шатлыгын уртак иткәнегез өчен зур рәхмәт! – диде театрның директоры Гүзәл Рәмзил кызы Сәгыйтова. 
 
   Ландыш ӘБҮДӘРОВА. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 19 сентябрь 2021 - 21:40
    Без имени
    Нишләп гариза бирмәскә, һичшиксез бирергә!!! Бер йөргән кеше гел йөреячәк.Хатыны шуңа күнә икән, әле мыскыл итеп яшәячәк.
    Хыянәтне кичермәгез!
  • 19 сентябрь 2021 - 18:59
    Без имени
    Рәхмәт... тетрәндерде!🌹🌹🌹
    Кәләш
  • 19 сентябрь 2021 - 22:03
    Без имени
    Нәкъ минем тарих.... Иремнең хыянәтен кичерә алмыйча, 6 ел туплаган дөньябызны калдырыр, балаларым белән чыгып киттем.Минем караватта хәзер башка хатын.Мин утырткан бакчабызның җимешләрен ул җыя... Шулай тиеш булган дип яшим, үпкә сакламаска тврышам.Аллаһе тәгала шул югалту хисабына үземә һам балаларыма сәламәтлек, бәрәкәтле гомер бирсен дип яшим.
    Теләк
  • 20 сентябрь 2021 - 11:25
    Без имени
    йәшлекте иҫкә төшөрҙөгөҙ,рәхмәт. Әле "варёнка ""банан "салбарҙары иҫкә төштө . Баҡсаға төшөү ,ламбадаға бейеүҙәр ,өйгә һиҙҙермәй инеп ятыуҙар.
    Дискотека
  • 17 сентябрь 2021 - 07:08
    Без имени
    Астагы фикерләрне укыдым да, язарга булдым әле. Әни кешене бит беренче чиратта кызының никахсыз яшәве борчый. Өйләнмичә генә яшәуне гадәти хәл итеп карый купчелек хатын-кыз. Гражданский брак, дигән булалар. Сожительство ул. Гражданский брак - ЗАГСта теркәлу ул. Дин буенча өйләнешуне тыйган Совет заманында туган суз. Ничек кенә булмасын, официаль рәвештә өйләнмәгән егет уз өстенә җаваплылык алмый бит. Димәк, теләсә кайсы вакытта ташларга мөмкин. Әнине шул борчый. Кызык, , балага узганмын бугай, дисә, егет нәрсә дияр иде икән? Гаилә корырга риза булыр микән? Әллә төшер, диярме?
    Кызыбызны югалтабыз...
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан