“Ак чәчәкләр” сериалы телеэкранга чыга

9 ноябрьдән “Яңа гасыр” телеканалында Габдрахман Әпсәләмовның “Ак чәчәкләр” романы буенча төшерелгән шул ук исемдәге телесериал тамашачыларга тәкъдим ителә.
10 сериадан торган кинокартинаны “ТЯГ” һәм “ТЯГ-Планета” телеканалларында көнгә берничә тапкыр тамаша кылырга мөмкин булачак: сериал сәгать 12.00 дә, һәм кабатлап 17.00 дә, 22.00 дә күрсәтелер дип планлаштырыла.

Моннан тыш, 8 ноябрь көнне әлеге телевидениенең “Мәдәният дөньясы” тапшыруында “Ак чәчәкләр”дә төшкән актерлар белән әңгәмә, ә 22 ноябрьдә шул ук тапшыру кысаларында кинокартинаны төшерү процессына багышланган фильм күрсәтеләчәк.

Сериалның режиссеры Ренат Әюпов сүзләренчә, “Ак чәчәкләр”не төшерү инде узган елның җәендә үк башланган булган һәм анда республиканың 12 театрыннан артистлар сайлап алынган. Төп геройлар — Гөлшаһидә һәм Мансур рольләрендә К. Тинчурин исемендәге Татар дәүләт драма һәм комедия театры артисты Резеда Сәләхова һәм Әлмәт Татар дәүләт драма театры артисты Динар Хөснетдинов уйнаган. Әбүзәр Таһиров ролен Г. Камал исемендәге Татар дәүләт академия театры артисты Әзһәр Шакиров башкара.

“Актерлар белән эшләгәндә зур кыенлыклар тумады. Алар театр артистлары, ә камера алдында театрдагы кебек эмоцияләр булырга тиеш түгел. Шул юнәлештә генә баштан авырлыклар булды, аннан исә бар да үз җаена килде”, - диде Ренат Әюпов иҗат процессы хакында.

Әзһәр Шакиров исә фильмда төшү бер дә авыр булмавын ассызыклады.

“Мин беренче генә фильмда төшүем түгел, шуңа да кыенлыклар булмады. Фильмга килгәндә, әгәр дә Миләүшә ханым тырышмаса һәм булдырам дип йөрмәсә, ул төшерелмәгән булыр иде. Миләүшә татар телевидениесенең башкалардан ким булмаган нәфис фильм төшерә алуын исбатлады. Безнең халык мондый фильмга лаеклы”, - диде ул.

Резеда Сәләхова өчен “Ак чәчәкләр” − ул төшкән беренче фильм. “Кинокарьерам татар классикасыннан башлануына мин бик шат. “Ак чәчәкләр” китабын Татарстанда гына түгел, башка төбәкләрдә дә яратып укыганнар һәм Гөлшаһидә белән профессор Таһиров хакында укып, күпләр табиб һөнәрен сайлаган, - диде ул журалистлар белән очрашу барышында. – Кинокартинаны төшергәндә без Әлмәт, Әтнә һ.б. театр артистлары белән бер мәйданда эшләү мөмкинлеге туды. Сериал булмаса, без алай эшли алмаган булыр идек. “Ак чәчәкләр”нең ничек килеп чыгуын, билгеле инде, тамашачы бәяләячәк.”

Габдрахман Әпсәләмовның оныгы Альбина Әпсәләмова (”Идел” журналының рус телендәге варианты баш мөхәррире) сүзләренчә, әлеге идея хакында ишеткәч, аның гаиләсе һәм Альбина үзе фильм төшереләчәгенә тулысынча ышанып та бетмәгән. “Мин үзем дә сериалны тулысынча күрмәдем әле һәм шуңа да аның экраннарга чыгуын түземсезлек белән көтәм. Мин үлемнән соң яшәү барлыгына тагын бер кат инандым, чөнки бу фильм бабам хакында истәлекләрне һәм аның “Ак чәчәкләр” романын мәңгеләштерә”, - диде ул.

“Татар-информ” алдан хәбәр иткәнчә, фильмның бюджеты 6 млн сум тәшкил итә һәм ул “2014-2020 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү” дәүләт программасы кысаларында гамәлгә ашырылган.

сылтама: http://tat.tatar-inform.ru/news/2015/10/27/114962/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4610
    11
    115
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    13212
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2853
    9
    88
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    11411
    13
    76
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13840
    4
    73
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда