2018 елга кадәр өлгереп калыгыз!

Сүз «Ана капиталы» турында бара. Гамәлдәге законнар буенча ул 2018 елның 31 декабренә кадәр генә биреләсе. Аннан соң ничек булыр, әлегә анысы билгесез. Гаиләдә икенче яки аннан соңгы бала туганннан соң күрсәтелүче әлеге ярдәм чарасы 2007 елдан бирелә башлады. 2015 елга кадәр аны 3 төрле юнәлештә кулланырга мөмкин иде, 2015 елдан ул юнәлешләр 4 булды. Болар:

  1. торак шартларын яхшырту өчен (төзелеш өчен тотарга була, әмма бу сертификатка җир сатып алып булмый);

  2. гаиләдәге балаларны укыту өчен (Татарстанда 9 мең гаилә «Ана капиталын» бу максатта тоткан);

  3. әни кешенең киләчәктә пенсиясен формалаштыруга;

  4. гаиләдә инвалид баланы дәвалау һәм тернәкләндерү чаралары сатып алырга (әмма бу теләгән һәр нәрсәне сатып алырга мөмкин дигән сүз түгел. Мәсәлән, гарип баласы булган гаиләгә машина бик кирәкле әйбер булса да, «Ана капиталы»на машина сатып алырга рөхсәт бирмәячәкләр).

2007-2017 ел эчендә «Ана капиталы»ның суммасы 250 мең сумнан 453 меңгә җитте. Аңа Татарстанда 225 мең гаилә ия булган. 166 мең гаилә үзләренең сертификатын инде теге яки бу юнәлештә сарыф иткән. Билгеле, күпчелек кеше аны торак шартларын яхшыртуга тоткан. «Ана капиталы»ның бер өлешен акчалата алу мөмкинлеге дә бар 2015 елда ул – 20 мең булган булса, 2016 елда – 25 мең. Хәзер тагын шунысы җайлы – «Ана капиталы»н алу өчен дә, теге яки бу юнәлештә куллану өчен дә гаризаларны Пенсия фонды бүлекләренә электрон юл белән генә дә юлларга мөмкин.

Һәрбер өлкәдә булган кебек, бу өлкәдә дә алдау юлы белән «Ана капиталы»на ия булырга теләүчеләр табылган. Тумаган баланы туды дип, ялган белешмә бирү очраклары булып, Татарстан буенча 12 кешегә карата җинаять эше ачылган.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    8192
    2
    55
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2486
    0
    40
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4791
    0
    38
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    3898
    1
    33
  • Айгөл + Линар Бу язма – Татарстанның атказанган артисты Айгөл Бариеваның көндәлекләре. Аларда – ире Линар белән танышу тарихы, әнисен югалту ачысы, татар кызының ерак себердә дә үз юлына тугрылык саклавы, туган якка бөтенләйгә кайту шатлыгы. Ихлас, самими хатирәләр...
    4357
    2
    29
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда