Пенза татарларының “Кияү пилмәне”



Татар халкында шундый йола бар – туйдан соң кияүне сыйлау өчен кызның әнисе “Кияү пилмәне” пешергән. Аның төп үзенчәлеге –  вак булуында.   

Пилмән камырының рецепты гомер-гомергә үзгәрешсез килгән. Камыры йомырка, тоз, әз генә су салып, онга басыла. Ә иткә тоз, борыч, суган кушыла.

Пилмәннең камыры бик юка була.



Камырны биш сум тимер акча зурлыгында гына түгәрәкләп кисәләр.  



Пилмәннең эчлеге йомшак булсын өчен итне иттарткычтан ике тапкыр үткәрәләр. Пилмән бөккәндә ит күп салынмасын өчен бер хәйләсе бар. Моның өчен әзер итне учка алып кысыгыз. Бүселеп чыккан ит – бер пилмәнлек норма. 



Пилмәнне бөгәр алдыннан камыр эченә салынган итне тигезләп җәяләр. Аннан соң урталай бөкләп, кара-каршы ябыштыралар. Соңыннан исә ике башын беркетеп куялар.



Ә Пенза татарлары “кияү пилмәнен” башкача ясый икән. Казанда күренекле аш-су остасы, “Татар халык ашлары” рецептлар китабы авторы Юныс Әхмәтҗановның тууына 90 ел тулуга багышланган халыкара аш-су осталары бәйгесендә катнашкан Пенза өлкәсе “Ак калфак” оешмасы җитәкчесе Эльвира Васильева аның үзенчәлекләре белән уртаклашты.

Пенза татарлары “кияү пилмәне”нә фәкать ат ите куллана. Алар камырның бер башыннан башлап, чеметеп-чеметеп бөгәләр. Әзер пилмәннәр  тамчы формасында килеп чыга.



Татар гаиләсендә кияү кешегә аеруча хөрмәт белән карыйлар. Шуңадыр, “Кияү пилмәне”ннән тыш, махсус аталган “кияү коймагы”, “кияү мунчасы” да бар. Билгеле, мондый вак пилмән белән кияүне генә сыйлап калмыйлар, ул дәрәҗәле кунакларга да пешерелә. Бүген Казан рестораннарында “кияү пилмәне”нең бер порциясе 500 сумнан башлана.
 
 

сылтама

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    8202
    2
    55
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2489
    0
    40
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4794
    0
    38
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    3907
    1
    33
  • Айгөл + Линар Бу язма – Татарстанның атказанган артисты Айгөл Бариеваның көндәлекләре. Аларда – ире Линар белән танышу тарихы, әнисен югалту ачысы, татар кызының ерак себердә дә үз юлына тугрылык саклавы, туган якка бөтенләйгә кайту шатлыгы. Ихлас, самими хатирәләр...
    4368
    2
    29
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда