Ачма

Үзенә күрә бу гади генә ризык, ә менә нәтиҗәсе – бик тә үзенчәлекле. Ул бик тиз әзерләнә, сыр кушылганга микән, туклыклы да әле.
Гадәттә, сулугуни дигән сыр куллансаң, отышлырак булачак.
 

Кирәк:

* 200 г ләвәш (ролл);
* 200 г сыр;
* 100 мл сөт;
* 1 йомырка;
* 50-70 г сары май;
* бер чеметем әнис орлыгы.
 

Эш барышы: 

1. Ләвәшнең өстен сөт белән сөртеп, йомшасын өчен аны 2-3 минутка калдырабыз. Ләвәшнең кырыйлары ватылмасын өчен, ул искермәгән (свежий) булырга тиеш. Түгәрәк ләвәш түгел, ә ролл ләвәшен – зур дүртпочмаклысы кулайрактыр. Анысын уңайлырак кебек. Табага урнаштырганда да  (спираль формалы) озынчарак булуы әйбәтрәк.



2. Сыр эре угычтан уыла һәм тигез итеп ләвәш өстенә таратыла. 


3. Аннары рулет формасында төрелә.


4. Табаны сары май белән майлап, рулетны табага спираль формасында урнаштырабыз. Өстен күперткән йомырка белән мул итеп майлап, кечкенә кисәкләр килеш ләвәш өстенә сары май тезеп чыгабыз. 


5. Әле тагын әнис орлыклары сибәбез. Кунжут орлыгы булса да ярый.


6. 170-175 градуска кадәр кызган духовкага 40 минутка куябыз. Ул алсу төскә керергә тиеш. Үзегезнең духовка җаена карап, вакыты да, духовка температурасы да башка булырга ихтимал.


Табынга ачма җылы килеш бирелә. Аны чәй белән дә, соус белән дә, җиңелчә генә салат белән дә чыгарырга мөмкин.
Тәмле булсын!

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8936
    10
    104
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9025
    8
    73
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4737
    4
    55
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    5981
    2
    26
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан