​Үзбәк ашлары

Картинки по запросу узбечка кафе

Һаҗәр Исмәгыйлова Үзбәкстанның Карши шә­һәрендә яши. Туган-тума­ча, таныш-белешләре ара­сында ул үзенең аш-суга осталыгы белән дан тота. Ре­дакциягә язган хатында ул журнал укучылар өчен бер­ничә аш-су рецепты да җибәргән. Без аларны сез­нең игътибарга тәкъдим итәбез. Рәхим итеп, пеше­реп карагыз.

Чемчә. Моның өчен мин кишер белән сарымсакны вак токмачлап турыйм да, табадагы үсемлек маена са­лып кыздырам. Шуңа тоз, төелгән борыч, су кушыл­ган аш серкәсе салып ба­рысын бергә яхшылып бол­гатам. Бер-ике сәгать суыт­кычта тоткач, аны икенче­гә бирелә торган ашлар бе­лән табынга куям.
1 кг кишер өчен 2 баш сарымсак, ярты стакан үсемлек мае, 1 бал кашы­гы аш серкәсе, 1 бал ка­шыгы тоз, ярты бал кашы­гы борыч кирәк.

Картинки по запросу кимчи морковь

Катлама сумса. Иң элек сөяксез симез ит, бәрәңге һәм башлы суганны вак шакмаклап турыйм. Борыч белән тоз сипкәннән соң, барысын бергә болгатып, эчлек ясап куям.
Аннары төче камыр ба­сып җәям дә, өстенә эретелгән атланмай ягып, рулет сыман итеп төрәм. Шу­ны әстерхан чикләвеге зур­лыгында кискәлим, һәрбер­сен кабат түгәрәкләп җәеп чыгам. Уртасына әзер эч­лек салып өчпочмак фор­масында бөргәч, майланган табага тезеп мичтә пешерәм.

Картинки по запросу самса

Пәтер. Каты итмичә ге­нә токмач камыры җәям. Шуңа эретелгән атланмай ягып урыйм да, кабартма зурлыгында итеп яңадан җәям. Өстен чәнечке белән тишкәләгәннән соң, май­ланган табага салып мичтә пешерәм.
600 г он, 1 йомырка, 1 бал кашыгы чәй содасы, бераз су һәм тоз кирәк.

Картинки по запросу патыр узбекская лепешка

Кабартма. Әрчелгән ашкабакны вак шакмаклап ту­рыйм.
Аннары йомыркага он, тоз, чәй содасы кушып ка­мыр басам. Шуны җәеп өстенә атланмай ягам да, туралган ашкабакны сибеп рулетсыман итеп төрәм. Аннары шуннан кабартма­лар ясыйм һәм өстен чәнеч­ке белән тишкәләп, мичтә пешерәм. Кабартмаларны табынга кайнар килеш бирәм.
Кабартма өчен 600 г он, 1 йомырка, бал кашыгы чәй содасы, тоз, бераз су һәм 200 г ашкабак кирәк.

Ләгъман. Төче камыр­ дан эре итеп токмач кис­кәлим, аны тозлы суда пе­шереп алам.
Аннары вак шакмаклап туралган ит белән кишер­ не майлы табада кыздырам. " Алар пешеп җиткәч  ток­мачлап турап бәрәңге, су­ган, су һәм тоз өстәп ба­рысын бергә томалап пешерәм. Пешеп җитәр ал­дыннан, бераз томат соусы өстәп җибәрәм.
Шул пешкән итле соус­ны токмач өстенә салып, икенче аш итеп табынга бирәм.
Токмач өчен 600 г он, 2 йомырка һәм тоз ки­рәк.
Соус өчен 300 г ит, 1 баш суган, 100 г атлан­ май, 1 кашык томат соусы, 1 кишер, 2 бәрәңге, 3 ста­кан су һәм тоз кирәк.

Картинки по запросу лагман узбекский

Тиз пешә торган итсез аш. Макарон яисә вермишельны алдан ук пешереп алам. Аннары туралган бә­рәңге белән колбасаны аерым-аерым табада атлан­ майда кыздырам. Ә пешкән йомырканы исә буйга юка гына итеп кискәлим.
Шуларның барысын да кайнап торган суга салып аш пешерәм. Мондый төр аш ит булмаганда бик ку­лай кайнар ризык булып санала.
Аш өчен 500 г верми­шель, 6-7 бәрәңге, 150 г колбаса, 5 йомырка, 200 г атланмай, тәменчә тоз ки­ рәк.
Ашкабак мантые. Әр­ челгән ашкабакны, суган һәм терлек маен (аны си­ мез иттән дә кисеп алырга мөмкин) вак шакмаклап турыйм. Өстенә тоз һәм бо­ рыч сибеп, болгатып ман- тый өчен эчлек әзерлим.
Аннары төче камыр ба­ сып җәям дә, 8x8 см зур­ лыгында квадратлап кискә­ лим. Шуның уртасына әзер эчлек тутырып ман- тыйның кйрыйларын бөреп чыгам. Аннары мантый ка­ занының майланган таба­ларына тезеп, 35 минут парда пешерәм.
Эчлек өчен 150 г терлек мае, 500 г ашкабак, 2 баш суган, тоз һәм борыч ки­рәк.

Ташкент өлкәсендә яшәүче икенче бер журнал укучыбыз Илмира Ибраһимова исә сезнең белән кай­бер яшелчә ашларын әзер­ләү серләрен уртаклаша.

Баклажан икрасы. Иң элек, баклажанны чистар­тып турыйм. Шуңа тоз, аш серкәсе кушып, табада­гы үсемлек маенда кызды­ рып алам.
Аннан соң сарымсак, помидорны угычта уып, ук­роп һәм кинзаны төеп та­ бактагы баклажан өстенә салам да, барысын бергә яхшылап болгатам.
1 кг баклажан өчен 40 г сарымсак, 500 г по­мидор, 50 г кинза (аш-тәмләткеч), 50 г укроп, 1-2 тамчы аш серкәсе кирәк.
Кәбестә салаты. Турал­ган кәбестәгә бераз тоз са­лып суы чыкканчы уам. Саркыткач, яшел кыяр, су­ган, укроп турап өстим. Шуңа көнбагыш мае белән 1-2 тамчы аш серкәсе кушып, болгатам.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    8387
    1
    107
  • 8849
    2
    57
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9817
    1
    55
Реклама
Соңгы комментарийлар
  • 30 сентябрь 2020 - 09:42
    Без имени
    Шамсия ярата белмэгэн,анламыйда яратунын ничек булганын.
    Парлы ялгызлар
  • 30 сентябрь 2020 - 15:34
    Без имени
    Аңлашылмады. Ире белән язылышмыйча яшәгәннәрмени? ЗАГСка барабыз дигән.
    Күз белән каш арасы...
  • 30 сентябрь 2020 - 16:46
    Без имени
    Ике тиле...
    Парлы ялгызлар
  • 29 сентябрь 2020 - 20:37
    Без имени
    Шундый матур язылган!Укыйсы да укыйсы гына килэ!
    Яшел кар
  • 28 сентябрь 2020 - 10:18
    Без имени
    Гел белмэсэ бик эйбэт. Бер ачуланышканда йорэк озгеч сузлэр ишетэсегез килмэсэ белдермэгез. Иргэ таянган иделгэ таянган дилэр. Таяк та бер ата. Гомер озак.
    Аналыгыңны алганнарын иреңә әйтергәме, юкмы?
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...