​Җәй сые – тутырылган ташкабак



«Хуҗабикә» сәхифәсенең бүгенге кунаклары – Гүзәлем һәм Салават Миңнехановлар. Икесе дә Азнакай якларыннан. Җырчы пар  татар эстрадасына «Гөрләтеп яшик әле» җыры белән дуэт буларак килеп кергән иде. Хәер, Салаватны да, Гүзәлемне дә аңынчы да белә идек үзе. Салават туганнан бирле диярлек сәхнәдә ул – якташлары аларның гаилә ансамбльләрен яхшы хәтерли әле.  Инде менә Гүзәлем белән бер гаилә булып иҗат итүләренә дә биш ел икән. «Болгар радиосы»ның милли премияләре (ә ул аларның бишәү!), «ТМТВ», «Алтын Барс» премияләре тамашачы мәхәббәте турында сөйли.   

Сәхнәдә генә түгел, тормышта да гел бергә алар. «Без хәтта ашарга да бергә әзерлибез. Шулай тәмлерәк тә, тизрәк тә!» – ди алар беравыздан. Җәй – җиңел ризыклар чоры, дип, «Сөембикә» укучыларына да тиз генә әзерләнә торган бер рецепт тәкъдим иттеләр. Дөрестән дә, тиз – плитә янында кайнашырга вакыты булмаган кеше дә әзерли алырлык ул. Өстәвенә, шундый тәмле һәм файдалы.
 

 

Кирәк



500 г эремчек (майлылыгы 5%); 

4-5 яшь ташкабак (кул яссуы зурлыгындагысы әйбәт кенә); 

100 г каты сыр; 

бер уч укроп һәм петрушка (яраткан кеше тархун да өсти ала); 

2-3 тырнак сарымсак; 

таба майларга үсемлек мае; 

ташкабакларның өстенә сыларга 2-3 аш кашыгы майонез (мәҗбүри түгел); 

тоз-борыч. 

Эш барышы

ташкабакны юып, баш-башын кисеп алабыз да өске ягын 1,5 см калынлыгында итеп буйдан-буйга телеп чыгарабыз (капкач вазыйфасын үтәячәк ул). Яшь ташкабакның кабыгын әрчергә кирәкми. 

Чәй кашыгы белән эчендәге орлыкларын алабыз. Безгә ташкабакның эче куыш булу кирәк. Ләкин бик юкартып та бетермәгез. 






Эремчекне тирән савытка бушатып, чәнечке белән изәбез – төерләре калмасын. Шунда ук вак итеп туралган укроп белән петрушканы да кушабыз. 



Сыр белән сарымсакны вак угычтан уып, аларын да эремчек янына салабыз. Тәменчә тоз һәм борыч сибәбез, яхшылап туглыйбыз. 



Әзер эчлекне ташкабак эченә тутырып, өстен кашык белән тигезлибез, «капкач»ын каплыйбыз.



Шуып төшмәсен өчен «капкач»ны ике читеннән агач таякчык белән ташкабакка кадап куярга да була. 

Тутырылган ташкабакны майлы табага тезеп, 180-200 градус җылылыктагы мичкә тыгабыз.






Ул 25-30 минут чамасы пешә. Өсте кызарып китсен өчен, бераздан, мичтән алып, майонез ягарга мөмкин. 

Әзер ташкабакларны табынга аш тәмләткеч үләннәр белән бизәп чыгарабыз. Янына каймак яки катык, майонез куя аласыз. Ул кайнар килеш тә, суынгач та бик тәмле. 



Ашларыгыз тәмле булсын! 

 

Мастер-класс «Беседка» иҗат студиясендә уздырылды. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8618
    10
    103
  • Егетемне кыйнадым – Ышанмыйсызмы? Чынлап әйтәм! Ул бу хакта хәтта полициягә хәбәр иткән.
    8885
    2
    71
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    8715
    8
    68
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4336
    4
    49
Реклама
Соңгы комментарийлар
  • 23 июль 2021 - 18:22
    Без имени
    Мене шулай кысылып купме бала бехетсез шул.Узебезнен баштан утте
    Кемнәрдән бәйләтим яраны?
  • 25 июль 2021 - 19:20
    Без имени
    Ай, рәхмәт яугырлары!!!!! бик тә нык сөендем бала өчен! Нянечкага рәхмәт!!! Йөрәкләренә, бәгырьләренә үтә торган итеп аңлатып әйтә белгәне өчен! Аллаһы Тәгалә аның аша, ир белән хатынга туры юл күрсәткән, гомерлек үкенечкә юл куймаган.
    Өч кенә көнгә...
  • 24 июль 2021 - 15:57
    Без имени
    Уф.... Йорэккэемне....
    Өч кенә көнгә...
  • 26 июль 2021 - 14:07
    Без имени
    Нәкъ шулай . Тик партнер бер генә булырга тиеш , югыйсә , хатын - кыз үзенең тәнендәге җепселләрен башкаларга таратып , үзе авыру булып калачак .
    ​Назлану өчен алты медицина сәбәбе
  • 22 июль 2021 - 16:52
    Без имени
    Мондый язмаларны еламыйча укый алмыйм,чонки минем бабамда узган ул концлагерларны,9май житсэ бакча артына чыгып жылый иде, соныннан Аны оправдали, ещё орден бирделэр,Бер солдаты коткарган очен,рэхмэт Ана,онытмаган...
    Ева-Мөслимә
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан