Орегано һәм борычлы томат соусы

Чын болгар борычы кебек хуш исле, үзе тәмле, макарон белән балалар да яратып ашый торган менә дигән соус. Быел – помидор уңган елны бигрәк тә ясамый калмагыз.
 

Кирәк:

* 3 кг помидор;
* 5 данә баллы борыч;
* 2 аш кашыгы тоз;
* 4 аш кашыгы шикәр комы;
* 1 аш кашыгы орегано;
* 1 тырнак сарымсак.
 

Эш барышы: 

1. Эре итеп туралган помидорларны блендер белән издерәбез.


2. Шул массаны вок-табага бушатып, утка куябыз. Кайнау кергәч, капкачын томалап сүрән утта 2 сәгать дәвамында кайнатабыз.


3. Шул арада орлыкларыннан арындырылган борычларны турыйбыз, 1 тырнак сарымсак, 1 аш кашыгы орегано кушып, аларны да блендер белән издерәбез.


4. Борычлы массаны помидорлар янына (ул инде 1/3 өлешкә кадәр кимегән булырга тиеш) кушабыз.


5. Шунда ук тоз, шикәр комы өстибез дә, яхшылап болгатып, тагын 2 сәгать кайнатабыз. Пешеп җиткәндә ул инде икеләтә кимегән булырга тиеш.



6. Кайнар килеш стерильләнгән банкаларга тутырып, капкачлыйбыз да әйләндереп куябыз. Өстен җылы әйбер белән томалап куябыз. Аннан соң суыткычка куеп суытабыз да салкынрак урынга куеп саклыйбыз. Суыткычта булмаса да ярый.


Тәмле булсын!
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан