Кабаклы соус һәм кабак токмачы

Кирәк:
(4-5 кешелек гаилә өчен)* 0,5 кг фарш (сыер яки тавык итеннән);
* 1 кг кабак;
* 2 яшел алма;
* ярты лимон;
* 1 баш сарымсак;
* 500 г сөт өсте (сливки);
* сыек май;
* тоз-борыч, аштәмләткеч үләннәр.
Эш барышы:
фаршка бер баш суган, бер йомырка, тоз-борыч кушып, әстерхан чикләвегеннән чак кына зуррак чумарлар (фрикаделькалар) ясыйбыз. Чумарларны онда әвәләп, майлы табада ике ягын да әйләндереп кыздырабыз.Онда әвәләгәч, алар тизрәк һәм тигезрәк кызара.
Кабыгыннан һәм төшләреннән арындырылган кабакны эре угычтан, ә алманы вак угычтан уабыз. Табада аз гына атланмай эретеп, кабак белән алманы салабыз, ваклап туралган сарымсак өстибез. Тозын-борычын сипкәч, ярты лимонның сутын сыгабыз, сөт өстен кушабыз. Аз гына кайнаган су кушып җибәрсәң дә була. Капкач белән каплап, сүрән утта кабак йомшарганчы пешерәбез.
Тирән эчле табага ит чумарларын тезеп, алар өстенә әле генә әзерләгән кабак соусын салабыз һәм кашык белән бераз тигезләп җибәрәбез.
15 минут чамасы мичкә тыгып алганнан соң, кабак соусында томалап пешергән чумарлар әзер дә. Капкач белән томалап, сүрән утта плитә өстендә генә тотарга да була.
Инде аның янына бирергә кабаклы токмач пешерик. 200 г кабакны вак шакмакларга турап, аз гына суда томалап пешерәбез. Пешеп чыккач, суын агызып, кабакны төябез.
Бераз суынганнан соң, шуңа ике йомырка сытабыз, бодай оны салып, катырак итеп камыр басабыз.
Камырны юка гына итеп җәябез (чак кына калынрак булса да зыян юк) һәм бераз кипшергәннән соң 10-15 см озынлыкта, 0,5 см калынлыктагы тасмаларга кисәбез.
Кайнап торган тозлы суда токмачны 3-4 минут пешерәбез. Суын саркыткач, 1 аш кашыгы атланмай өстибез дә ит чумарлары һәм кабак соусы белән табынга чыгарабыз.
Татар хатын-кызлары өчен кызыклы язмаларны Сөембикә Telegram-каналында укыгыз
Хәзер укыйлар
-
Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
-
Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
-
Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
-
Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
-
Менә шулай... Чәй кайнар суга эләгү белән куе булып чыга башлый. Буяу бит инде. Шайтан алгыры!..
Соңгы комментарийлар
-
28 июнь 2022 - 10:56Без имениСез язманы игътибар белән укымаган, ахры, иптәшләр. Монда бит колхозчы баласының кеше була алмавы турында бармый сүз! Ә ата-ананың баланы аралавы, башкаларга караганда, начаррак мөнәсәбәттә булуы турында сүз бара. Әгәр шартлар булса, бу өлкән кыз да, кече сеңлесе кебек, врач була алыр иде!Врач буласы урынга авылда әбиләр карыйм
-
28 июнь 2022 - 11:47Без имениУзегез йомшак булгансыз. Чыгып китяргя иде. Нык телясягез врач булыр идегез. Урында утырып , хыяллар белян яшяргя унайлырак булган курясен сезгя. Атиегез гаепле тугел ,а узегез . А хазер барсы да гаепле сезнен очен. Алай булмай шул. Узегез ялгышкансыз. Шуны анлагыз хям яшягез алга карап. Артка карап, барсында гаепляп тугел.Врач буласы урынга авылда әбиләр карыйм
-
24 июнь 2022 - 20:10Без имениАзаматны ышандырып йорисе тугел иде! Йомшак ирлэр дэ ничектер бэхетле яши бит эле. Кайбер гаилэдэ хатын-кыз эйдэп бара, торле гаилэ бар. Ин мохиме, ир куп эчмэсен, акча тапсын.Балдаклар, туй күлмәге калды, ә мин...
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.