Ир-егетләргә тәмле ризык

Җиләк-җимеш салаты

Вак алма һәм грушаларның кискәләмичә генә үзәген алып, түгәрәкләп турагыз. Шуңа шакмаклаклап туралган сельдерей исә салат яфрагы, слива өстәгез. Аннары майонез, тоз сибеп барысын бергә болгатыгыз. Салат өстенә ваклап турап пешкән йомырка, тавык ите сибеп табынга куегыз. Әлеге салатны алма эченә тутырып бирергә дә була.

Салат ясау өчен 100 г алма, 100 г груша, 200 г салат яисә сельдерей яфрагы, 100 г слива, 2 аш ашыгы майонез кирәк. 
 

Суворовча томалап пешерелгән балык белән бәрәңге

(Бу төр ашамлыкны әзерләү өчен үзе алыкчы булмаган ир кешегә дә, судак яисә тәрәч балыгын табарга туры киләчәк.) Чистартып юылган балыкны кискәләгез дә, сөягеннән аерып, итен чүлмәккә яисә чуенга сагыгыз. Шуңа салкын суда җебетеп саркытылган гөмбә, шакмаклап туралган бәрәңге, кишер, петрушка тамыры, майда кыздырылган суган, тоз өстәгез. Аннары күмелерлек итеп шулпа салып, утка утыртыгыз. Яртылаш кайнагач, телемләп туралган кызыл помидор һәм атланмай салып ахыргача пешерегез. Өстенә вак итеп туралган сарымсак һәм укроп сибеп кайнар килеш табынга куегыз.

63 г балык өчен 50 г бәрәңге, 5 г кишер, 5 г башлы суган, 20 г киптерелгән гөмбә, 16 г помидор, 2 г сарымсак, 7 г атланмай, 2 г укроп һәм тоз кирәк.


Румынча кофе

Кофега шикәр оны белән какао салып болгаткач, өстенә кайнаган су салып утта җылытыгыз. Шуңа (кайный башлаганчы) ванилин өстәп, кайнар килеш табынга куегыз.
Бер бал кашыгы кофе өчен 1 бал кашыгы шикәр комы, ярты бал кашыгы какао, бер чеметем ванилин кирәк.


Баллы колбаса

Атланмайга шикәр комы кушып тәмам эреп беткәнче ут өстендә тотыгыз. Шуңа 3 аш кашыгы какао, төелгән чикләвек төше һәм йөзем җимеше өстәп болгатыгыз. Катнашма суынгач, иттарткычтан үткәрелгән печенье салып болгатыгыз да, майланган пергамент кәгазьгә төреп колбаса формасында әвәләгез. Баллы колбасаны чәй табынына куйганчы суыткычта туңдырып алырга кирәк.

Колбаса өчен 500 г печенье, 200 г атланмай, 1 стакан шикәр комы, 3 аш кашыгы какао, чикләвек төше һәм йөзем җимеше кирәк.

Гап-гади камырдан да табынны бизәү өчен менә дигән розалар бәйләме ясарга була. Бары тик бераз фантазия һәм тырышлык кына кирәк. Әйдәгез, эстетика өлкәсендә дә үзебезне сынап карыйк...


фотолар Интернеттан алынды

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 24 сентябрь 2021 - 14:54
    Без имени
    бик. матур. хикея. ошады. ахыры да. яхшы. тэмамланды. рэхмэт
    Тормышымны үзгәрткән борылыш
  • 24 сентябрь 2021 - 09:19
    Без имени
    Бу хәлләр ир-ат тарафыннан азгынлык кына. Әгәр дә үзегезнең хатыныгызга да шундый ук игътибарлы булсагыз, хатыныгызны бер кемгә дә алыштырмас идегез
    Авырлы хатынны ташлап китү – ир эшеме?
  • 23 сентябрь 2021 - 18:10
    Без имени
    Монда әйтелгән фикерләр белән килешәм. Соңгысы гына күңелгә ятмый. Кияүгә ни өчен чыгалар, белмәдеңмени? Сине көчләп бирмәгәннәр бит!!! Малаең үз әтисе белән үсәргә тиеш, балаңны яратсаң...Җитәр, уйнап алгансың!!!
    Ирем булмаса, бәхетле яшәр идем...
  • 22 сентябрь 2021 - 22:45
    Без имени
    Оятсыз йэштэр! Иномарка, ял итеу хэзэр проблема тугел. Хаман Ата инэ елкэхендэ йэшэргэ оят бит хезгэ. Узегез генэ елкэ кимереу етмэйме ни, тыумаган балагызга урын Таба алмай ятахыгыз
    Тумаган килеш балама урын юк
  • 23 сентябрь 2021 - 06:38
    Без имени
    Башка кешегез булгач, ник хатыныгыз белән дә йокладыгыз соң? Баланы җил ясамагандыр бит?
    Авырлы хатынны ташлап китү – ир эшеме?
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан