​Гөлнарадан тәмле сюрприз

«Сөембикә»дә яңа проект — быел тәмле ризыкларны татар дөнья­сында танылган артистлар пешереп күрсәтәчәк. Сәхифәбезне җырчы Гөлнара ТИМЕРҖАНОВА башлап җибәрә. Гөлнара Башкортстанда туып-үскән кыз. Аш-суга бик оста. 
«Әнинең безне нәрсәгәдер өйрәтеп утырырга вакыты булмады. Авылда эштән бушап буламы соң? Якын­нарым, ашарга тәмле пешерәсең, диләр икән, ул — тормыш өйрәткән тәҗрибә», — ди җырчы кызыбыз.
Тамашачы күңелен «Йолдызлар яңгыры», «Өйдә буран булмасын», «Ике яр» һәм башка җырлары белән яулаган Гөлнара Казанга 16 яшендә чыгып китә. Нияте — музыка училищесына укырга керү. Аны уңышлы тәмамлап, укуын консерваториядә, Татарстанның халык артисты Әлфия Заһидуллина классында дәвам итә. Бүгенге көндә Гөлнара өч айлык кызы Айзифаны үстерү белән мәшгуль. Ә инде берәр җирдә концерты булса, бәләкәй Айзифа әтисе Ильер яки абыйсы Идел кулына күчә. Менә бу ризыкны әзерләгән арада да Айзифа әтисе кулында сабыр гына утырып торды.

Кирәк: 

* 500 г фарш;
* 2 йомырка;
* 3 аш кашыгы сохари оны;
* 1 чәй кашыгы горчица;
* 1 чеметем төелгән кориандр;
* 1 бәрәңге;
* 30 г каты сыр;
* 2 аш кашыгы майонез.


Эчлек өчен:


* 300 г шампиньон;
* 1 баш зур суган;
* 1 кишер;
* үсемлек мае.
 

Эш барышы:


Фаршка бер йомырка сытып, сохари оны, горчица, тоз-борыч һәм кориандр кушабыз. Барысын да яхшылап болгаткач, 20 минутка суыткычка куеп торабыз.
Ул арада эчлек әзерлик.

Шампиньонның бер кат элпәсен салдырып (юсаң, гөмбә су сеңдерә дә, кыздыруы читен була), ваклап турыйбыз. Табага үсемлек мае тамызып, гөмбәне кыздырабыз.
Гөмбә бераз кызгач, аның янына ваклап туралган суган, угычтан уылган кишер өстибез. Берничә гөмбәнең урта бер өлешен турамый гына кырыйга алып куябыз. Аларны соңыннан майда кыздырып алырбыз. Болар ризыкны табынга биргәндә бизәр өчен кирәк.

Ит фаршын фольга өстенә юка итеп җәябез. Эчлекне җәемнең уртасына буйдан-буйга салып чыгабыз. Фаршны ике ягыннан фольга ярдәмендә өскә таба күтәреп, төрәбез.
Чи бәрәңгене кабыгыннан әрчеп, вак угычтан уабыз. Шуңа бер йомырка сытабыз, майонез салабыз. Барысын бергә яхшылап туглап, ит өстенә ягабыз. Төргәкне фольга белән томалап, 1 сәгатькә мичкә тыгабыз. 

Пешеп җитәргә 20 минут кала, фольганы ачып, ит өстенә эре угычтан уылган сыр түшибез. Кабат мичкә тыкканда фольганы ачык килеш калдырабыз.
Турамый калдырган гөмбәнең ике ягын да табада кыздырып алабыз. Табынга биргәндә төргәкне 3 см телемнәргә телеп, кыздырган гөмбә белән бизибез. Янына яшелчәләр тезәбез. 

«Сөембикә», № 1, 2015.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    6268
    7
    62
  • Баллы кирпеч 1861 нче елда Болын-Балыкчы авылында урта хәлле крестьян гаиләсендә Ибәтулла исемле бер малай туа. Язмышына сынаулы еллар кичерәсе сабый чагыннан ук язылган була, күрәсең, Ибәтуллага өч яше дә тулмаган чагында кинәт кенә авырып әтисе үлеп китә. Ялгыз тормыш тарту ул чакта, хатын- кызга имана бае да бирелмәгән чорда, әнисенә авыр булгангамы, әллә инде башка сәбәпләр булганмы, сабыйның әнисе биш яшендәге Ибәтулланы әтисенең абыйсы Зиннурга калдырып, Кормаш авылындагы хатыны үлгән бер татарга кияүгә чыга.
    5665
    3
    49
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4056
    0
    42
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2678
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    8921
    6
    35
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда