Укытучым белән кодачалар булдык

Без унынчы сыйныфта укыганда тәрбия сәгатьләрен малайларга аерым, кызларга аерым уздыралар иде. Малайларны Габделнур абый алып чыгып китә. Без, кызлар, Фатыйма апа белән калабыз. Фатыйма апа Сәйфуллина укыту эшләре буенча директор урынбасары да, безне татар теленнән дә укыта иде. Шәмәк башлангыч мәктәбен тәмамлап, Түбән Тәкәнеш урта мәктәбенә килгәч тә безне иң беренче ул каршы алды. Мөлаем йөзле, сары бөдрә чәчле, җыйнак гәүдәле укытучы апабызны без шунда ук, ничектер, якын иттек. Ул безгә гомергә истә калырлык, бик әйбәт киңәшләр бирде. “Сез озакламый безнең кулдан китәсез, кайда булсагыз да, намусыгызга тап төшермәгез, — дия иде. — Күлмәкне яңадан, намусны яшьтән саклагыз, ди бит халык. Эш урынында да тәртипле булыгыз, җитәкчегезне тыңлагыз. Килен булырсыз, каенанагыз белән сүзгә килмәгез...”
Фатыйма апаның сүзләре һәрвакыт күңелдә торды, тормыш иткәндә ярдәме тиде ул киңәшләрнең.
 
Укытучыбыз әти-әнисенә бер бөртек бала иде. Әти-әнисен соңгы сулышларына кадәр тәрбияләде. Аларны ташлап китәсе килмәгәндер, тәкъдим ясаучылар булса да, бик озак кияүгә чыкмады. Олыгаеп кына тормышка барды, ләкин баласы булмады. 1962 елны Тәкәнеш районы бетерелде. Иптәше прокурор иде, аларны Алабугага күчерделәр. 1964 елда укытучымны Алабугада очраттым. “Миңа монда ошамый, китәрбез, ахры”, — диде. Аннан соң алар Әлмәткә күчкәннәр.

Менә язмыш: Фатыйма апа безнең кодача булып куйды. 2001 елда ашта очраштык, утыз җиде ел күрешмәгәннән соң! Аңа 70 яшь иде. Бер дә үзгәрмәгән, бераз тазарып кына киткән. Фатыйма апаны күргәч, мәктәп еллары искә төште. Гомерләр искән җил кебек үткән дә киткән икән. Инде без — аның укучылары да лаеклы ялда. Үзем утыз тугыз ел укытучы булып эшләдем. Һөнәремне сайлауда әти-әниемнең (алар икесе дә укытучылар иде, әни вафат инде), Фатыйма апаның да үрнәге булгандыр.
 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 9 апрель 2021 - 08:33
    Без имени
    Гел көйсез тормыш турында укып, бәхетсез хатыннар турында укып туеп беткән идем. Бу язмадагы гаиләне мин матур яшәгән семья дип укыдым.
    Кияүгә сүз әйтмәгез!
  • 8 апрель 2021 - 23:04
    Без имени
    Уффф! Квартираны узеңе тиң егеткә кияугә чыгып та бергә алырга була. 50 мең дә башка сыймаслык куп акча тугел. Бәхетсез син!
    Cөяркәм фатир бүләк итте
  • 9 апрель 2021 - 00:34
    Без имени
    Рустам сокландыргыч КЕШЕ!!! Анын турында кино тошеру бик дорес булыр иде!!!
    Рөстәм Нәбиев федераль каналда
  • 8 апрель 2021 - 19:30
    Без имени
    Хэр нэрсэнен уз вакыты.50 яшьтэн узгач,хатын-кызнын йоз-кыяфэте генэ тугел,тавышы да картая.Узешчэн жырчылар рэтендэ йоргэнче,шигырь уку килешэрэк тошэр кебек.Габделфэт узе кутэрелгэндэ,сине икенче планга калдырган.Мактанчык ирлэр хэрвакыт хатыннарын ойдэ хезмэтче урынына файдалана бит,узеннэн уздырып жибэрмэсен,узенен дэрэжэсе хатынныкыннан остен булсын очен.Зэйнэп-Зофэрлэр,Жэвит-Золфиялэр,хэзерге парлы жырчылар да бик куп,алар да бер-берсен хормэтлэп,бер-берсе белэн житэклэшеп яши сэхнэдэ.Син чыннан да иреннен дэрэжэсе булсын очен,анын аяк астында яшэгэнсен.Югыйсэ ул сэхнэ икегезгэ дэ житкэн булыр иде,шул вакытта габделфэтнен дэрэжэсе дэ зуррак булыр иде.Бу минем фикерем.
    Хатын-кызга ни җитми?
  • 8 апрель 2021 - 15:07
    Без имени
    Рузилә ханым, сез зур талант иясе: искиткеч матур җырлыйсыз, сезнең килеш-килбатегез, тавышыгыз, жырларыгыз башка берәүгә дә иярмәгән, үзенчәлекле. Турысын язганга ачуланмагыз: Габлелфәт әфәнде жырчы буларак хезмәт юлының ахырына якынлаша, ә сез яңа ачылып киләсез. Нәкъ җырдагыча: "мин сискәнеп күзем ачтым әле яңа гына". Сезгә иҗат уңышлары, сәламәт лек, гаилә бәхете телим.
    Хатын-кызга ни җитми?
Реклама
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи