Мөлкәт салымнарын чигерәбез

Соңгы вакытта күп сораулар тудыра торган темаларның берсе – салымнар хакындасы. Мөлкәт салымнарыннан акчаны ничек чигертеп була?  Моның өчен нинди документлар кирәк? Быел безне нинди үзгәрешләр көтә? Укучыларыбызны кызыксындырган шушы һәм башка күп кенә сорауларга Россия Федераль салымнар хезмәте идарәсенең Татарстан буенча мөлкәткә салым һәм керем бүлеге җитәкчесе Гүзәл АРИКОВА җавап бирә.

– Сатып алынган фатир бәясенең 13 проценты кире кайтарыла, дидек. Бу бөтен кешегә дә кагыламы? Күпме вакыттан соң салым инспекциясенә мөрәҗәгать итәргә мөмкин?
Салым законнары нигезендә керемгә 13 процент салым түләүче һәм шәхси керемнәрен торак сатып алуга яисә төзелешкә тоткан гражданнар мөлкәт салымнарыннан чигертүләр ясауга һәм алга таба аны кире кайтару хокукына ия. Бу – салым түләүченең хокукы, аннан файдалану турында Россия Федерациясе Салым кодексының 220 нче маддәсендә ачык әйтелгән.

–  Нинди күчемсез милек сатып алганда салымны чигерәләр? Ничә мәртәбә һәм аның проценты күпме?

– Әйтик, торак объектлары сатып алганда. Ул йорт булырга мөмкин, фатир, йә булмаса, кечкенә бер бүлмә...   Бу, шулай ук, торак төзелешенә бирелә торган җир участогы яки торак бинасы урнашкан җир өчен дә булырга мөмкин. Быелга кадәр торак сатып алуга яки төзелешкә салым чигерүләре (бер объект буенча) 2 миллион сумнан чыгып исәпләнде. Һәм бу бер генә мәртәбә эшләнә иде. Әгәр дә фатирыгыз бу суммадан кимрәк торса, файдаланылмаган чигерүләр (икенче фатир сатып алганда) яна торган иде. Ә менә быелның гыйнварыннан законнар үзгәрде, мөлкәт салымнарыннан чигерүләрдә яңа кагыйдәләр көченә керде. Әгәр дә элек бу чигерүләр өй салуга, фатир алуга тотылган акча исәбеннән саналса, хәзер ул салым түләүченең чыгымнарына карап исәпләнелә. Шулай итеп, салым түләүченең һәркайсы төзелешкә (берничә төзелешкә) керткән чыгымнарның 13 процентын кире кайтара ала. Тик чыгымы гына 2 миллион сумнан артмасын. Инде хәзер, яңа закон буенча, чигерүләрне тулысынча файдаланмаган очракта, аны икенче торак сатып алганда да куллана аласыз.

– Акча күпме вакыттан кире кайтарыла? Әгәр дә фатир ипотека буенча сатып алынган икән, күпме суммага исәп тотарга була?

– Бер елдан соң... Ул вакытка салым түләүче милек хуҗасы булуын раслаучы документларны инде кулына алган була. Ипотека буенча фатир сатып алганда мөлкәт салымнары чыгымга карап чигерелә (янә 2 миллион сумнан артмаска тиеш). Әлбәттә инде, бу очракта кредит буенча процент күләме дә исәпкә алына.

– Моның өчен нинди документлар кирәк һәм кайда мөрәҗәгать итәргә? Ул күпме вакыт эчендә хәл ителә?
– Мөлкәт салымнарыннан чигерүләр турында ел тәмамлангач, яшәгән җирегездәге салым органнарына яки эш бирүчегезгә мөрәҗәгать итәргә кирәк. Инспекциягә:

  • 3-НДФЛ формасы буенча салым декларациясе;
  • торак сатып алганны раслаучы документлар;
  • сатып алынган мөлкәтне түләгәнең турында документлар бирергә кирәк. Документларның тулы исемлеге безнең www.nalog.ru. сайтында – «Физик затлар» бүлегендә дә күрсәтелгән.
Салым түләүче, тикшерүләр узганнан соң, салымны кире кайтаруга гариза уза. Тикшерү, күп дигәндә, өч ай эчендә үткәрелә һәм бер ай дәвамында акча кире кайтарылып бирелә.

Фото: Г. Хафизов
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Гөр-гөр килеп яшәү «Бар әле...» дигән эш барлыгын беләсезме? Без белми идек, Актаныш районы Пучы авылында аңлаттылар.
    3643
    5
    124
  • Мәмдәлнең катлаулы гаиләсе – Өйдә сигез көн авырып ятты. Температурасы төшмәде... Шул инде, коронавирус. Балалар Казанга алып киттеләр. Сыгылып кына төшеп калдым. Төяп алып кайтсалар дим... Бик курыктым! Аннан ике операция кичерде. Әй, берсе минеке инде аның... Барыбыз да рәхәтләнеп көлешәбез.  Әмма Гөлсия апа ялгышып әйтсә дә хагын әйтте: береңнең тәне авыртканда икенчеңнең җаны авырту шушы була инде. Сулар һаваң кебек кадерлегә әйләнгән кешең бит ул...
    1276
    5
    103
  • Җизнәм Көнозын елап ятам, миндә берәрсенең эше булсачы! Чынында еламыйм да инде хәзер, туйдым, күз яшьләре дә чыкмый, көчәнсәм дә.
    10990
    5
    75
  • Дуслыкның чиге бармы? Искән җил аның күлмәген тәненә сылады да, түгәрәкләнеп килгән корсагы сизелде. Ир моны күреп, тетрәнеп китте. Ул сүз әйтә алмаслык дәрәҗәгә җитте. Хатынының корсагыннан күзен ала алмады.
    6162
    0
    64
  • Көнче киленем Берничә көннән соң Алсу миңа үзе шалтыратты. «Әни, мин өй җыештырыр идем, Булат белән урамда йөрергә килә алмассыңмы», – диде. Ярты сәгать эчендә аларның ишек төбендә идем.
    4430
    1
    50
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан