Кадереңне бел!

Кеше психологиясендә, физика законнары кебек үк, кеше ихтыярына бәйле булмаган әллә никадәр закончалыклар бар. Боларны белмәү гаеп түгел, әмма белеп тору яхшырак! 
Психологиябездәге закончалыкларның берсе бюджетны бүлү кагыйдәсенә карый. Гадәттә, кешеләр шәхси чыгымнарына бюджеттагы акчаның 10-30 процент чамасын сарыф итә. «Шәхси чыгымнар» дигәндә, фатир өчен түләүгә, ашау-эчүгә, юлда йөрүгә киткән акчалар түгел, ә бәлки эчке, рухи ихтыяҗларыңны канәгатьләндерүгә киткән акчалар күздә тотыла. 

Әлеге закон математикадагы пропорция төшенчәсен хәтерләтә: керем арта барган саен, кеше үз кирәк-ярагына акчаны да күбрәк тота башлый. Әмма аның бу вакытта керемен арттыруга керешүе дә бик мөмкин. Киресенчә, шәхси ихтыяҗларын бик нык кысып, уртак гаилә бюджетына зур зыян китерүчеләр дә еш очрый.

Үз кирәгенә бер тиен чыгармыйча, бар булган тырышлыгын, акча-керемнәрен йортына, гаиләсенә багышлап яшәүче танышым мирас рәвешендә зур гына суммада акча алу бәхетенә ирешкән иде. «Үзеңә берәр яхшы кием ал», «диңгезгә барып кайт» ише дусларча киңәшләргә колак салмыйча, ул әлеге сумманы саклык банкына илтеп салды. Әлеге акчалар икътисади кризисның башында ук «дөрләп янды». Әгәр ул үзен дә санга суккан, хөрмәт иткән булса, рухи ныклыгы, эчке интуиция­се аңа мондый аянычлы хәлдә калырга ирек бирмәгән булыр иде, билгеле.

Әлеге закон нишләп шулай аяусыз соң? Хикмәт шунда ки, матди дөнья барлыкка килүнең сәбәпчесе – кеше. Әгәр кеше булмаса, матди уңайлыкларның да кирәге юк. Шәхес үзенең ихтыяҗ­ларын киме­тергә, чикләргә тотындымы, аны чолгап алган матди дөнья да җимерелә башлый. 

Күптән түгел генә минем яныма бер хатын килде. Артта калган мода белән киенгән, чәче килешсез итеп кистерелгән. Әлеге ханым кечерәк кенә предприятие белән җитәкчелек итә. Күп эшли, хезмәт хакы яхшы. Әмма җаны теләгән шөгыльләр белән мавыгырга вакыты юк, соңгы тапкыр кайчан китап укыганын да хәтерләми хәтта. Күптән түгел генә иренә яңа машина алып биргән. Миңа, психологка, түбәндәге зары белән килгән: ире гаиләдән ераклаша бара, баладан да читләшә, соңга калып кайта, әледән-әле дуслары янына китеп олага икән. Ханым бу хәлләрнең сәбәбенә һич төшенә алмый. Югыйсә, сәбәп бик гади: тормышта башкаларны кадерләү белән генә чикләнмәскә, үз кадереңне дә белергә кирәк. Шул вакытта сине дә кадерләрләр.

Моны нидән башларгамы? Соңгы тапкыр кайчан бары тик үз-үзегезне генә сөендерерлек нәрсә эшләдегез? Бу сорауга кинәт кенә, тиз генә җавап бирә алмадыгыз... 

Һәр көнне үзегез өчен кәефегезне күтәрердәй берәр гамәл кылыгыз. Җаныгыз теләгән берәр ризыкны алып ашагыз, күптән хыялланган җиргә барып, ниһаять, ял итегез, күрешергә җай тапмый йөргән дуслар белән очрашып, бер гөрләшеп, сөйләшеп утырыгыз... 

Үз-үзебезне нәрсә өчен ярата алабыз соң? Азрак җанында казынса, моңа һәркем мең дә бер җавап таба ала. Дөньяда барлыгыбыз, бердәнбер булуыбыз өчен генә дә ярата алабыз үз-үзебезне. Төрледән-төрле уңышларыбыз, шәхси сыйфатларыбыз, үз алдыбызга куйган һәм, һичшиксез, ирешәчәк максатларыбыз өчен. Хыялланырга онытмавыбыз, ихтыяр көчебез булуы өчен дә...

Тышкы кыяфәтегез, сәламәтлегегез турында кайгыртыгыз. Битегезгә, кулларыгызга, аякларыгызга массаж ясагыз. Ваннага су җыеп, бераз вакыт таралып ятып торыгыз. Тибет медицинасы тубыкка кадәр җыелган суда 108 адымга кадәр атлап йөрергә киңәш итә. Атлаганда, якында һәм еракта торган эш-ниятләрегез хакында уйланыгыз. Эштән кайтканда, маршрутны үзгәртеп, тирә-ягыгызны күзәтегез, табигать белән хозурланыгыз. Шахмат, шашка уеннары уйнагыз, җырлагыз, биегез, рәсем ясагыз. Яңа китап (яисә «Сөембикә»нең яңа санын) алып укыгыз. 

Җирдә бер генә кат яшибез – шуны онытмагыз!    
фото: http://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4354
    10
    113
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12814
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2700
    9
    87
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    10755
    13
    74
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13376
    4
    73
Реклама
Соңгы комментарийлар
  • 29 сентябрь 2022 - 14:49
    Без имени
    Очень жизненно интересная история!👏👏👏
    Үз кызы итеп кабул итте
  • 29 сентябрь 2022 - 13:17
    Без имени
    Искиткеч шагыйрэ!
    Лена Шагыйрьҗан шигырьләре
  • 29 сентябрь 2022 - 20:53
    Без имени
    ФӘгыйләүүүүү, сез кая?) дәвамын көтәбез бит, һаман язмыйсыз. Языгыз инде, тизрәк укыйсы килә биииииит!!!!😻
    Гомерем усал кайнана, исерек ир белән үтте 11
  • 28 сентябрь 2022 - 08:57
    Без имени
    Эчә инде ул,туктамый хәзер.Алма агачыннан ерак төшми шул.Ераграк тәгәрәгәне бик сирәк аның.Бер ни эшли дә алмыйсыз,кызганыч.Ә кызыгыз,нәрсә булса да булыр инде диеп,буйсынган тормышы белән....
    Бүре баласын бүреккә салсаң да...
  • 27 сентябрь 2022 - 18:49
    Без имени
    Кияугэ чыкканда баласы бар икэнен белмэдегез мени? Ул беренче хатыны хэм баласы янына кире китэргэ дэ момкин, беренче хатын Аллахтан
    Баладан көнләшәм
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда