Эчке кичерешләр конфликты

Эчке кичерешләр конфликты. Нәрсә дигән сүз соң бу? Кемнәр һәм ни өчен аңа дучар була? Әлеге хисләрдән сакланып яки котылып буламы? Гомумән, кирәкме алардан саклану?
Эчке кичерешләр конфликты турында сөйләшкәндә, күренекле психиатр, психолог Зигмунд Фрейд исемен телгә алмый булмый. Нәкъ менә Фрейд кеше психикасының берничә өлештән торуын исбатлый. «Психика өч субстанция бердәмлеген тәшкил итә: тумыштан килә торган инстинктлар; җәмгыятьтә хөкем сөргән мораль һәм чикләүләр; ниһаять – кешенең үзаңы», – ди ул. Психолог күзаллавынча, тормыш дәвамында кешенең эчке кичерешләре өч элемент көрәше нәтиҗәсендә формалаша, һәм еш кына аларның үзара килешүе белән тәмамлана. Бу очракта без үз-үзебездән канәгатьләнү хисе кичерәбез, эчке кичерешләребез һәм әйләнә-тирә мохит белән килешеп яшибез. Әмма тормыш гел генә шул хәлдә дәвам итә алмый.

Уңышларны – уңышсызлык, очышларны егылып төшүләр алыштыра... Еш кына кеше үзенең намусы кушмаган карарлар кабул итә, кайвакыт җәмгыять куйган киртәләрне дә бозарга туры килә... Нәкъ менә шундый чакларда эчке кичерешләр конфликты килеп чыга да инде – намус безне ялгыш адымнарыбыз өчен «битәрли», ә кайчакта авыр депрессия, хәтта суицидка кадәр этәрә... Чынга ашмаган хыяллар, теләк булып та, нигәдер яуланмаган үрләр – болар барысы да эчке тот-рыклылыкны җимерүче сәбәпләр булып тора. 

Эчке кичерешләр конфликты безгә бары тик җимерүче көч булып кына тоела. Чыннан да, еш кына ул негатив хисләр белән бәйле. Әмма нәкъ менә эчке кичерешләр конфликты кешене яңа үрләргә этәрүче, аны рухи яктан баетучы катализатор да булып тора. Әгәр кешедә рухи конфликт булмаса, ул яхшыны яманнан аера алмас, омтылышсыз яшәр, агымга ияреп, каршылыксыз һәм максатсыз гомер кичерер иде. Мондый халәт кешенең үзе өчен генә түгел, җәмгыять өчен дә тискәре нәтиҗәләр бирер иде. Димәк, рухи конфликт ул кешене кеше итә, аның тормышта урынын билгели торган үзенчәлекле бер механизм да. Нәкъ менә шул сәбәпле, эчке кичерешләр конфликтын еш кына кеше тормышындагы билгеле бер цикллар белән бәйлиләр дә инде. 

фото: http://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Гафу итә алмыйм сине, әни! – Апа, әни акылдан шашкан! Көзнең яңгырлы салкын бер көне иде ул. Мәктәптән туңып кайтып кына кердем, каршыма башлангыч сыйныфта укучы сеңлем Айзилә йөгереп килеп чыкты да, колагыма әнә шулай дип пышылдады.
    13614
    3
    171
  • Әллә?! Завод капкасы төбендә сезне бер карчык көтә дигән хәбәрне ишетүгә, Фәрһадның йөрәге чәнчеп алды, зиһене чуалды, күз аллары караңгыланды.
    11093
    2
    115
  • Үкенечле үткәннәр... Якшәмбе булса да, иртәдән телефон шалтырады. Башкаларның иртәнге йокысы бүленмәсен дип, атлас халатын тәненә элеп кенә җибәрде дә, телефонын алып балконга йөгерде. Телефонның теге ягында карлыккан ир кеше тавышы ишетелде:
    8302
    2
    87
  • Балагызны үзем карап торам! - 1 Кызлары туганнан бирле Аида белән Тимурның иртәсе гел бертөрле башлана хәзер. Тимур иң беренче булып уяна да, нәни кызы белән төне буе бала караваты яныннан китмәгән хатынын уятмаска тырышып, аш бүлмәсенә чыга. Иртәнге ашны ашагач, кереп битләреннән генә пәп итеп ала да эшкә китә.  Подъез ишегеннән чыгуга телефоны пипылдаганына да ияләште ир. Ул беренче  катка төшеп җиткәнче, хатыныннан уңышлы көннәр теләп смс килеп җитә. Ә ул телефонын алып «Рәхмәт!» яза. Бүгенге иртә дә нәкъ шулай башланды.
    3892
    7
    77
  • Гафу итә алмыйм сине, әни! 2 Шулай да ул ЗАГСка килгән иде. Без машинадан төшүгә яныма килде. – Син ... монда? – гаҗәпләнүемне яшерергә дә теләмәдем.
    4474
    4
    71
Реклама
Реклама
Соңгы комментарийлар
Реклама
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...