​Сәйләнле шарф

Зөлфиянең кул эшләре һәркайсы үзенчәлекле. Беркайчан да бер-берсен кабатламый, кемгә дә килешә торган. Менә бу шарф та һәр хатын-кызны бизи торган. Җәй өчен дә, кыш өчен дә матур ул. Теләсә кайсы киемне ачып җибәрә, бәйрәмчә тантаналы төс өсти. 
 

Кирәк: 

* матур шифон шарф (буе – 1,5 м, иңе – 40см);
* 6 төстәге эре мәрҗәннәр. Диаметры – 6 мм. Һәр төстән 65 данә. Төсләре шарфның бизәкләре белән ярашырга тиеш;
* 200 г үтә күренмәле вак сәйлән (№ 10);
* нечкә һәм нык кыл яки җеп (кул белән генә тартып өзәрлек булмасын);
* нечкә сәйлән энәсе;
* кайчы.
 

Эш барышы:

1,5 м җеп кисеп алып, энәгә саплыйбыз. Шуңа 1 вак сәйлән элдереп, аны җепнең очына кадәр этәрәбез (20 см чамасы «койрык» калдырырга кирәк була) һәм энәне кабат шушы ук сәйлән эченнән уздырып, төенләп куябыз, җеп буйлап шуып йөрмәслек булсын. 
1 нче рәт: энәгә 1 вак сәйлән (чөнки рәт башында берәү бар инде), 1 мәрҗән, 2 сәйлән, 1 мәрҗән (бу юлы инде башка төслесен), 2 сәйлән, 1 мәрҗән итеп, мәрҗәннең алты төслесен дә энәгә элдерәбез (алтынчы мәрҗәннән соң, сәйләнне берне генә алабыз, аннары бу рәтне боҗрага тоташтырабыз: энәне рәт башында беренче булып торган ике вак сәйлән аша уздырабыз.

2 нче рәт: энәгә 5 вак сәйлән һәм аскы рәттәге мәрҗән төсендәге мәрҗән эләктереп, энәне аскы рәттә шушы турыдагы мәрҗәннән соң икенче булып торган сәйлән аша тыгып алабыз. Энәгә кабат 5 сәйлән, аннары тагын бер мәрҗән (алар һәрвакыт астагы рәттә торучы мәрҗән төсендә булырга тиеш) эләктереп, барлык алты төсле мәрҗәннәрне дә бер рәткә җыеп бетерәбез. 6 нчы мәрҗәнне энәгә эләктергәч, безгә өскә таба үрергә кирәк булачак. Моның өчен энәне икенче рәтнең башында торган 5 сәйләннең иң өстә торганы аша уздырып алабыз. 

3 нче һәм калган барлык рәтләр: энәгә 5 сәйлән, аннары аскы рәттәгесе төсендәге мәрҗән эләктереп, энәне аскы рәттәге сәйләннәрнең бишенчесе аша уздырабыз. Калган барлык рәтләр дә шушы рәвешле бәйләп дәвам ителә. 
Иң соңгы рәт: энәгә бер сәйлән һәм мәрҗән эләктереп, энәне аскы рәттәге бишенче сәйлән аша уздырабыз. Иң соңгы адым: энәгә 1 сәйлән, 1 мәрҗән һәм 1 сәйлән элдерәбез. Әлегә җепне кисми торабыз.

Шарфны сәйләнле «торбага» кидерү:
шарфны уң ягы тышка калырлык итеп, буйга гармунлап төрәбез. «Гармунны» шарфның икенче чите белән каплыйбыз. «Гармунны» сак кына җыеп тотып, бер башыннан җеп белән чорныйбыз. Җепнең икенче очын карандаш ише артык юан булмаган озынрак таякчыкка бәйлибез. Шушы таяк ярдәмендә шарфны «торба» аша уздырабыз. Гадәттә, шарфның бер очы чак кына озынрак итеп калдырыла, бәйләп куйгач, тигезлек саклансын өчен кирәк бу. 

Соңгы эш итеп сәйләннән үрелгән «торбаның» баш-башларын тарттырып, энәне соңгы рәтнең сәйләннәре аша йөртәбез, астагы рәттәге сәйлән аша уздырып, төенлибез һәм җепне кисәбез. 

Сәйләннәрне тезә генә башлаганда, без бер сәйләнне җепкә урап, беркетеп калдырган идек бит. Сак кына җепнең очын сүтеп алып, аны энәгә саплыйбыз һәм энәне соңгы рәт аша уздырып, аскы рәттәге сәйлән аша йөртеп, җеп очын төенлибез.  

Шарф әзер. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    2708
    28
    251
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    7230
    2
    106
Реклама
Соңгы комментарийлар
  • 27 октябрь 2021 - 02:02
    Без имени
    Рэхмэт🙏🙏🙏👍👍👍
    "Хатын-кызларны күралмый башлаган идем..."
  • 26 октябрь 2021 - 21:51
    Без имени
    Урыс, татар, дип аермау - диннән ерак булудан килә. Милләт тә шулай югала инде.
    Язмыш шаяруы
  • 26 октябрь 2021 - 19:22
    Без имени
    Гомер буе үзе дә буталчык яшәгән, язма да шулай. Һәр кемнең үз юлы, язмышы. Киңәш сорар киләләр дип арттырып та җибәрәсез. Кем кемнән сорап чыга соң ул?! Сез ханым үәегезне бик диндар, акыллы, гел хәзрәт белән генә киңәш итеп яшәгән кеше шикелле кыланасыз. Язмагыз ышандырмады. Бәлки башка кешеләр язарлар
    Язмыш шаяруы
  • 26 октябрь 2021 - 15:49
    Без имени
    Экият
    Җәннәт... Иреңнең аяк астында
  • 26 октябрь 2021 - 12:46
    Без имени
    Нәфисә ханым да август аеннан бирле караңгы гүрдә..... Кабере нур белән тулсын.Бездән риза булып ятсын.
    Сыналган мәхәббәт
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан