Свитшот тегәбез

Мастер-класста кулланылган үлчәмнәр 46-48 нче үлчәмле кием өчен. Кайбер саннар һәр размерга да ярашлы, аларын мастер-класс барышында әйтеп китәрбез.


Кирәк: 

* калынрак трикотаж тукыма;
* иңе – 140-150 см, ә буе киемнең
* ике озынлыгы кадәр;
* тукыма төсенә туры килә торган тегү җебе;
* чукмарбашлы энәләр;
* акбур яки сабын кисәге.
 
 
Эш тәртибе: 
 Тукыманы урталай бөкләп, өстәл-гә тигезләп җәябез (Киемнең өлге-се турыдан-туры тукымага гына сызыла.
 Бөкләнгән сызык буйлап, тукыма­ның бер очыннан киемнең озынлыгын үлчәп, тамга салабыз. Аны «А» хәрефе белән билгелик. «А»дан соң, тагын шушы ук озынлыкны үлчәп, ул ноктаны «Б» дип тамгалыйк.
(1 нче рәсем.)

 Хәзер җиң уемын (пройманы) бил­геләргә кирәк. Ничек үлчәргә икәнен югарыда әйттек. 
Безнең очракта ул 22 см. Моңа тагын 3 см киңлек өлеше дә кушыла. (3 см һәр үлчәм өчен дә уртак.) 22+3=25. 
 
 «А» тамгасыннан һәр ике якка да 25 см үлчәп билгелибез (сез инде үз үлчәмегезне кулланасыз). Сул яктагы ноктаны «В», уң яктагысын «Г» дип атыйбыз.
 Күкрәк әйләнәсенең үлчәмен дүрткә бүлеп, шуңа тагын 3 см (һәр размер өчен дә бер) киңлек өлеше кушабыз. Килеп чыккан санны «В» һәм «Г» нокталарыннан өскә таба үлчәп салабыз. Барлыкка килгән нокталарның сулдагысын – «Д», уңдагысын «Е» дип тамгалыйбыз. «Д» ноктасыннан – сулга таба,
«Е» ноктасыннан уңга таба да әлеге санны салып, нокталарның берсен «З», икенчесен «Ж» дип билгелибез.


Муен уемын ясау
 «А» ноктасыннан сул якка – 2 см, уң якка (анысы алгы як була) – 9 см, өскә 8 см билгеләп, нокталар куябыз. Шушы 3 ноктаны дугалап тоташтырабыз. Бирелгән саннар һәр размер өчен дә уртак. (2 нче рәсем.)
 
Реглан җиң:
 «Дуга»ның һәр ике ягыннан да астан өскә таба 7 см үлчәп (һәр размер өчен дә бер), нокталар төртәбез. Сулдагы ноктаны – «Д», уңдагысын «Е» нокталары белән тоташтырабыз. (3 нче рәсем.)
 «Дуга»дан өскә таба җиң озынлыгын үлчәп салабыз һәм аны «И» хәрефе белән билгелибез. Беләзек әйләнәсен икегә бүлеп, шуңа 3 см киңлек өлешен кушып, табылган санны «И» ноктасының ике ягына да үлчәп салабыз һәм аларны «И»¹, «И»² дип тамгалыйбыз. (4 нче рәсем.)
 «И»¹ ноктасын – «Д» белән, «И»² ноктасын «Е» белән тоташтырабыз. Кайчы рәсеме төшерелгән сы-зыклар буйлап, өлешләрне кисәбез. (5, 6 нчы рәсемнәр.)
 
Җиңнәрне бераз тарайтасы була. Моның өчен: җиңнең иң киң төшеннән («Д» һәм «Е» нокталары) эчке якка таба 4 см кереп, аны җиң очы һәм муен уемы белән тоташтырабыз. Шушы сызык буйлап кисеп тарайтабыз. (7 нче рәсем.)

Кискәннән калган тукымадан ике манжет, муен уемына кайма, аскы якка кереш кисәбез. (8 нче рәсем.)
 
Манжет:
Тукыманың буй юнәлеше буенча киселә. Озынлыгы – беләзек әйләнәсе (әгәр дә трикотаж сузылучан булмаса, 1-2 см киңлек өлеше кушарга кирәк булыр), киңлеге – 12 см. Бөкләгәч,
6 см кала. Аның 1 см – тегү өлеше. Әзер манжетның киңлеге – 5 см. Һәркемнең беләзек үлчәме төрлечә, әмма киңлеге һәр үлчәмгә дә уртак.
 
Аскы кереш:
Ул да тукыманың буй юнәлеше буйлап киселә. Озынлыгы – күкрәк әйләнәсенә тигез, киңлеге шулай ук 12 см. Әзер керешнең киңлеге – 5 см.
 
Муен уемына кайма:
Ул тукыманың буй җебенә 45 градуслы почмак белән киселә. Киңлеге – 6 см, озынлыгы – 48 см. Озынлыгының дөреслеген муен уемын үлчәп ачыкларга була. (9 нчы рәсем.) Алар тигез булырга тиеш. Әмма кайманы кискәндә һәр ягыннан да 1 см тегү өлеше кушыла.
 
Тегү:
Алгы як белән арткы якны кырый җөйләр буенча тегеп тоташтырабыз.  Җиңнәрне тегәбез. Тегелгән җиңне уң ягына әйләндереп, киемнең эченә тыгабыз һәм җиң тегеләсе урынга чукмарбашлы энәләр белән чәнчеп куябыз.
Кырый җөй белән җиңнең җөе туры килергә тиеш. (10 нчы рәсем.) Машина җөен култык астыннан сала башлыйбыз. 
Манжет, кереш һәм кайманың ике очын тегеп тоташтырабыз. Манжетны урталай бөкләп, җиң очына тегеп куябыз. Җөйләрнең бер-берсенә туры килүенә игътибарлы булыгыз. (11 нче рәсем.) 
Машина белән теккәндә, манжет өске якта булсын, аны бераз тартыбрак тегәргә кирәк, ә җиң очы, киресенчә, бераз җыелыбрак барсын, чөнки манжет җиң очыннан озынрак. (12 нче рәсем.)
 
Муен уемы да, аскы якка кереш тә нәкъ шушылай тегелә. Муен уемына тегелгән кайманы үтүкләгәндә, пар белән үтүкләп, бераз җыярга, урынына утыртырга да кирәк булачак.
Трикотаж тукыманың читләре, гадәттә, сыпылмый, шуңа күрә җөй кырыйларын эшкәртмәсәң дә була. Әмма, оверлогыгыз булып, эшкәртеп чыксагыз, бүләк итәсе киемегезнең эчке ягы пөхтәрәк күренәчәк.
Оверлок урынына машинаның зигзаг җөен кулланырга мөмкин.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    1712
    26
    194
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5363
    2
    74
Реклама
Соңгы комментарийлар
  • 16 октябрь 2021 - 22:17
    Без имени
    Илдя чыпчык улми. Тукмалып торырга ярамый.
    Мәхәббәттән нәфрәткә бер адым икән
  • 17 октябрь 2021 - 07:44
    Без имени
    Яшьлэр монда ни причём. Халыкнын дини наданлыгыннан килэ бу хэллэр. Дини агарту эшлэре алып барырга кирэк. Семьядан башлап, диния нэзэрэте дэ яшьлэргэ тэрбия биру остендэ эшлэргэ тиеш, мячетлэр салалар, э яшьлэрне мэчеткэ Тарту эшлэрен тиешенчэ кутэрмилэр...
    Кызыбыз өйләнә – улымны киленгә бирәм!
  • 17 октябрь 2021 - 19:39
    Без имени
    Әтисез читен була дигәнсез?Ә әнисез?Лилия исемле бер җырчы интервью бирде,сездә тыңнагансыздыр бәлки.Әниемә әти җайсыз сукты ди,35 яшендә мәрхүм булды әнием ди.Кабатларга уйлыйсыңмы?Ноги в руки и бегом ул тиледән....
    Мәхәббәттән нәфрәткә бер адым икән
  • 15 октябрь 2021 - 11:55
    Без имени
    Минем уйлавымча. хыянэтне. гафу итэрге. ярамый. минем дэ баштан утте. эле. мин. бала авырып. больницада яттым. э ул. жилбэзэк кызны. ойге керткен. ир атнын. башы. юк анын. алар. узлэре очен гене. яшилэр. бала да. кирэкми. хатын. да. картайганчы. хыянэт итэ. минеке. шулай булды.
    Нигә мине чүпрәк итәләр?!.
  • 15 октябрь 2021 - 15:13
    Без имени
    Бик матур,тату,тырыш,тэуфикле гаилэ - Эхмэтшиннар гаилэсе.Алдагы коннэрдэ дэ матур,тату,бэхетле булып яшэгез! Зур унышлар сезгэ!
    Оясында ни күрсә...
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан