​Сабыннары хуш исле

Мастер-классны Белоруссиянең Могилев шәһәрендә яшәүче икътисадчы (бүгенге көндә декрет ялында) Елена СТАРИКОВА алып бара.
 
Эксклюзив сабыннарны балалар сабынын яки сабын нигезен (махсус кибетләрдән эзләгез) эретеп ясыйлар. Балалар сабынын эреткәндә су кулланылганга, берникадәр вакыттан соң мондый сабын формасын югалта, шуңа күрә, нигездән ясалган сабын сыйфатлырак санала, бүләк өчен ул яхшырак.

Барлык рецептлар бер үк гамәлдән башлана, шуның өчен без аны алга чыгарып куйыйк. Сабын нигезен микроволновка яки сотейникта эретәбез (туралган сабын нигезе тизрәк эрер). Сабын белән эш итәргә булсагыз – аны башта угычта уабыз (аллергияле кешеләргә битлек кияргә кирәк). Вакытыгыз булса, уылган сабынны суда бүрттереп алсагыз яхшы. Уылган сабынны савытка салып, утка куябыз. Салмак кына кайнар су өсти торабыз (100 г сабынга – 150 г су). Бертөрле масса барлыкка килгәнче, болгата-болгата, кайнатабыз. 


«Әфлисун белән каһвә» сабыны

Кирәк:
* сабын нигезе (яки бер балалар сабыны);
* 2 чәй кашыгы тарттырылган каһвә;
* 5 тамчы дарчин (корица) эфир мае (йә булмаса, уылган дарчинны миндаль яки зәйтүн маенда төнәтеп алырга мөмкин);
* ярты чәй кашыгы сырганак мае;
* 5 тамчы әфлисун эфир мае;
* бераз гына какао порошогы; 
* форма (профессиональ форма булмаса, йогурт, каймак савытлары да ярый).

Эретелгән сабын нигезен өч өлешкә бүләбез. Бер өлешне каһвә һәм дарчин эфир мае белән болгатабыз һәм савытка агызабыз – катсын. Бу арада икенче катны әзерлибез – нигезне сырганак мае һәм әфлисун эфир майлары белән катнаштырабыз. Беренче өлеш өстенә агызабыз. Араларына спирт яки кыйммәт булмаган хушбуй сиптереп калдырабыз – катлар бер-берсенә яхшырак ябышыр. Өченче өлеш – ак нигез. Аны шунда ук агызабыз һәм өстенә какао сибәбез. Ул каткан арада теш чистарткыч таяк ярдәмендә «аксым кремы» формасына охшатабыз. 
 

«Тирамису» сабыны

Кирәк:
* 100 г сабын нигезе яки бер балалар сабыны;
* 2 аш кашыгы какао порошогы;
* зур бер форма.

Эретелгән сабын нигезен ике өлешкә бүләбез, берсенә какао порошогы салып, көрән төскә кертәбез, икенчесе ак булып кала. Формага юка гына катлам агызабыз – көрән төс – ак төс – көрән төс... Катлар бер-берсенә яхшы берексен өчен, араларына спирт сиптереп калдырабыз. 
Сабын өстен какао белән бизибез. Сабын кипкәч, формадан алабыз. Кырыйларын тигезләп киссәк тә була.
 

«Лимон белән канәфер» сабыны

Кирәк:
* 100 г сабын нигезе (яки сары төстәге глицеринлы сабын);
* бишәр тамчы лимон һәм канәфер эфир майлары;
* пычак очында гына азык буявы (сары);
* бер аш кашыгы зәйтүн мае;
* форма.

Сабын нигезен кулланасыз икән, эреткәндә, пычак очында гына азык буявы өстәргә кирәк. Лимон һәм канәфер эфир майларын сабын нигезе эреп беткәч кенә өстәп җибәрәбез (алданрак салсак, хуш исе пар белән чыгып бетәчәк). Эремәгә, матурлык өчен, берничә канәфер төше салабыз. Формага агызабыз.

 Сабын нигезеннән ясалган сабын бер тәүлек эчендә кибә, сабыннан ясалганы исә – 2-3 тәүлек. Сабын формадан җиңел алынсын өчен аны 20 минутка суыткыч камерасына куеп алабыз. Форма пластик булырга тиеш – пыяладан сабын бик авыр кубачак.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    15795
    1
    85
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    6079
    3
    50
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    5970
    4
    49
  • Сабырлык чиге 2  Шулай итеп, Сәрия туташ никахлы ире кочагында бер төн генә ләззәтләнеп калган. Нәрсә генә булмасын, авылда «кияүгә чыккан» дигән хәбәр таралган бит...
    8204
    0
    36
Реклама
Соңгы комментарийлар
  • 7 февраль 2023 - 06:25
    Без имени
    Карыйсы килэ башлады инде. Бу эсэрне укыганым бар иде.
    Бала бишеге тибрәнүендә  – чиркәү чаңы
  • 3 февраль 2023 - 09:19
    Без имени
    Рушания ханымның сәләтенә, булдыклы, уңган булган ханым булганына шаккатып, исем китеп укыдым.Була бит шундый бар яктан да килгән кешеләр, сөбханАллаһ, күз тимәсен 🤲🤲🤲Сәламәтлек, озын гомер телим аңа!
    Үләнче
  • 4 февраль 2023 - 13:37
    Без имени
    Гомер ничек яшэлсэ дэ утэ.Ярый анлаган ирен,э анламаганнар анламый ул.Яшэгэн саен чарасыз тузеп яшэгэн хатынкыз азмы доньяда.Сабыр тобе Сары алтын дисэлэр дэ сэлэмэтлек бик кирэк нэрсэ.Аллакаебыз яшьлектэ хэр балага тэуфикь, сабырлык хэм уз башына акыл бирсен.Сэлэмэтлектэ булып яшик
    Сабырлык чиге 5    
  • 3 февраль 2023 - 09:42
    Без имени
    Ие ие, бау белэн бэйлэп сойрэп яткыралар ди. Шул йоремсэк ирлэрне яклап утырмагыз инде
    «Йөремсәк» хатын
  • 4 февраль 2023 - 13:40
    Без имени
    Бик гыйбрэтле язмыш, шулай тузеп яшэдек
    Сабырлык чиге 5    
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр