«Әнием чәчкәләре»

Мастер-классны Татарстан Рәссамнар берлеге әгъзасы, Казан дәүләт технология университетының «Дизайн» кафедрасы доценты Наилә ГАЛӘВИЕВА алып бара.
 

Кирәк:

* төрле төстәге тукыма кисәкләре;
* рәсемсез тукыма (40х50);
* ДВП (40х50);
* ПВА җилеме, пумала, кайчы;
* төсле атлас тасмалар һәм төсле җепләр;
* нечкә бакыр тимерчыбык;
* синтепон (мамык белән алмаштырып була);
* кәгазь (40х50), карандаш, күчермә кәгазь;
* открытка яки рәсем  юка картон яисә конфет тартмалары.

 

Эш тәртибе

ДВПның шома ягын ике-өч мәртәбә җилемлибез. Бераз кипкәч, өстенә рәсемсез тукыма җәябез, кул белән тигезлибез, марля аша үтүкләп алгач, пресс астына куеп киптерәбез.

Открыткадагы чәчәкләрнең зурлыгын чамалап, рәсемен кәгазьгә күчерәбез. Кәгазьдәге барлык детальләрне тамгалап чыгарга кирәк.



Детальләр ясыйбыз:

Күчермә кәгазь ярдәмендә картонга деталь өлгеләрен күчереп, кисәбез. Эчке ягыннан, кәгазьдәге тамгалары белән туры китереп, тамга салабыз. Барлык детальләрне тышкы яктан җилемлибез һәм синтепонга ябыштырабыз – шулай итеп, детальләрне күләмле итәбез.
 

Детальләрне тышлыйбыз:

Синтепонга ябыштырылган кәгазь детальне синтепон ягы белән аска каратып, тукыма өстенә салабыз, деталь тирәли карандаш белән сызабыз. Кырыйларын кискәләп – «керфекләр» ясыйбыз. Детальнең синтепон ягын аска каратып салабыз, «керфекләр»не берәм-берәм җилемләп картон ягына ябыштырабыз. Кулыбызда – күләмле деталь. Калган детальләрне дә шулай эшлибез.


Таҗлар

3-4 сантиметрлап киселгән тасма очларын ябыштырып, үтүк белән бастырабыз. Килеп чыккан «элмәк»ләр күп булырга тиеш – иллешәр данә чамасы.


Чәчәк
Тукыма белән тышланган, синтепонга утыртылмаган картон түгәрәк әзерлибез, ул чәчәк зурлыгында булырга тиеш. Шул картон түгәрәк кырыйларын җилемлибез һәм рәт-рәт итеп таҗларыбызны ябыштыра башлыйбыз – баштан шәмәхә төс, аннары ак... Уртасына килеп җиткәч, чәчәк үзәгенә синтепонга утыртылган (утыртылмаса да ярый) тукыма белән тышланган картон түгәрәк детален урнаштырабыз.



Чәчәк сабагы
Чыбыкны буеннан-буена җеп белән урап чыгабыз. Җеп очын җилемлибез һәм үтүк белән бастырабыз.


Фон 
Фон өчен әзерләнгән картон кырыйларын, 5 мм кыр калдырып, сызыклар сызабыз (ул кыр безгә картинаны рамга куйганда кирәк булачак). Өлге рәсемгә карый-карый, әзерләнгән детальләрне фонга тезеп чыгабыз. Аннары аскы өлештән башлап җилемгә утыртабыз. Телисез икән, панно кырыйларын тасма белән бизи аласыз. Рам эченә урнаштырсагыз да була.


Дөнья искиткеч матур һәм кызыклы. Сәнгать кешеләре тарафыннан иҗат ителгән әйберләргә сокланабыз. Аларга охшатып кына булса да, үз кулларың белән матурлыкны иҗат итәсе килә башлый. Кул эшләре һәрвакыт югары бәяләнгән, алар һәрвакыт модада.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 29 октябрь 2020 - 12:06
    Без имени
    Алланын кахаресе тошкэн нэрсэ ул сихерчелэр йорэк бэгерлэргэ утте алар ..тэмуг кисэулэре..узлэре ясый белмэгэне ясатып кайта белмэгэне улэ бетэ интт..ан ойрэнэ ..
    «Сихер бозды...»
  • 29 октябрь 2020 - 09:35
    Без имени
    Әдәби. Әсәр шундый була ул. Кайберәүләр көнаралаш гаибәт язалар да, оялмыйча хикәя дип куялар. Укыган, талантлы кеше язган әдәби әсәр ичмасам. Рәхәтләнеп укыдым. Ике авыл хатыны көтү куганда сөйләшеп торган гаибәт тибындагы нәрсәләрне чыгармасагыз яхшы булыр иде. Менә шушындый әсәрләр чыгарыгыз!
    Умырзая
  • 29 октябрь 2020 - 17:45
    Без имени
    Уйлый белмилэрдер, Уйлый белсэлэр энилэре бауга менмэс иде.
    Үкенечләр - урман...
  • 29 октябрь 2020 - 20:22
    Без имени
    Аллага тапшырдык донья ни кадэр рэхэт булса да кешелэр каты бэгъерле
    Үкенечләр - урман...
  • 29 октябрь 2020 - 21:32
    Без имени
    Сез нигэ балаларын гына гаеплисез олы кешенен акылыда китергэ момкин бит Белмичэ кешегэ гаеп ташламагыз елауларында гаепкэ алмагыз узегезне алар урыны на куеп карагыз башта
    Үкенечләр - урман...
Реклама
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...