​Кадерлемә бүләк

Бүген без ир-егетләргә өйдә кияр өчен җиңел тукымадан чалбар тегәбез. Аз-маз тегә белгән кеше башкарып чыга алырлык эш бу. Без биргән өлге базык гәүдәлеләр өчен 50-52 нче үлчәмгә исәпләнгән.
 

Кирәк: 

* чалбарның буеннан 10-15 см артыграк тукыма (ул табигый җепселле һәм җиңел булсын); 
* эластик тасма; 
* тукыма төсенә туры килә торган җеп.
 

Эш барышы: 

Иң элек чалбарның өлгесен ясарга кирәк. Бу эшне катлаулы дип тапсагыз, ирегез яратып кия торган берәр чалбардан гына да төшереп алырга була. Тукымага салып кисәр алдыннан өлгенең дөреслеген тикшерегез: янбашы тар түгелме, торыгы (чалбарның өске өлеше) кыска була күрмәсен.

Тукыманы икегә бөкләп, иң элек алгы як өлгесен, аннан артын төшереп алабыз. Ян-яктан тегү өчен 1 см, ә балак очында бөгү өлешен 4 см калдырып, чалбарны кисәбез (теләсә ничек түгел, ә буй җеп буенча). Алтакта да, арткысы да икешәр кисәк. 

Ә хәзер кесәләр кисәбез. Алары – дүрт кисәк. Бар да әзер булгач, тегәргә керешәбез. Алдан ук искәртәм: һәр җөйне теккән саен, яхшылап үтүкләргә кирәк.

Беренче эш итеп, алгы һәм арткы якны уртадагы (аяклар арасындагы) җөй буенча тоташтырабыз. 

Икенче эш итеп, алгы якка кесәнең бер өлешен тегеп куябыз (кесә урынын дөрес итеп билгеләгез, чөнки өске яктан 4 см ара кереш кертү өчен бөгеләчәк). Кесәнең икенче өлешен исә алгы яктагысына туры китереп, арт тактага тегәбез. Кесә өлешләренең бер-берсенә туры килүен тикшергәннән соң, кырый җөйне тегәбез (кесә өлешләрен дә бер-берсенә тоташтырабыз). Икенче балак та шулай тегелә. 

Өченче этап – ике балакны урта җөй буенча бергә тоташтыру. Монда ике җөй салу отышлы, сүтелеп китәрлек булмасын. Алгы якта кесә читеннән 0,5 см килеп, матурлык өчен җөй салабыз. 
Өстән 4 см бөкләп, эластик тасма кидерү өчен 2 см киңлегендәге ике кулиска ясыйбыз (тасма киң булса, берне генә дә мөмкин). 

Иң ахырдан чалбарны иясенә кидертеп, озынлыгын билгелибез һәм ике тапкыр 2 см кайтарып, балак­ның очын бөгәбез (төшерү өчен запас). 

Сыпылып бетмәсен өчен җөйләрне эчке яктан эшкәртеп чыгарга кирәк. 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    6312
    1
    45
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    7280
    0
    34
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    3893
    0
    31
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    1961
    0
    28
  • Менә шулай... Чәй кайнар суга эләгү белән куе булып чыга башлый. Буяу бит инде. Шайтан алгыры!..
    2099
    0
    18
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда