​Көндәлекләр алып барыгыз!

Озакка сузылган тискәре эмоцияләр сәламәтлек өчен бик тә зарарлы диләр. Шуңа күрә алардан вакытында арына белергә кирәк. Тиз генә башка дулкынга күчәргә тырышыгыз. Шатлыктан очып кына йөрергә димәгән. «Бар да яхшы» дип гел үзеңне инандырып тору организм өчен шулай ук тискәре йогынты ясарга мөмкин икән. Мәсәлән, Нью-Йорктагы Эдельфи Университеты психологлары, хәл белешкәндә, эшләр, гаилә һәм башкалар турында сорашканда, гел «Окей!» дип җавап бирү шулай ук сәламәтлек өчен зыянлы дигән нәтиҗәгә килгәннәр. Эмоциональ киеренкелек, канәгатьсезлек хисе, ачу килү –  гадәти кеше тормышы шулардан тора бит. 

Тикшеренүләр шуны күрсәтә, негатив кичерешләрне инкарь итү комплексы булган кешеләр еш кына йөрәк авыруларына, яман шешкә, башка төр авыруларга бирешүчән була. Галимнәр моннан чыгу юлын тапкан: көндәлекләр алып барырга кирәк икән! Игътибарыгызга бер эксперимент нәтиҗәләрен тәкъдим итәбез. 

Ике төркемдә дә кешеләр бер үк шартларда эшләгән: киеренке ритм, стресслар. Беренче төркемдәгеләргә берничә көн дәвамында эштә, өйдә аларны нәрсә бик терәндерүен язып барырга тәкъдим иткәннәр. Көндәлектә көн саен тискәре кичерешләр теркәлеп барган шулай. Икенче төркемдәгеләр исә ничек бар шулай йөрүләрен дәвам иткән. Һәм менә нәрсә ачыкланган: «йөрәк ярсуларын» кәгазьгә күчерүчеләр берни дә язмаучыларга караганда үзләрен яхшырак хис иткән. 

Бик күп тикшеренүләр күрсәткәнчә, көндәлек кирәксез ярсулардан арынырга, укуда өлгерешне яхшыртырга, һәм хәтта эш урынын саклап калырга булыша икән. 

 Якыннарын югалткан, гаиләсе афәткә юлыккан кешеләр бөтен эмоцияләрен кәгазьгә күчерүгә үк хәлләре яхшырып китәр дип көтмәгез, ди Техас университеты психологы Джеймс Пеннебэйкер. Шулай да ул көндәлек алып баруны сәламәтлекне саклауның кыйммәт булмаган һәм гади, кайчагында хәтта газаплы төре дип атый. 

Мондый төр психотерапия эффекты әлегә табышмак булып кала, ләкин аның кәефкә генә түгел, бөтен организмга уңай йогынтысы бәхәссез. Кеше, кулдан язып, күңелен бушатуга, аның кан басымы һәм пульс ешлыгы төшә, тән тиресе коп-коры була – ул бушанып, җиңеләеп кала. 

Көндәлекләр алып бару иммун система эшчәнлеген яхшырта, бик күп авыруларны – салкын тию һәм грипптан башлап, травмалар шогы китереп чыгарган күңел төшенкелегенә кадәр – дәваларга булыша. Кемнең ничә яшьтә, нинди интеллектуаль үсеш дәрәҗәсендә булуы мөһим түгел. Шунысы кызык: көчле җенестәгеләргә аның тәэсир көче зуррак та икән әле! Гүзәл затлардан аермалы буларак, ирләр үз хис-кичерешләре турында сөйләргә яратмыйлар бит. Мөгаен, аның сере дә шундадыр.         

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 19 сентябрь 2021 - 21:40
    Без имени
    Нишләп гариза бирмәскә, һичшиксез бирергә!!! Бер йөргән кеше гел йөреячәк.Хатыны шуңа күнә икән, әле мыскыл итеп яшәячәк.
    Хыянәтне кичермәгез!
  • 19 сентябрь 2021 - 18:59
    Без имени
    Рәхмәт... тетрәндерде!🌹🌹🌹
    Кәләш
  • 19 сентябрь 2021 - 22:03
    Без имени
    Нәкъ минем тарих.... Иремнең хыянәтен кичерә алмыйча, 6 ел туплаган дөньябызны калдырыр, балаларым белән чыгып киттем.Минем караватта хәзер башка хатын.Мин утырткан бакчабызның җимешләрен ул җыя... Шулай тиеш булган дип яшим, үпкә сакламаска тврышам.Аллаһе тәгала шул югалту хисабына үземә һам балаларыма сәламәтлек, бәрәкәтле гомер бирсен дип яшим.
    Теләк
  • 20 сентябрь 2021 - 11:25
    Без имени
    йәшлекте иҫкә төшөрҙөгөҙ,рәхмәт. Әле "варёнка ""банан "салбарҙары иҫкә төштө . Баҡсаға төшөү ,ламбадаға бейеүҙәр ,өйгә һиҙҙермәй инеп ятыуҙар.
    Дискотека
  • 17 сентябрь 2021 - 07:08
    Без имени
    Астагы фикерләрне укыдым да, язарга булдым әле. Әни кешене бит беренче чиратта кызының никахсыз яшәве борчый. Өйләнмичә генә яшәуне гадәти хәл итеп карый купчелек хатын-кыз. Гражданский брак, дигән булалар. Сожительство ул. Гражданский брак - ЗАГСта теркәлу ул. Дин буенча өйләнешуне тыйган Совет заманында туган суз. Ничек кенә булмасын, официаль рәвештә өйләнмәгән егет уз өстенә җаваплылык алмый бит. Димәк, теләсә кайсы вакытта ташларга мөмкин. Әнине шул борчый. Кызык, , балага узганмын бугай, дисә, егет нәрсә дияр иде икән? Гаилә корырга риза булыр микән? Әллә төшер, диярме?
    Кызыбызны югалтабыз...
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан