​“Кешечә булсын!”

Тимерҗан абзыйның кече кызы Инсөя әтисенә юбилей бүләге итеп, чәшке бүрек алып кайткан икән дигән хәбәр, минуты-сәгате белән бөтен авылга таралды. Халык ачкан авызын хәтсез генә ябалмый җәфаланды. Соң шулай булмый, моңарчы колхоз председателе башына гына яраган чәшке бүрек мал караучысына тәтесен әле! Партком секретаренең башында да куян бүрек кенә булган заман. Ул төнне Тимерҗан абзыйлар гына рәхәтләнеп йоклады бугай. Юбилей табыныннан таралышкан кунакларның йокысын чәшке бүрек үзе белән алып калды.

Үткер булды Инсөя – мәктәптән соң, сәүдә училищесына укырга керде. Аны тәмамлагач, башкаладагы базаларның берсенә эшкә урнашты. Ул вакытта Инсөянең шушы кадәр дә “блатной” урынга кереп киткәненә ышанмаучылар да булды. “Булмас, нишләп колхозчы Тимерҗан кызын шунда эшләтсеннәр?” – диештеләр. Тик әнисе Гөлниса базадан кайткан әйберләр белән мактана башлагач, ышанырга туры килде. “Булыр, булыр!” – дип, үзләренә каршы сөйли башладылар. “И-и-и, җаның ни тели бар да бар икән ул база дигәннәрендә. Ул һинд чәйләре дисеңме, ул карабодай ярмасы дисеңме, колбасалар өем-өем ята икән. Чын, шаккатмалы икән! Импорт аяк киемнәре, савыт-саба турында әйтеп тә тормыйм, бөтен тауар шунда икән, әйкәем”, – дип, Гөлниса апа, җае чыккан саен шапырына торган булып китте. “Алай булып беткәч, Инсөя безгә дә бер-ике пачка һинд чәе алып кайтса, грузинныкы белән кушып куяр идек тә, әллә күпмегә җитәр иде”, – диеп чөкердәштеләр хатын-кызлар. Яшьрәкләр кримплен күлмәк турында уйланды. Асты урам Фирзәр гүпчи, мотопила турында хыяллана башлаган, диделәр. Икенче көнне Гөлниса апа бүрекне ак ситсы чүпрәккә төреп, түрдәге шифоньерның иң югары киштәсенә алып куйды. Иренең: “Каяле, инәсе, норка бүрекне киеп, бер фарсить итеп кайтыйм әле кибет тирәләрен”, – дигәнен, башта ишетмәмешкә салышса да, ире һаман кузгалмый басып торганын күргәч: “Син, нәрсә, атасы, мондый бүрекне теләсә нәрсә белән киеп буламыни? Аның янына менә дигән шикарный пәлтәсе дә, бәтинкәсе дә кирәк”, – дип тезеп китте. “Атасы”ның: “Нигә, быел гына тектергән өр-яңа күфәйкәм ярамыймыни?” – дигәнен, болай дип җаваплады: “Ярамыйча, ярый ди! Ыштансыз к...ә тимер каеш!” Шулай дигәч, Тимерҗан абзыйга: “Ярый, ярый” – дип, иске бүреген киеп чыгып китүдән башка чара калмады. Икенче елны декабрь аенда юбилей булмаса да, Инсөя әтисен тагын да зурлады: пальто белән табигый тиредән тегелгән кышкы аяк киемнәре бүләк итте. Иң сөенгәне Гөлниса апа булды. “Карале, атасы, олы кодалар кунакка дәшсәләр, мәйтәм, кәртинкә булып барыр идең, фырт итеп, ә!” “Ярый, ярый”, – диде гадәттәгечә Тимерҗан абзый. Ни кызганыч, күрше районда яшәгән кодалары аларның уйларын укымады – кунакка эндәшүче булмады. Үзләренең авылындагы кодаларына күфәйкә белән иске бүрек, аякка сучинкә пималары ярап торды. “Яңалары кешелеккә торсын”, – дип кабатлады Гөлнисасы. “Ярый, ярый”, – диде Тимерҗаны.

Кыш ничек килгән, шулай үтеп тә китте. Чәшке бүрек, пальто, ботикалар шифоньердан чыкмадылар. Язлардан со, җәй килде. Җәй артыннан көз дә көттермәде.

Колхозчыларның исәп-хисап җыелышы атнасында, җиргә кар төшеп, суытып җибәрде. Тимерҗан абзыйга мактау кәгазе бирелергә тиеш икәнен белгәч, Гөлниса апа шифоньердан “кешелеккә” дип сакланган киемнәрне тартып чыгарды. Манекен кебек каршында селкенми дә басып торган ирен киендереп бетергәч, Гөлниса апа бераз шаккатып карап торды. “И-и-и, атасы, егетләр кебек булдың да куйдың, әйкәем, карале, кием кешене ничек үзгәртә икән, көзгегә күз сал әле!” “Ярый, ярый”, – диде Тимерҗан абзый, ышанам, пашул мин”. Шул вакытта Гөлниса апаның башына тимер белән китереп суктылармыни! “Тимерҗан, чишен!” “Атасы” авызын ачканчы, баштан бүрек очып төште, пальтоның төймәләре ычкындырылып, ботинка замоклары төшерелде. “Чүт янмадык бит, әле дә башыма барып җитте! Син председәтельдән дә яхшырак киенгәнсең, ич! Язмаганны, шулай буламыни! Юк, килешми, Тимерҗанкаем. Алла сакласын, гырамотыңны да алалмый чыгарсың. Ки күфәйкеңне, кешечә булсын!”

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (2)
Cимвол калды:
  • 8 декабрь 2021 - 19:06
    Без имени
    бик кунелле язылган, чын кунелдэн колдердегез
  • 8 декабрь 2021 - 19:06
    Без имени
    Фәридә, рәхмәт!
Хәзер укыйлар
  • Мәмдәлнең катлаулы гаиләсе – Өйдә сигез көн авырып ятты. Температурасы төшмәде... Шул инде, коронавирус. Балалар Казанга алып киттеләр. Сыгылып кына төшеп калдым. Төяп алып кайтсалар дим... Бик курыктым! Аннан ике операция кичерде. Әй, берсе минеке инде аның... Барыбыз да рәхәтләнеп көлешәбез.  Әмма Гөлсия апа ялгышып әйтсә дә хагын әйтте: береңнең тәне авыртканда икенчеңнең җаны авырту шушы була инде. Сулар һаваң кебек кадерлегә әйләнгән кешең бит ул...
    2449
    10
    129
  • Гөр-гөр килеп яшәү «Бар әле...» дигән эш барлыгын беләсезме? Без белми идек, Актаныш районы Пучы авылында аңлаттылар.
    3977
    5
    125
  • Дуслыкның чиге бармы? Искән җил аның күлмәген тәненә сылады да, түгәрәкләнеп килгән корсагы сизелде. Ир моны күреп, тетрәнеп китте. Ул сүз әйтә алмаслык дәрәҗәгә җитте. Хатынының корсагыннан күзен ала алмады.
    6720
    1
    64
  • Көнче киленем Берничә көннән соң Алсу миңа үзе шалтыратты. «Әни, мин өй җыештырыр идем, Булат белән урамда йөрергә килә алмассыңмы», – диде. Ярты сәгать эчендә аларның ишек төбендә идем.
    5039
    1
    55
Реклама
Соңгы комментарийлар
  • 6 декабрь 2021 - 19:16
    Без имени
    Китэргэ бу ирдэн башыгыз исэн булганда, телэсэ кая кит только кит, балаларынны алда, илдэ чыпчык улми, аллахы тэгалэ ташламый ул, тезгэн йортым, алган машинам кала дип тэ курыкма, узенэ ышан, мин шулай иттем, элхэмдулиллах барсыда жайланды, шул ук жанварлыкны балаларын куреп усэ, аннары сон аларда шуны ук кабатларга мемкин, жепне эзэргэ кирэк
    Нахак сүзне гафу итә алмыйм...
  • 6 декабрь 2021 - 20:47
    Без имени
    Минем баштан да үтте андый хәллэр. Исеректэ жунсез, э аекта Анна да яхшы кеше юк иде. Бер үзгәрмәсэ үзгәрми ул. Аллага шокер хәзер эчэргэ тазалыгы юк. Үзем дэ усалрак булып алдым, басылды. Елга берэт эчеп характерын курсэтмэкче була, лэкин куркып торучы гына юк. Ныграк, усалрак булыгыз. Иң яхшысы - аннан качыгыз, гомерегезне заяга уткэрмэгез.
    Нахак сүзне гафу итә алмыйм...
  • 7 декабрь 2021 - 18:44
    Без имени
    Хатын кызга бер мэртэбэ суккан кеше беркайчан да сугудан туктамый. Кайчан булса да имгэтэ. Суз эйтеп тозэтэм дип ометлэнмэгез. Сугып имгэтер. Халык мэкэле : "хатын кызнын теле уйнаса ир атнын кулы уйный". Картая картая коннэн кон холыксызлана гына. Аерылып ялгыз донья тарту - арка желеге суыру . Тигез тормыш хэм сэлэмэтлектэн кадерле эйбер юк. Бу кеше белэн яшэсэгез бик чыдарга туры килер. Кыйналып яшэу сэлэмэтлекне югалту. Ялгыз яшэу тигезлек югалту.
    Нахак сүзне гафу итә алмыйм...
  • 7 декабрь 2021 - 07:20
    Без имени
    Безнең әтиебез ай саен эчә иде. Ике кыздан соң әниебез малай тапты. Шуннан соң да аңа акыл кермәде. Сугыша, сүгенә, кышкы салкыннарда өйдән куа, бер сәбәпсез көнләшә иде. Әниебез үзе әтисез үскән, безне әтиле итеп үстерәм, дип, яшәде дә яшәде. Без үзебез дә, әни дә ул үлгәч бик сагынып яшибез. Сезнең әле сирәк эчә. Нахак сүзләрен "ишетмәскә" тырышып карагыз. Сугыша башласа, әлбәттә, аннан качарга кирәк.
    Нахак сүзне гафу итә алмыйм...
  • 8 декабрь 2021 - 08:58
    Без имени
    Бу кешенең психикасы нормаль түгел бит үскәнем. Ә аны төзәтеп булмый. Кодированиедан нигә куркасыз сез, аңламыйм шуны. Бу эчү чире бит. Кодирование чирне дәвалау бит ул. Эчеп тавыш чыгаруы, котыруы әйбәт, ә дәвалау начар. Тагын бер нәрсә, теләк теләп кенә бу адәм терелә тлрган түгел бит инде. Аннан соң үзегезгә аның икенче көнне үк гафу үтенүе дә бик ошый, күңелегезгә сары май булып ята бугай. Ләкин балагыз шушыны кабатлавын теләмәсәгез китәргәдер бәлки. Ул кем белән яшәсә дә шулай булачак. Үзегез әйтмешли, моделе шундый аның.
    Нахак сүзне гафу итә алмыйм...
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан