Ак калырга кирәк безгә

Ялвару

Тезләнергә әзер мәлем алларыңа,
Агарырга телим кабат, агарырга.
Яшер мине сөю дигән араныңа.
Тезләнергә әзер мәлем алларыңа.

Агарырга телим кабат, агарырга,
Ак калырга кирәк безгә, 
ак калырга.
Ауныймчы бер сәгадәтнең 
ак карында.
Агарырга телим кабат, агарырга.

Яшер мине сөю дигән араныңа,
Мин теләмим яңабаштан 
таланырга,
Мин теләмим яңабаштан 
каралырга.
Яшер мине сөю дигән араныңа.

Ак калырга кирәк безгә, 
ак калырга…
 

Манзара

…Гашыйк парлар узып китте,
Йолдызларга орынып.

Бабасының каберенә
Чәчкә куйды оныгы.

Орышлардан арып-талып, 
Дөнья талды йокыга.

Йөкле хатын кереп китте 
Бәби табу йортына.

 

Сәнгать

Милосская күк сылу ханым 
Стриптиз бии кабакта...

Мона Лиза кебек серле ханым 
Тәнен сата әнә аулакта...
Матурлыкның эталоны бүтән. 
Серле караш – мираж гына бары.

Бөек сере миңа бу җиһанның – 
Кояш эчкән 
Уйчан ханымнары.

 

Дүрт мизгел

Кичкә авышты көннәр. 
Көн шәүләсенә абынып, 
Егылыр тагын кемнәр? 

Төнгә авышты кичләр. 
Бәхетлеләр гыйшык уйнар, 
Бәхетсезләр соң нишләр?

Таңга авышты төннәр. 
Төннең сөю ятагында 
Аунап калыр ал гөлләр.

Көнгә авышты таңнар. 
Кояшка узган Зөһрә кыз 
Тузгыган чәчен тарар...
 

Әй, кызый

Әй, кызый,
Көн күкрәгенә капланып,
Ник әле моңаясың? 

Әй, кызый,
Төн кочагына сыенып, 
Ник әле сагаясың?

Әй, кызый,
Яшьлекнең кыл уртасында 
Ник әле саргаясың?


* * *

Тел очымда тора 
Сиңа әйтер сүзем, 
Әйтелмичә тора 
Тыелган сүз кебек.
Күз яшьләрем тамган 
Оялчан күкрәгең 
Сөелүдән изрәп 
Йомылган күз кебек.

 

Ямьсез хатын

Ул үзен ямьсезгә саный, 
Ямьсезгә саный күптән. 
Булмады аны сөйгәннәр, 
Булмады кочкан-үпкән.
Инде менә берьялгызы 
Кереп бара көзенә. 
Кемдер аңа еллар аша 
Эндәшә күк: 
– Түз генә,
Бу дөньяда сөешмәгән, 
Кавышмаган без генә.

...Ничә еллар инде аның 
Бакканы юк көзгегә.

 

Үзең бел

Бу күзләрем яратылган –
Табыныр өчен. 
Бу кулларым яратылган –
Кагыныр өчен.

Бу йөрәгем яратылган – 
Сагыныр өчен. 
Аякларым яратылган – 
Абыныр өчен.

Иреннәрем яратылган – 
үбәргә сине... 
үзем ник яралган? 
Ансын
үзең бел инде...

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    14061
    1
    83
  •  Гомер бер генә килә 8 6 нчы палатага күчтәнәчләр салган пакетын күтәргән таныш булмаган хатын-кыз килеп кергәч, барысы да тын калды. Бибиниса апа ятагына утырган килеш пычак белән кискәләп алма ашый иде. Палатага килеп кергән затлы ханым Бибиниса апада да гаҗәпләнү катыш кызыксыну уятты: бер мәлдә алма кабыгы тамагына тыгылды бугай, очкылык тота башлады.
    9086
    6
    68
  • «Төшләремдә  ак күлмәктән син...» – «Шевроле круз» машинасында йөри торган малаегыз бармы? – дип сорыйлар Иршат абыйдан. – Әйе. – Авария булган, килегез... Өс-башларына нәрсә туры килә, шуны киеп, кайнанасы Галиябану апага берни әйтмичә өйдән атылып чыгып китәләр...
    10431
    1
    57
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    4997
    3
    45
Реклама
Соңгы комментарийлар
  • 26 гыйнвар 2023 - 11:48
    Без имени
    Рэхмэт сезгэ! Елый елый укыдым. Кире кайтмыйлар шул. Исэн чагында кадерен белеп бетереп булмады.
    Синсез рәхәт түгел, әни...
  • 26 гыйнвар 2023 - 14:53
    Без имени
    Тормышта нинди хэллэр очрамый! Рэхмэт!
    Сабырлык чиге 4
  • 26 гыйнвар 2023 - 17:37
    Без имени
    Танышым икенче баласын 40 тирэсендэ тапты. Тоже 1 яичнигы гына. Шатланып, яратып устерэлэр. Эгэр таба алсагыз табыгыз, баласы кеше чын яратуны белми дип уйлыйм.
    Бала кирәкме миңа?
  • 26 гыйнвар 2023 - 19:34
    Без имени
    Бик тә фәһемле,күңелләрне нечкәртерлек шигырьләрегез өчен сезгә зур рәхмәт.Иҗат чишмәгез саекмасын,киресенчә,язгы ташкыннардай ургылсын
    Җанымның бураннары
  • 25 гыйнвар 2023 - 10:45
    Без имени
    Балалар - ул яратып туймаслык Ходай бүләкләре, Аларның йомшак нәни куллары, матур елмаюлары, "әни, мин сине яратам" диюләре дә күңелгә әйтеп бетергесез рәхәтлек бирә бит, тормышка ямь өсти. Табыгыз бер бала, үзегезгә иптәш булыр, әти-әниегезнең ялгышларын кабатламыйча үстерегез, үзегезне шушы бәхеттән мәхрүм итмәгез.
    Бала кирәкме миңа?
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр