Мөселман киносы фестивале ачылды

Мөселман киносы форумының  башкалабызда төпләнеп калуында, эчке бер мәгънә бар.  Казанның барлыкка килүе дә  бит нәкъ менә кинога нисбәтле булган диләр...
5 сентябрьдә Г. Камал театры бинасында ХI халыкара мөселман киносы фестиваленең тантаналы ачылышы булып узды. Танылган киночылар, сәнгать әһелләре көчле алкышларга күмелеп кызыл келәмнән залга узды. «Мәдәниятләр диалогы аша - аралашу мәдәниятенә» шигаре астында узучы кинофорум дистә еллар дәвамында үз кыйбласына тугры кала. Сабырлык, толерантлык, түземлелек, башкаларга ихтирамлы караш тудыруны алган сөргән Казан проекты – бүген аеруча көнүзәк тема. Кайдадыр кан кою, изге урыннарны мәсхәрәләү, борынгы тарихи-мәдәни  һәйкәлләрне юкка чыгару күзәтелгәндә, күп милләтле, күп динле Татарстанда бер-бер артлы халыкара җыеннар оештырылып тора. Башкалабызга дөньяның төрле кыйтгаларыннан кунакларның өзелгәне юк.
 
5-11 сентябрь көннәрендә уза торган Мөселман киносы фестиваленә дә мәртәбәле кино белгечләре, режиссерлар, экран йолдызлары килде. 
 
Бәйрәм сәхнәсенә күтәрелгән һәр кеше  гүзәллек дөньясы аша бер-беребезне танырга, намус ирегебезне хөрмәт итәргә, иң мөһиме бер-беребезне яратырга өндәде. Фестивальнең нигезләмәсе шуны таләп итә.
 
Бер атна дәвамында «Родина», «Мир» һ.б кино залларында  мөселман киносының иң яхшы үрнәкләре тәкъдим ителәчәк. «Җиз иләк» аша иләнгән картиналар нигезендә бөтендөнья халкы мөселманнар турында, аларның әдәп-әхлагы хакында, шулай ук аларның бүтән халыклар белән мөгаләмәсе җәһәтеннән безгә күп мәгълүмат бирәчәк...
 
 Халык хәтерендә сакланып калган матур кыйссаларның берсендә, Хан кызы Казансу елгасына иелеп су алганда, үзенең алтын казанын төшереп җибәрә. Казанны карарга дип суга иелгәч, үзенә бик матур, чибәр туташның текәлеп торуын күрә. «Күрегезче, нинди гүзәл кыз анда!» - дип оран сала ул. Визуаль сәнгать буларак, киноның чишмә башы шушы ерак дәверләрдән килә дия алабыз.

сылтама: http://intertat.ru/tt/multimedia-tt/item/48382-m%D3%A9selman-kinosyi-festivale-achyildyi.html

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Әни мине яратмады... Без тирә-яктагылар өчен идеаль гаилә идек. Гаиләсен кайгырткан ир, бәхетле хатын, талантлы уллары, тыйнак кызлары. Әмма тормышта бөтенләй башкача булды. 
    7569
    0
    53
  •  Алиментка бирсәң...  Мине әнием тәрбияләп үстерде. Миңа 3 яшь булган вакытта, әти башка хатынга өйләнгән. Ничек кенә авыр булмасын, әни зарланмады, сыкранмады.
    3210
    3
    43
  • 4381
    2
    28
  • Ул чыннан да бәхетле Шикләнерлек берни дә юк иде. Элеккегә караганда ешрак ашыйсы килүенә дә аптырамады.  Сәрия элек тә тамаксау иде. Башкалар кебек тазарудан курыкмады. Алар нәселендә ашаганга карап артык авырлык җыю булганы юк иде әле. Киресенчә, аның тәненә бераз ит кундырасы килә. Чөнки ул үзе ябык: коры сөяктән генә торган кызлар да, үзе дә ошамый. Күлмәкләре тараеп киткәндәй булгач: «Яңа кием алырга җай чыкты», – дип сөенде.
    3389
    1
    25
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан