Көндәлек киемнәрдә милли төсмер

28 апрель көнне «КАЛЕБ» яңа буын җыены Г. Камал театрының кече залында заманча милли кием презентациясе уздырды. Тамашачы хозурына тәкъдим ителгән «Татарча Casual» проектының 2015 елгы яз һәм җәй коллекциясе мисалында бүгенге татар милли киемнәре турында фикер алышынды.

«Yummy Music Вand» чыгышыннан соң сәхнәгә коллекцияне күрсәтүче кызлар чыкты. Айсылу МирхафизХан, Айсылу Лерон, Сәрия Хәбибуллина, Гөлназ Фәйзрахманова, Эльвира Хөснетдинова, Алисә Җамалиева, Ләйсән Гыймаева, Дилбәр Садыйковаларны модель буларак моңарчы күргән юк иде әле!

Кичәне алып баручы – Раил Өметбаев экспертлар Рөстәм Исхаков (дизайнер), Альмира Борһанова (дизайнер), Гүзәл Вәлиева-Сөләйманова (сәнгать белгече), Алсу Шәмсутованың («Әдәбият һәм сәнгать клубы» җитәкчесе) милли модага карата фикерләрен сорашты. Тамашачылар да читтә калмады.

Кичәдә яңгыраган кызыклы фикерләрне сезгә дә тәкъдим итәбез.

Рөстәм Исхаков: Чит илдә көн саен милли киемнән йөрмиләр, әмма бәйрәмгә чыкканда һәркем диярлек милли киемнән чыга. Бу – үз милли мәдәниятеңә хөрмәт күрсәтү. 
Үземнең коллекцияләремдә милли бизәкләр кулланмыйм. Күбрәк татар милли силуэтлары белән эш итәм. Ни өчен дигәндә, хатын-кызның зәвыгына, фантазиясенә урын калдырырга телим. Минем күлмәкләремне кигән хатын-кызлар үзләре теләгән алка, муенса һәм хәзер популярлашып киткән изүләрне куллана алсын дип тырышам.

Резеда Сафиуллина (галим):  Мариларда милли бизәкле кием кию традициясе сакланган.  Алар бизәкләрнең матурлык өчен генә булмавын, ә сакраль мәгънәгә ия икәнен аңлыйлар. Татар милли бизәкләрдә дә бар ул эчкә яшерелгән сер. 
Татар халкының сандугачы Сара Садыйкова һәрвакыт калфак киеп йөрде. Ул шуның кадәр көчле шәхес булган ки, аңа беркем дә сәерсенеп карамады. Ул калфак җырчыбызның брендына әверелгән иде. 

Эльвина Нәҗипова («Тәртип» радиосында алып баручы): дизайнер Миләүшә Сөләйманова чиккән жилет һәм калфакны көн дә киеп йөрим. Кешеләрнең гаҗәпләнүенә, сорауларына инде күнектем. Хәзер шул сораулар, гаҗәпләнүләр беткәнче, андый кешеләр минем киемемә ияләшкәнчегә кадәр шушылай киенеп йөрермен, дип үземә сүз бирдем.

Гүзәл Вәлиева-Сөләйманова: Әлеге коллекциядә баш киеменә игътибар бирелмәгән. Калфакларны көн дә тагып йөреп булмыйдыр. Ә менә башны каплаучы такыяларны көзен дә, язын да, җәен дә киеп була! Модельерларыбыз әлеге баш киемен көндәлек тормышыбызга кертеп җибәрсәләр иде.

Гөлзадә Сафиуллина: Гүзәл Вәлиева-Сөләйманова татар бизәкләрен өйрәнеп, китап чыгарган. Башка авторларыбыз-галимнәребез дә бар. Кайсы орнаментны кайда – җилкәгәме, күкрәккәме, аркагамы – урнаштырырга ярый икәнлеген өйрәнгәннәр. Безнең шундый бизәкләребез бар – аларны һич тә көндәлек киемдә кулланырга ярамый, алар хан киемнәренә генә куярдай бизәкләр.  Дизайнерларыбыз шушы китапларны өйрәнсен иде. 

Айгөл Сингатуллина («Татарча Casual» проекты җитәкчесе): Рухи кыйммәтләрне, мәдәниятны һәм телләрне глобальләштерү заманында, үзеңнең тамырларыңны белү һәм аларны саклап калу – безнең өчен мөһим. Милли кыйммәтләрнең-киемнәрнең китапта, сәхнәдә чагылуы белән генә чикләнмисе иде. Мәктәп өчен дә, уку йорты өчен дә, эш өчендә, ял өчен дә, хәтта өй өчен дә милли төсмерле уңайлы киемнәр булуын телим. Татар бизәкләренең матурлыгын дөньяга да күрсәтәсе килә. Татар лаләләренең бөтендөньяга танылган «пейсли» принты кебек матурлыгы бар дип саныйм мин.

Гүзәл Сәгыйтова («Калеб» проекты авторы): «Миллилек, иркенлек, матурлык», дигән сүзләр белән сыйфатладылар тамашачылар бу кичәне. Мин оештыручы буларак «мәгънәле очрашу булды», дип әйтә алам. Дискуссияләр, актуаль сөйләшүләр – «Калеб» яңа буын җыенының бер формасы булса да, ике ел элек проектны башлаганда дизайн, мода өлкәсенә кагылышлы ниндидер очрашу булыр дип күзалдына да китермәгән идем. «Калеб»нең максаты – җитди сәнгатькә игътибар арттыру, бу өлкәдә яңа исемнәр ачу, композитор, музыкант, җырчы, шагыйрь, артист, рәссамнарны бер казанда кайнату, алар арасында иҗади бәйләнешләр урнаштыру. Ләкин «Татарча Casual» проекты җитәкчесе Айгөл Сингәтуллина бу тәкъдим белән чыккач, «юк, сез безнең өлкәгә карамыйсыз», дигән сүзләр белән аны кире борып җибәрергә батырлыгым җитмәде. «Алар да бит яшьләр, аларга да ярдәм кирәк, яшь милли дизайнерларны барлау, аларга булышлык күрсәтү кирәк гамәлләрнең берсе», дигән уйлар белән ризалаштым. Бу кичәгә без башка яшь дизайнерларны да чакырган идек, Камал театрының җитәкчелеге белән сөйләшеп, алар өчен күргәзмә урыны, сату да оештыру планлаштырылган иде.

Ләкин яшьләр бүген продукцияләрен аз күләмдә генә иҗат итәләр икән, шуңа да очрашу тулысы белән “Татарча Casual" мисалында булды. Шулай да дискуссиядә күтәрелгән сорау-җаваплар тар кысалардан чыгып, масштаблы сөйләшүгә әйләнде. Бу исә киләчәктә дә “Калеб” кысаларында мондый темаларның да күтәрелү кирәклегенә бер дәлил.


 

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    8185
    0
    82
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7429
    2
    74
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3606
    1
    40
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    4370
    1
    40
  • Укытучым Их, вакыт дигәннәре! Ник сез шулай бик тиз агасыз соң? Азга гына булса да мәктәп елларына кайтып киләсе иде лә... Миңа инде 30 яшь, 16 яшьлек  чагым әле кичә генә кебек...  
    3507
    0
    26
Реклама
Соңгы комментарийлар
  • 26 май 2022 - 15:03
    Без имени
    Дингэ беренче куп урлаган, карак, гонахсы зур булган кеше килэ. Улэр вакыты житкэч, исенэ тешэ, курка башлый, жавап бирэсе булса, нэрсэ дип, жавап бирермен, дип ,курка.
    Дингә кеше кайчан күбрәк килә?
  • 25 май 2022 - 22:40
    Без имени
    Сез гел балалар дип яшәгәнсез, инде үзегез өчен яшәргә вакыт. Аларның үз тормышы, вакыт узгач алар сезне аңлар дип ышанасы килә.
    Кызларым каршы булса да, кияүгә чыгаргамы?
  • 26 май 2022 - 09:29
    Без имени
    Бу ир сезне хор мэт итэ, Лилияне ярата кебек тоела, монда Лилиягэ акыллы булып, кеше тормышын бозмаска иде, Аллахы Хидэят бирсен бик авыр хэл
    «Сине дә яратам, аны да», – ди...
  • 26 май 2022 - 12:13
    Без имени
    Мина бик ошады
    Җаным жәл түгел сиңа...
  • 25 май 2022 - 12:23
    Без имени
    Мэчет юк иде диеп, язучыга бэйлэнергэ кирэкми, документ тутырмаган ла, ул! Бер ялгыз апа-эби йортында жыелып намаз укыйлар иде, анда йоруче бабайлар да байтак иде. Олылардан ишетеп белэбез Талип бабай турында. Булдырасын, Фагилэ!
    «Фәрештәләр төшемдә дога өйрәтте»
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда