​Чират торып... спектакльгә



Бу көннәрдә Саба районының мәдәни тормышында зур вакыйга – «Балкыш» театр коллективы якташлары Гөлсинә ГАЛИМУЛЛИНАның «Ай күлгә сыенганда» әсәрен сәхнәләштерде. Район халкы, чират торып, спектакльгә билет ала.

Гөлсинә ханым белән таныштырып тору кирәкме икән? «Җиләкле тау сере», «Ефәк кулъяулык», «Мәхәббәт аланы», «Ак бураннар аша», «Томанлы төн», «Карлы миләш тәме»... Аның бу китапларын укучы күптән инде кулдан-кулга йөртеп, эзләп алып укый.

Ул Саба районының Эзмә авылында туып-үскән. Гомер буе район газетасында журналист булып эшләгән. Авыл хуҗалыгы темасына язган. Татарстанның атказанган мәдәният хезмәткәре дигән мактаулы исеме бар. Журналистларның «Бәллүр каләм» республика бәйгесе җиңүчесе.

Ә китап... Китаплар язарга ул бик соң – лаеклы ялга чыккач кына тотына. Һич уйламаганда, көтмәгәндә.

– Ринат Мөхәммәдиевның «Кенәри – читлек кошы» дигән әсәре чыккач, мин утырып аңа хат язган идем, – дип сөйли ул. – «Без – татар хатын-кызлары укып үрнәк алырлык, сокланырлык, тиңләшергә теләрлек бер хатын-кыз образы тудырыгыз әле», – дип мөрәҗәгать иттем мин аңа. Шундый әсәр укыйсыбыз килә, дидем. Дөрес, ул миңа җавап язып тормады. Көчле бер татар хатын-кызы турындагы әсәре дә күренмәде... Уйлап карасаң, мин бүген үзем укырга теләгән әсәрләрне иҗат итәм бит. Минем һәр китабымның героинясы – хатын-кыз. Язмыш сынауларын лаеклы кичеп, сынмаган, сыгылмаган затлар. Барысы да! Алар – көчле ханымнар!

Саба мәдәният йорты сәхнәсенә күтәрелгән Гөлсәхрәсе дә – шундыйлардан. Хыянәт белән очраша, балаларын ялгызы гына аякка бастыра, аларның баш өстендә түбәләре булсын дип, акча эшләргә чит илгә чыгып китә, сагынуларга түзә, уңганлыгы-булганлыгы белән чит-ят халык арасында да хөрмәт казана... Башта сындырырлык итеп сынаса да, язмыш аңа соңыннан бүләген дә әзерли: яшьлек мәхәббәте белән кавыштыра. Шулай, түземнәр бәхеткә лаек...

«Ай күлгә сыенганда» спектакленең премьерасы булган көнне Саба мәдәният йорты халык белән шыгрым тулы иде. Гөлсәхрәне (Энҗе Нурисламова) жәлләп, күпләр елап утырды. (Район мәдәният хезмәткәрләре өчен дә имтихан булды, диделәр Спектакльне режиссер Айрат Зиннуров сәхнәләштергән. Төп рольләрдә Радик Локманов (Әхсән), Искәндәр Вәлиев (Амур) уйнады).

Спектакль тәмамлангач та, мәдәният йортыннан халык әле таралмады. Премьера көне Гөлсинә ханымның зур юбилее – алтмыш яшьлеге белән туры килде. Сәхнәгә аны гомер бәйрәме белән котларга дип ерак-ерак җирләрдән кайткан кунаклар күтәрелде. «Бельгия татарлары» оешмасы җитәкчесе Лилия Вәлиева Брюссельдән ире Жан Шмитд белән кайткан. Ул Гөлсинә Галимуллинага «Аулак өй» бәйрәмен үткәрүдәге ярдәме өчен Россиянең Бельгиядәге илчелеге җибәргән Мактау грамотасын тапшырды. (Быел көз Брюссельдә узган «Аулак өй» бәйрәменә Гөлсинә ханым да чакырулы иде. Бельгия татарлары аны китаплары аша белә, моңарчы да якыннан очрашканнары бар.)

Ханты-Манси автономияле округы мөселманнарының төбәк Диния нәзарәте мөфтие, Ханты-Манси автономияле округы татар милли-мәдәни мохтарияте рәисе Таһир хәзрәт Саматов бәйрәмгә җәмәгате Рәйсә абыстай белән кайткан. Сургут шәһәреннән кадәр! Ул да Гөлсинә ханымга Себер җирендә яшәүче татарлар исеменнән, бәйрәме белән котлап, Мактау грамотасы тапшырды. Себерләр Гөлсинә Галимуллина дигән язучыны белән, һәр яңа чыккан китабын көтеп алып, укып баралар. Үзләренә – Сургут шәһәренә аны инде ике тапкыр очрашуларга чакырдылар.

Аннан сәхнәгә КФУның журналистика факультеты укытучысы Рәсимә Галиева күтәрелде. Ул журналистларның һөнәри осталыгын арттыруга керткән хезмәте өчен Казан федераль университетыннан Гөлсинә Галимуллинага Рәхмәт хаты алып кайткан. Гөлсинә ханымның булачак журналистлар арасында үз стипендиатлары бар!

Юбиляр үзе дә Рәхмәт хаты белән килгән булып чыкты. Ул аны Саба мәдәният йортының «Балкыш» театр коллективына тапшырды. Артистларның һәммәсенә кулдан әзерләнгән бүләкләрен бирде.

Бу көнне залда, тамашачылар арасында, Гөлсәхрәнең прототибы булган Рәхимә Садыйкова да бар иде. Сәхнәдә аның язмышын уйнадылар.

Гөлсинә Галимуллинаның яңа китабы 2018 елның башында дөнья күрәчәк. Ул «Тау җылысы» дип атала.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    1709
    26
    194
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5353
    2
    74
Реклама
Соңгы комментарийлар
  • 16 октябрь 2021 - 22:17
    Без имени
    Илдя чыпчык улми. Тукмалып торырга ярамый.
    Мәхәббәттән нәфрәткә бер адым икән
  • 17 октябрь 2021 - 07:44
    Без имени
    Яшьлэр монда ни причём. Халыкнын дини наданлыгыннан килэ бу хэллэр. Дини агарту эшлэре алып барырга кирэк. Семьядан башлап, диния нэзэрэте дэ яшьлэргэ тэрбия биру остендэ эшлэргэ тиеш, мячетлэр салалар, э яшьлэрне мэчеткэ Тарту эшлэрен тиешенчэ кутэрмилэр...
    Кызыбыз өйләнә – улымны киленгә бирәм!
  • 17 октябрь 2021 - 19:39
    Без имени
    Әтисез читен була дигәнсез?Ә әнисез?Лилия исемле бер җырчы интервью бирде,сездә тыңнагансыздыр бәлки.Әниемә әти җайсыз сукты ди,35 яшендә мәрхүм булды әнием ди.Кабатларга уйлыйсыңмы?Ноги в руки и бегом ул тиледән....
    Мәхәббәттән нәфрәткә бер адым икән
  • 15 октябрь 2021 - 11:55
    Без имени
    Минем уйлавымча. хыянэтне. гафу итэрге. ярамый. минем дэ баштан утте. эле. мин. бала авырып. больницада яттым. э ул. жилбэзэк кызны. ойге керткен. ир атнын. башы. юк анын. алар. узлэре очен гене. яшилэр. бала да. кирэкми. хатын. да. картайганчы. хыянэт итэ. минеке. шулай булды.
    Нигә мине чүпрәк итәләр?!.
  • 15 октябрь 2021 - 15:13
    Без имени
    Бик матур,тату,тырыш,тэуфикле гаилэ - Эхмэтшиннар гаилэсе.Алдагы коннэрдэ дэ матур,тату,бэхетле булып яшэгез! Зур унышлар сезгэ!
    Оясында ни күрсә...
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан