Хәрирә ашы

Мароккода яшәүче мөселманнарның ураза вакытында яратып әзерли торган ашы икән бу. Үзе куе, үзе хуш исле һәм гаять туклыклы ризык ул. Салкын көзге көннәрдә безгә нәкъ менә шундый аш тансык та инде. Хәрирәне, гадәттә, сарык итеннән әзерлиләр. Сыер итеннән пешерсәң дә була. Әзерләп карагыз әле, күңелегезгә хуш килер дип уйлыйбыз.
Кирәк:
(5-6 кешелек гаилә өчен)
* 1 кг сөякле ит;* 3 л тирәсе су;
* ярты стакан нут борчагы;
* ярты стакан ясмык (чечевица);
* ярты стакан дөге;
* 1 аш кашыгы бодай оны;
* 3-4 сельдерей сабагы;
* 1 баш суган;
* 2-3 помидор яки 2 аш кашыгы томат пастасы;
* 3-4 тырнак сарымсак;
* 1 кузак ачы борыч;
* 1 чеметем зира, куркума;
* әстерхан чикләвеге зурлыгында имбир тамыры;
* үсемлек мае;
* тоз-борыч.
Эш барышы:
Кәстрүл төбенә чак кына үсемлек мае тамызып, итне сөяге-ние белән кыздырып алабыз. Сөяксез итне исә ваграк шакмакларга турарга кирәк. Күп кешегә сарык итенең тәме ошап бетми, ә менә шулай кыздырып алсаң, ул тәм шактый ук кими.Ит өстенә кайнаган су коеп (салкын су салсаң да зыян юк), пешерергә куябыз. Суын саркытып, кичтән үк бүрттерергә куелган нут борчагын да өстибез. Шулпа сәгать ярым чамасы талгын гына кайнасын.
Шулпа кайнаган арада ашка кушарга дигән кыздырманы ясыйк. Башлы суган һәм сельдерей сабагын ваклап турыйбыз.
Ачы борычны төшләреннән арындырып, сарымсак белән имбирнең кабыгын әрчеп, бик вак кына итеп турыйбыз яки вак угычтан уабыз. Помидорны 2 минут чамасы кайнар суда пешекләп, кабыгын салдырабыз да шулай ук бик вак кисәкләргә турыйбыз (блендер белән издерсәгез дә була).
Калын төпле табага бераз гына үсемлек мае тамызып, иң элек суганны кыздырабыз, аннан соң сельдерей, имбир, борыч кушабыз. Болар әзер булгач, издерелгән помидор белән сарымсакны салабыз һәм әледән-әле болгаткалап, янә 5 минут кыздырабыз. Ахырдан куркума, зира ише тәмләткечләр һәм төелгән кара борыч сибәбез. Ашның итен сөягеннән арындырабыз һәм, ваграк кисәкләргә бүлеп, кабат шулпага кушабыз. Ит артыннан ясмык белән дөгене дә юып салабыз. Барысын бергә тагын 20 минут чамасы пешерәбез.
Ярмалар пешкәч, кыздырманы салабыз, 1 лавр яфрагы, 2 телем лимон өстәргә дә онытмыйбыз.
Иң соңгы эш итеп 1 аш кашыгы онны 3 аш кашыгы су белән яхшылап туглап ашка кушабыз. 2-3 минуттан хуш исле хәрирәбез әзер.
Татар хатын-кызлары өчен кызыклы язмаларны Сөембикә Telegram-каналында укыгыз
Хәзер укыйлар
-
«Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
-
Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа.
-
Алсу тәрәзә Хикәя
-
Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
-
Сабырлык чиге 2 Шулай итеп, Сәрия туташ никахлы ире кочагында бер төн генә ләззәтләнеп калган. Нәрсә генә булмасын, авылда «кияүгә чыккан» дигән хәбәр таралган бит...
Соңгы комментарийлар
-
7 февраль 2023 - 06:25Без имениКарыйсы килэ башлады инде. Бу эсэрне укыганым бар иде.Бала бишеге тибрәнүендә – чиркәү чаңы
-
3 февраль 2023 - 09:19Без имениРушания ханымның сәләтенә, булдыклы, уңган булган ханым булганына шаккатып, исем китеп укыдым.Була бит шундый бар яктан да килгән кешеләр, сөбханАллаһ, күз тимәсен 🤲🤲🤲Сәламәтлек, озын гомер телим аңа!Үләнче
-
4 февраль 2023 - 13:37Без имениГомер ничек яшэлсэ дэ утэ.Ярый анлаган ирен,э анламаганнар анламый ул.Яшэгэн саен чарасыз тузеп яшэгэн хатынкыз азмы доньяда.Сабыр тобе Сары алтын дисэлэр дэ сэлэмэтлек бик кирэк нэрсэ.Аллакаебыз яшьлектэ хэр балага тэуфикь, сабырлык хэм уз башына акыл бирсен.Сэлэмэтлектэ булып яшикСабырлык чиге 5
-
3 февраль 2023 - 09:42Без имениИе ие, бау белэн бэйлэп сойрэп яткыралар ди. Шул йоремсэк ирлэрне яклап утырмагыз инде«Йөремсәк» хатын
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.