Соңлап белгән хаклык


Без өйләнешкәндә иремә 40, миңа 26 яшь иде. Төнге клубта таныштык. Ул үзенә чакырды. Әмма мин каршы килдем. Бармадым. Икенче көнне үк очрашуга чакырды. Менә шулай аралашып киттек. «Ике тапкыр өйләнеп аерылганнан соң бөтен хатын-кызларга нәфрәтем чиктән ашкан иде. Алар бары бер төн өчен кирәк дип яшәгән чорда, син тормышыма якты бер нур булып килеп кердең. Минем белән төн уздырырга каршы төшүеңә шундый нык аптырадым. Акыллы кызлар калган икән әле дип сөендем. Сине озатып кайтып йокларга яткач, бу кызны беркайчанда җибәрмәячәкмен, дип уйладым», – ди, хәзер ирем ул вакытларны искә төшереп. 


 Әти-әниләремә булачак ирем ике тапкыр аерылган дип әйтергә курыктым. Әмма яше зур булгач, өйләнми яшәгән дип әйтергә дә базмадым. Беренче хатыннан күптән аерылган дип әйттем. Әлбәттә, мине аңа кияүгә бирәселәре килмәде. Әмма мин авырга уздым. «Кайтыгыз, никах укытабыз», – диде әти, бу хакта белгәч. 


 Койрыклы ир белән гаилә корып җибәрү җиңелләрдән булмады. Төрле вакытлар – төне буе елап чыккан чаклар да булды. Икенче хатыннан кечкенә кызы бар иде. Ул баласы өчен үлеп тора. Атна саен безгә алып килә. Кызы белән бергәләп уйныйлар, сөйләшәләр. Андый чакларда үземне чит, артык итеп тоя идем. Ул кыздан бик көнләштем, әмма сиздермәдем. Җитмәсә, элекке хатыны да шалтыратыштыра. Кызын әнисенә илткәндә дә күрешәләр. Яшьлекнең фантазиясе бай бит ул. Башка әллә нинди уйлар керә иде. Балабыз тугач, бу кадәр аралашмаслар әле дип уйладым. Әмма кызыбыз тугач та, беренче кызын безгә алып килүдән туктамады. Мин ул вакытта безнең кызга караганда, үзенең кызын ныграк ярата дип уйлап та елый идем. 


 Әмма яши-яши зирәкләнәсең икән. Кыз белән ата мөнәсәбәте безнең мөнәсәбәтләр белән кисешмәвен, баланың ата белән аралашырга тиешлеген яши-яши аңладым. Үзем дә ул кызны кабул иттем. Иремнең мине, балаларыбызны бик нык яратуын аңладым. Әмма бу фикергә килгәнче, әйтүемчә, бик күп тоз ашарга туры килде. 


3 ел элек гаиләбез тагын ишәйде. Иремнең беренче хатынының кызы әтисе белән аралаша башлады. Ирем, әлбәттә, моңа бик сөенде. Ә мин ирем өчен сөендем. Ул беренче хатынына өйләнгәндә студент кына була әле. Әмма ике елдан соң аерылышалар. Хатыны аңа үзенең фәнни җитәкчесе белән хыянәт итә. Ирем аларны тота. Шул ук көнне бөтен киемнәрен тәрәзәдән ыргытып, хатынын куып чыгара. Баласын үзенә алып калырга тели, әмма хатын бирми. Үчен дә ала: кызы белән очраштырмас өчен, башка шәһәргә үк күченеп китә. Уңышлы гына кияүгә чыга. Ирем кызы янын барып-барып карый, әмма әнисе аларны очраштырмый. Ә инде икенче хатынга өйләнгәч, ул очрашулар эзләүдән туктый. 


 Ул хатын яман шеш авыруыннан үлгәндә, кызына әтисе турында сөйли. «Мин дөрес эшләмәгәнмен. Телисең икән, әтиең белән аралашып яшә» – ди. Әнисе үлгәч кыз әтисен эзләп таба. Беренче тапкыр очрашканда өчебез дә бик дулкынландык. Иремә ике тамчы судай охшаш, елмаеп кына торган хатын фатирыбыз бусагасын атлап кергәндә төрле уйлар килде башыма. Әмма аралаша башлагач, аның бик тәрбияле икәнен аңладым. Без дуслаштык. Иремнең оныгы да бар икән. Ул кичне бик озак сөйләшеп тордык. Беркемдә дә үпкә хисе юк иде, бары тик очрашу өчен шатлану гына. 
Икенче атнаны кызы безне кунакка чакырды. Ирем оныгы белән танышты. Без шулай аралашып яши башладык. Балаларыбыз да апаларын кабул итте, хәтта сөенделәр дә. Бик тиз уртак тел таптылар. Ә ирем исә оныгы белән сәгатьләр буе уйнап утыра. Үз кызларыбыз инде зурлар. Үсмерләр әти-әни алдында утырып сөйдереп утырмый инде.


Бәйрәм саен бездә җыелабыз. Дүрт кыз да бер-берсе белән аралаша. Ирем балаларының аралашуына бик шатлана. «Ниһаять, күңелем тыныч», – ди ул. Дүрт кызы белән төшкән фотосын социаль челтәрләргә урнаштырырга теләде. «Бөтен дөньяга үземнең бәхетле икәнемне күрсәтәсем килә, рөхсәт итәсеңме?» – диде. Ничек мин каршы килим инде. Инде беркемнән курыкмый, кемгәдер нәрсәдер раслап яшәми торган торган яшьтә без. Кеше сүзе дә куркытмый, хәтта әти-әниләр дә. Мин ризалык бирүгә, ирем, сөенә-сөенә социаль челтәрләренә фотоны элде. 


Икенче көнне үк әти шалтыратты. Миннән аңлату сорады. Барысын да сөйләп бирдем. «Элек сезгә әйтергә курыктым, хәзер инде минем бәхетле хатын булып яшәгәнемне беләсез, борчылмассыз», – дидем. Әмма әти безгә үпкәләде. Иремне үзләрендә бөтенләй күрергә теләмәвен әйте. «Кияүгә ышанычым бетте», – диде ул. Әти дә, ирем дә көчле холыклы. Хакимлек итәргә яраталар. Болай да мөнәсәбәтләре артык җылы түгел иде. Бу хәл янган утка май гына булды. Әти белән араларыбыз салкынаюга бик борчылам. Шалтыратып сөйләшеп тә карадым. Әмма нәтиҗәсез. Әтине ирем белән киредән ничек дуслаштырырга инде? Без минем әти-әниләрдән бик ерак яшибез, еш кайтабыз дип әйтә алмыйм. Шуңа иремнең артык исе дә китми. Ә мин өзгәләнәм, әтине үпкәләтәсем килмәгән иде. 
                                                                                                                                                                                 Люция (исем үзгәртелде.)
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7240
    7
    66
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4484
    0
    43
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4922
    0
    37
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2955
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9677
    6
    35
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда