​Соңарган чәчәкләр

Автобусның урындыгына килеп утыргач, җиңел сулап куйдым. Өйгә кайтып җитәргә әле озак булса да, Казанда башкарасы эшләремне очлап чыгып, автобуска өлгерү барыбер зур сөенеч иде.
- Эчәсегез килмиме? — дип эндәште янәшә урындыкта утырган абый.
- Рәхмәт, уразага кергән идем шул, - дип җавап бирдем.
- Командировкамы?
- Каян белдегез?
- Иртән бергә килдек... Миңа кайтмасам да була иде, тик зарыгып көтүчем бар.
- Көтеп торучы кешең булу әйбәт ул. Хатыныгыздыр ин­де? — Болай сорау килешеп бетмәсә дә, юлдашымның алт­мыш өстендә булуы күренеп тора, шуңа күрә тартынмадым.
- Әйе, хатыным. — Ниндидер авыр тынлык урнашты. Бераздан юлдашым тагын телгә килде. — Күптәннән эчемдәгене тышка чыгарасы килеп йөри иде, иренмәсәң, тыңла әле мине, кызым.
- Ышансагыз, сөйләгез...
- Хатыным үлде минем, кызым... Соңгы сүзен ишетә алмадым. Кызыбыз да янында булмаган, ул ашыгыч ярдәм машинасы чакырткан арада әнисе җан биргән.
Үзем аны тыңлыйм, үзем уйлыйм, әһә, минәйтәм, бабайны икенче, яшь хатыны көтә икән.
- Йөрәге гел шаяргалап тора иде. Врачлар куркыныч нәрсә юк дип тынычландырып килделәр. Ә ул үлде дә китте менә. Әле пенсиягә чыккан гына иде, рәхәтен дә күрә алмады. Гөлләр ярата иде. Ике бүлмәле фатирыбызның бөтен җирендә гөл чүлмәкләре. Хәтта кухня өстәлендә дә гөл савыты торганга кайчак ачуым чыга да, идәнгә алып куям. Ә ул: “Йөрәгемне дәвалый алар, тимә. Торсыннар шунда”, — дия дә кире өстәлгә тезә. Иртән, гөлләре белән сөйләшә- сөйләшә, иң беренче эш итеп аларга су сибә, аннан гына ашарга әзерли. Шулай бервакыт шыпырт кына тыңлап торам, нәрсә турында сөйли икән ул аларга, дим. Ишеткәч, исем- акылым китте: "Мин үлгәч, сулырсыз микән инде? Бабаегызның сезгә гомергә артык исе китмәде. Ничә ел яшәп, сыңар чәчкә бүләк иткәне булмады. Үлгәч, каберемә гөлләр утыртырга васыять итеп калдырам әле менә, анысын үтәми булдыра алмас. Сез генә сулырсыз инде миннән башка”, — ди бу. Йә, Аллам, чәчәкләр бүләк итми дип, үпкәләп йөри икән бит. Кызык итәм әле үзен, розалар алып кайтам, дип уйладым. Тик өлгерә алмадым...
Ә гөлләр, чыннан да, сулдылар. Нишләтеп кенә карама­дым, файдасы тимәде. Кайберләрен кызымның фатирына илттем, анда да икенче көнне үк шиңеп төштеләр. Аптырагач, кире алып кайттым. Гөлләрне идәнгә тезеп куям да: “Нишләтим соң, апагызны бит кире кайтарып булмый инде. Сез дә үлсәгез, мин бөтенләй ялгызым калам”, - дим. Хатыным васыятен үз теле белән әйтә алмаса да, мин аны барыбер үтим: көн саен каберенә чәчәк илтәм. Кыш көне авыррак, билгеле, шулай да атнасына бер тапкыр булса да, барам янына. Сөйләшеп утырам. Гөлләре турында сөйлим.
Эх, яшьлегемне кире кайтара алсам, көн дә чәчәкләр бирер идем карчыгыма, җылы сүзләремне жәлләмәс идем.
Авыр тынлык урнашты. Мин нәрсә әйтә алам инде бу очракта?
- Пенсиягә чыктым, тик өйдә ялгызым тора алмыйм. Эштә калдым менә әлегә. Тик командировкалар гына йончыта, аннан карчыгым да көтә...
Автобус ял итү урынына туктады. Юлдашымның хикәясе шушы урында киселде. Хәер, ул инде тәмам да иде. Автобустан чыккач, ул минем пальто җиңеннән тартып: “Бәхетле бул, кызым”, - диде. Ә инде юлның икенче яртысын һәркем үз уйларына чумып, сүзсез генә уздырды.
Бу вакыйгадан соң шактый вакыт узса да, аның сөйләгәннәре гел минем күңел түрендә йөри. Урамда да мин гел шул таныш йөзне эзлим, ләкин очрата гына алмыйм.

Нурисә ГАБДУЛЛИНА.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 29 октябрь 2021 - 11:54
    Без имени
    Нихэл итэбез инде, тормош дауам итэ. Сей тирегэ ут капмай инде, йэшэргэ кэрэк нисектэ. Бик матур язылган. Кемден башынан уткэн шулар ныгырак анлай, ходай сабырлык бирхен амин.
Хәзер укыйлар
  • Юлдаш Бүген – 2 гыйнвар. Алиянең генә туган шәһәрен инде өч ел күргәне юк. Күңел ярасы өч ел буе төзәлмәде... Төне буе елап чыкканнан соң кисәк кенә җыенды да, өч ел элек Мәскәүгә чыгып китте ул...
    6843
    1
    65
  • Яңа ел төне сере – Сәлам! Тагын бер ел үтеп китте. Очрашу төне җитте...  Телефон экранында көтелгән һәм таныш сүзләрне күрүгә Ләйлә  елмаеп куйды. Онытмаган! Быел да үзе беренче яза... Яңа ел төнен каршы алганда нәкъ төнге өчтә... Менә инде унынчы ел шулай...
    8111
    2
    61
  • Ефәк яулык – Апам, менә сиңа тапшырырга куштылар, амәнәт диделәр. – Амәнәт? Марат үтә дә зәвыклы төргәкне Илсөягә сузды.
    6121
    2
    57
  • Тапкыр малай Әнисе тиз генә кайтмады. Ул, гомумән, кайтмады. Хәбәре дә юк, үзе дә. «Суга төшкәндәй югалды», – дип пошынып, елап-сыктап йөрде Фатиха апа. Әтисен госпитальдән кабат фронтка җибәргәннәр. «Хәдичә килеп җитә алмады», – дигән ул хатында. Ризык төягән Хәдичә, мөгаен, ач гидайлар кулыннан кичкәндер дигән уйда тукталдылар. 
    5235
    2
    53
  • Хат язучы Көтелмәгән хат Айдарның бөтен күңелен актарып ташлады. Кайтасы көнен минутлап санап көтә солдат. 
    4056
    0
    46
Реклама
Соңгы комментарийлар
  • 21 гыйнвар 2022 - 10:12
    Без имени
    Куп язалар инде берсенен ире ташлаган да башка хатынга киткан. я инде егет жебеган анисе сузе белан яши. гел ирлардан зарлану да зарлану. Бу язма ичмасам балачакны, яшь чакны иска алдырды. кызык итеп, матур итеп язылган. авторга рахмат. Ату гел ир-егетларне гаеплау турында язылганнар туйдырган иде.
    Бутый, итек һәм... итек кенә дә түгел
  • 21 гыйнвар 2022 - 12:29
    Без имени
    Бу хәлгз тарыган кешеләргә холай түземлек бирсен.Зур рәхмәт авторга.
    Кулга-кул тотынса...
  • 20 гыйнвар 2022 - 15:40
    Без имени
    Э ник хатыны больниста улде?! Ан,ламадым...
    "Алтын таулар вәгъдә итмим..."
  • 20 гыйнвар 2022 - 12:00
    Без имени
    Бешергэнем бар, тэмле була!
    Лимон бәлеше
  • 21 гыйнвар 2022 - 06:35
    Без имени
    Бик матур хикая
    Туй балдагы
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда