Сайлау мөмкинлегем булса, әниемне сайлар идем

Әйе, әти-әниләрне сайлап алып булмый. Ләкин андый мөмкинлек булса, мин, һичшиксез, аларны сайлар идем. Балачак, мәктәп елларын, студент вакытларымны, әлбәттә инде, хәзерге чорымны кабат-кабат алар белән узарга әзермен.

Әнием Фирая Ибраһим кызы гаиләдә биш кызның иң өлкәне булып, Икенче Бөтендөнья сугышы тәмамланыр алдыннан дөньяга килә. Сугыштан соңгы авыр елларда алар, әби белән бергә җиң сызганып, тормыш йөген тарталар. Әби – бригадир, көн-төн колхоз кырында булса, өйдәге бөтен эшләр 6-7 яшендәге әни җилкәсендә була. Шул еллардан калган кайгыртучанлык, җиренә җиткезеп эшләү, кешеләргә хөрмәт, белемгә омтылу сыйфатлары, елдан-ел артып, бүгенге көнгәчә баеп килеп җитте. Аның укытучы хезмәтен дә сайлавы әнә шуның ачык мисалы.
 

Мин исә театр белән гастрольләргә чыкканда яки Татарстан мәктәпләренә очрашуларга барганда кайчандыр әни укыткан тамашачыларым белән гел очрашып торам. Алар әнине һаман да җылы ихтирам, зур ярату белән искә алалар.

Кемнеңдер класс җитәкчесе булган, кемнедер кичке мәктәптә укыткан, ә кемнәрдер белән хоккей карарга яки төркемнәре белән Камал театрына спектакльләр карарга йөргәннәр. Аларның сәламнәрен әнигә алып кайтып җиткерү минем өчен дә зур куаныч. Үзе дә, миңа шалтыраткан саен, эшем белән, үзем белән горурлануын әйтергә онытмый.
 

Бу язмам аша да мин үземнең әнием белән горурлануымны җиткерәсем килә. «Әни, син минем куанычым, син минем яклаучым. Син мине бүгенге көндә догаларың белән каршы алучым, фатихаң белән озатучым».

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    7474
    2
    51
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4340
    0
    34
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2254
    0
    33
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    3039
    1
    31
  • Бергә булырга язмаган безгә... Хәзер аңлыйм: мин бик тырыш, яхшы укучы бала булганмын. Һәм шуның өстенә соң өлгергәнмен. Мәктәптә кайберәүләр бишенче класстан ук егетләр белән аралашып, егет сөйгәнгә исләрем китеп карый идем. Артык хисләнеп тормыйча гына дөньяны җигелеп тартучы әти-әни үрнәге дә шул булгандыр. Алар артык мәхәббәт маҗараларыннан башка гына, димләп өйләнешкән кешеләр иде. Егет сөю бер оят эш төсле тоелган миңа.
    2555
    0
    16
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда