Пирамидага кердек...

 

Бу дөньяда кешене ничек кенә алдамыйлар да, ничек кенә акчасын таламыйлар. Иң кызыгы, шуңа үзебез барып керәбез бит, картадагы акчаны беркем дә талап алмый. Безнең белән мондый хәл булмас дип әйтеп булмый икән.
Мин үзем сетевой маркетинг дигән бизнеска бик тиз ияреп китәм. Төрле социаль челтәрләрдә минем кебек гап-гади авыл хатыннарының әллә нәрсә сатып кына зур акчалар эшләп ятканнарын күрсәм, тынычлыгым кача. Миннән дә була торган әйбер инде дип, шуларга карап кызыгып йөрим башта. Алар төрле чараларга йөриләр, бергә ял итәргә китәләр, ничек акча эшләгәннәрен күрсәтәләр. Миллионнарга ук ышанмасам да, ай саен утыз мең булса да өстәмә акча эшләп бару теләге кемдә юк инде ул. Өстәвенә, берни эшлисе юк, сөйләп кенә йөрисең, дип, бизнесны мактап, кызыктырып торучы булганда. 
Беренче бизнеска моннан унбиш ел элек кереп киткән идем. Ирем белән икебезне дә прзентациягә чакырып, әллә нишләтеп кенә кайтардылар. Тәмам ышандык үзебезнең уңышка. Булмаган акчаларны бар итеп договор төзедек, аннары кулланыр өчен беренче товарларны алдык. Аны үзең кулланып карамыйча ничек кешегә сатырга, бизнес эшләргә соң? Шуңа ышангач, файдасын да күрәсең икән. 
Аннары китте авылга товар ташулар. Машина да юк иде әле ул вакытта, юл сумкасына офистан алып порошоклар, теш пасталары, витаминнар тутырабыз да, һәр ял саен авылга юл тотабыз. Бу бизнес турында сөйләмәгән туган, өйгә чакыртмаган күрше, кода-кодача калмады. Безнең кебек бизнеска кергәннәре дә булды, баш чигәсенә бармак белән төртеп күрсәтүчеләр дә... 
Ниндидер бер азарт белән башта үсеш тә китте әле. Анда күзең күрми, оборот ясарга тырышасың бит. Синең өстәге наставнигыңның йөзенә кызыллык китермәс өчен, син ышанычлы икәнен күрсәтер өчен оборотка товар алып торырга кирәк. Сине шул уңыш поездыннан төшереп кенә калдырмасыннар. Ай саен нәтиҗә ясап, балларны санап, уңышка ирешкәннәрне котлар өчен берәр чара уздыралар. Сәхнәләргә чыгыплар басасың инде, малай, бөтен зал сиңа кул чаба, герой ясыйлар билләһи. 
Югарырак баскычка менгән саен, кеше дә күбрәк кирәк. Ул оборотларны берүзең ясау мөмкин түгел. Товарга ышанган, аны яраткан тагын үзең кебек кешеләр кирәк, аларның заказ ясап торулары кирәк. Әнә шул кешене эшләтә белмәү харап итте дә инде. Соңгы акчасына порошок йә духи алдыра алмыйм кешегә. Әкренләп бизнестан артка кала башладык, без керткән кешеләрне наставниклар өстерәп карады, бераздан алар да ташлады. Күзләр ачылгач, кешене күзәтү кызык икән ул. Мин хәзер үземне көлеп искә алам. Күзем-башым күрмәгән икән. Син үзеңне нинди хәлдә булганыңны аңламадың да, тәмам хыялланган идең, беркемне ишетергә теләмәдең, дип, әти-әни әйткәч кенә аларның нигә каршы булганнарын аңладым.
Аннары ике бала алып кайттым, икесе белән дә декрет ялында утырганда тагын косметика компанияләренә кердем. Бик яхшы гына башлыйм да, сүреләм мин аннары. Бер үк әйберне кешегә ничек гел сатып булсын инде? Шулай итеп, вак-төяк белән мавыгып, үз күңелемне үзем күреп йөрдем.
Сетевой маркетинг бер хәл, шундый ук компания, структурасы да шундый дип, ялгыштык, пирамидага килеп эләктек узган елны. Иремнең туганы чакырды безне. Ансат кына акча эшләп була, ди. Үзләрен инде ике ай шунда утыралар икән. Ике йөз меңне керткән дә, бер айда ук кире кайтарган. Хәзер бер миллион салырга тели бу. Тиз, ансат акча кызыктыра бит ул. Машинага дип җыйган 700 мең сум акча бар безнең дә. Белгән кеше шулкадәр ышанып сөйләгәч, без дә кереп карарга булдык. Эштәге хатыннардан да ишеткән идем инде андый акча эшләү юлларын. Башта 200 мең белән мине теркәдек, 500 мең белән минем аска иремне теркәдек. Әйе, бер айда ук 200 меңгә якын акча керде. Аны чыгару җайлы гына түгел, озак маташтык, өйрәндек. 100 меңне чыгардык кына, компания ябылды да куйды.
Шул вакытта гына хатабызны аңладык. 700 мең акча салып, кулга шуның җидедән берен тотып калдык. Кемгә барып елыйсың, кемнән сорыйсың – туганыбыз да акчасын күп югалтты. Аннары, ул безне кыстамады да бит, үз уңышлары турында гына сөйләде, акча эшләп була монда, диде. Калганын безнең комсызлык, җиңел акча эшләү теләге хәл итте. Әле ярый кредитлар алмаганбыз, беркемгә тиеш түгел, үз терсәгебезне генә тешләргә азапланабыз. Шул пирамидага фатир акчаларын салып янган кешеләр күп булды. Безне Ходай саклады әле дип, хәерлесен эзләргә тырыштык. 
Әнә шул бай тормышка, тиз акчага кызыгуны ничек бетерергә икән? Югыйсә үзем беләм бит – бер дә җиңел акча түгел ул компанияләрнең берсендә дә. Шактый акчалар кермичә генә квалификацияләр ябып булмый. Ясалма тормышка кызыгып, башны югалтмаска иде. Пирамиданың тагын яңа төре ачылган диләр әле...

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7237
    7
    66
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4484
    0
    43
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4913
    0
    37
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2954
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9674
    6
    35
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда