Онытмыйбыз!

Бер көнне оныгымның Җиңү көненә багышланган бәйрәмендә булып кайттым. Тәэсирләнеп кайттым. Нәни кыз һәм малайларның сугыш турында, солдат бабаларының батырлыгы турында җырлары, ул афәтле елларны йөрәк өзгеч төгәллек белән тасвирлауларына исем китеп, сөенеп утырдым. Миллионлаган гомерне кискән, илне озак вакытлар кайгы-хәсрәте, югалту-сагышлары белән эзәрлекли килгән бу сугыш тарихка канлы хәрефләр белән язылган. Ул безнең күңелгә әнә шулай кереп калган. Гомергә истә кала торган, ел саен бер елатып ала торган иң зур, иң бөек бәйрәм ул Җиңү көне! Көн саен таңнар атуын, зәңгәр күк йөзендә ялтырап кояш чыгуын күрү бәхетенә ирештергән бабаларыбызга, фронтка киткән ирләрен, улларын алыштырып, җиңү сәгатен якынайту өчен көнне төнгә ялгап эшләгән тылдагы әниләргә, апаларга рәхмәт, мең рәхмәт шуның өчен!

Минем бабам Корбангали Галиев та сугышта булган. Каты яраланып кайткан. Аның вафтыннан соң бөтен авырлык гаиләдәге иң зур балага – минем әни җилкәсенә төшә. Аңа әле ул чагында булса шул 15 яшьләр булгандыр. Шул яшендә ул тракторга утырган, җир сөргән, печән чапкан. «Тракторның утыргычына ябышып калган чаклар да аз булмады. Кубарып ала торганнар иде», – дип сөйләгәне хәтердә. Сугыш чоры балаларында нинди сәламәтлек булсын инде шулай булгач.

Сугышта якыннарын югалтмаган гаиләләр бик сирәктер ул. Һәр өйнең – үз герое. Ярты Европаны җәяүләп узган солдатларның батырлыгы турында саргаеп беткән өчпочмаклы хатлар сөйли. Стенада эленеп торган фоторәсемнәр искә төшереп тора. Сүнмәс хәтер булып сакланган, буыннан-буынга күчеп йөргән истәлекләр сискәндереп тора. Сугыш тәмамлануга 73 ел вакыт узып китсә дә, тапшырылмый калган бүләкләр үзләренең геройларын табып тора. Гаделлек бар ул дөньяда! Иртәме-соңмы барысы да кире үз урынына кайта. Үткәнебезне, тарихны берничек тә сызып ташлап булмый. Украинада барган хәлләрне генә карагыз инде... Мәктәпләрдән Бөек Ватан сугышы тарихына кагылышлы әсбаплар алына. Яшь буын Гитлер, бандеровчылар тарафдарларына әйләнеп бара. Бу илнең киләчәген күзаллавы да куркыныч.

Бүген – зур бәйрәм! Ил буйлап «Үлемсез полк» атлаганда, сугыш батырлары һәйкәлләре яныннан кеше өзелмәгәндә, балалар бакчаларында патриотик җырлар яңгырап торганда беркем дә онытылмас, берни дә онытылмас!
фото: https://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8477
    10
    103
  • Егетемне кыйнадым – Ышанмыйсызмы? Чынлап әйтәм! Ул бу хакта хәтта полициягә хәбәр иткән.
    8751
    2
    71
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    8512
    8
    68
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4119
    2
    48
Реклама
Соңгы комментарийлар
  • 22 июль 2021 - 16:52
    Без имени
    Мондый язмаларны еламыйча укый алмыйм,чонки минем бабамда узган ул концлагерларны,9май житсэ бакча артына чыгып жылый иде, соныннан Аны оправдали, ещё орден бирделэр,Бер солдаты коткарган очен,рэхмэт Ана,онытмаган...
    Ева-Мөслимә
  • 22 июль 2021 - 11:16
    Без имени
    берниге дэ борчылма. ускенем. Вакытында. белгенсен. шунысына. соен. борчвылма. Узеннен чын. тормышын. алда. эле. Андыйларны. Аллахе. тагэлэ. кичерми. жэзасын. алыр. борчылма.
    Егетем... ике бала атасы икән инде
  • 23 июль 2021 - 11:25
    Без имени
    Бик аянычлы,котычкыч хэл.эх өлгермэгэн шул ана.рэхмэт Физэлия,уңышлар сезгэ.
    Киселгән муел  агачы
  • 22 июль 2021 - 20:00
    Без имени
    И это пройдёт.. Дигән бер акыл иясе. Тормыш тәҗрибәсе шулай туплана инде ул. Кешегә ничек ышанмыйсың... Андый подоноклар да бар инде ул. Елама дип әйтү җиңел лә ул. Син ела, ләкин аңардан файда булырмы дип уйла. Шулай булгач, яшеңне әрәм итмә. Ә ул киләчәктә барыбер бер кирәген алачак. Андыйлар гомергә үзгәрми. Бәхет телим сиңа.
    Егетем... ике бала атасы икән инде
  • 19 июль 2021 - 22:04
    Без имени
    Табаң юк мени, әзрәк башын "сафландырып" алырга. Нинди чит хатын белән язышу ул, син дә аның иренең номерын тап та языша башла. Белми дип тыныч кына йөрмәсеннәр. Син әдәп саклаганда алар мәхәббәт уенын башларлар. Котырту түгел, баштан үткәнгә язу. Сөйләшәсе килсә, ире белән сөйләшсен. Чит ир әйбәт инде. Гаилә алып бару түгел бит. Син юганны киеп, ашатып эчертеп чыгарасың,. Тәтиегет тапкан. Үзенекен тәти итеп тотсын да сөйләшсен. Язып җмбәр үзенә, иреңә язам дип.
    Ирем телефоннан башка хатын белән языша
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан