Олы йөрәкле ханым

Теләче районы Үзәк бистәсендә яшәүче Лида ханым Ильина тормыш иптәше Николай абый белән бергәләп биш бала — дүрт кыз һәм бер малай тәрбияләп үстереп, олы тормышка аяк бастыралар.

Балалар үсеп җитте. Хәзер аларның һәркайсының үз көне. Лаеклы ялга чыгып тынычлап ял итсәң дә була… Әмма Лида апаның бө­тен михнәтләре алда бул­ган икән әле: утыз бер яшендә олы кызлары Валентина авырып китә. Табиблар аңа яман шеш диагнозы куялар. Йокысыз төннәр… Ана өчен баласының сыкрануларын-сызлануларын күреп яшәүдән дә авыры бар микән дөньяда?! Өмет өзмәгән ана табиб­ларга да, күрәзәлек итүчеләргә дә йөреп карый. Тырышулар юкка: Валяның сул кулын бөтенләе белән кисәргә туры килә. Шулай да ике бала анасы, ир хатыны өчен исәнлеге мө­һимрәк! Лида апа “исән” дип шатлана. Бу сынауны уздың, адәм баласы, тагын нишләрсең икән, дигәндәй, мәкерле язмыш аны тагын бер кат сыный. Күрше Сауш авылында үткән сабан туенда уналты яшьлек малае ат өстеннән егылып башын имгәтә. Авыр һәм озакка сузылган операция кичерә улы. Ана түзә. Ходайдан балаларының исәнлеген сорый. Шундый көннәрнең берсендә тагын бер кызына, флюорография үткәннән соң, туберкулез булуда шик белдереп, чакыру кәгазе килә. Ходайга шөкер, куелган диагноз акланмый.

Күрәзәлек итүчеләргә йөргәндә аңа, ятим балаларга хәер-сәдәка өләшеп карарга кирәк, диләр. Чыннан да, бәлки шулай итәргәдер?! Лида ханым олы кызын ияртеп, ире Николай абый белән бергәләп, Казан шәһәрендәге бер балалар йортына килә. Кызганыч, күчтәнәч бирергә килүчеләргә балаларны күр­сәт­миләр икән. Күчтәнәч­ләрне тапшырып, китәргә кузгалганда каршыларына бер кыз бала күтәргән тәрбияче килеп чыга. Яратып һәм өметләнеп текәлгән сабыйны кулларына алмый кайсы хатын-кыз түзәр икән?! Түзми, Лида ханым да кызны кочагына ала. Ә бала аны ныграк кочаклый, “мама” дип күзләренә карый. Гөнаһсыз сабый Нико­лай абыйга да “папа” дип үрелә. Олы кызы Валя да түзми. “Әни үзебезгә алыйкмы әллә?” — ди. “Ала­быз!” — ди Лида ханым. Киңәш­ләшәләр дә алып китәр өчен киендерергә дип идән­гә бастырганда, кыз чак кына егылып китми. Аяк табаны дөрес формалашмау сәбәпле, йөри алмый торган булып чыга ул. Күп сынаулар үткән Лида апаны бу куркытмый. “Үз кочагымда чакта алабыз дигәч, аны шундый хәлдә ничек ташлап китим, алып кайттык”.
— Менә шуны сагынып елап утырабыз әле, — ди ул. Мин барганда Полина (кызның исеме шундый) Казан шәһәрендәге “Чишмәле” сәламәтләндерү үзәгендә иде. 

— Башта калдырырга уңайсыз булды, калдырып китәләр, дип куркып елады. Яңа елда дәвалану срогы бетә, алып кайтабыз инде, Алла боерса. Шундый сагынып көтеп тора. Килеп кергәч тә кочаклап, яулыкларымны салдырып, үзенчә чәчләремне матурлый. Сабыйга да яшь, матур әни кирәк шул, балакаем, матур күрсәтәсе килә, сәламәтлеге дә алга таба инде… — дип куанычын белдерә Лида апа.

Шундый күп сынаулар кичереп тә, киң күңелле булып кала белгән ул ханым, Ходайга, тирә-юньдәгеләргә рәхмәт укый. Район хас­таханәсенең балалар та­библарына, халыкны социаль яклау идарәсенә бик рәхмәтле ул.

Телгәләнгән йөрәгенә ятим балалар язмышын да сыйдыра алган киң күңелле, олы йөрәкле бу ханымга Ходай исәнлек бирсен.
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Качу Туйды Гөлнара! Башка болай яшәргә теләге дә, көче дә юк. Үзе эшләп алган бердәнбер мөлкәте – кызыл төстәге ике ишекле генә машинасына утырды да, өстенә кигән киеме белән чыгып китте. Башка кайтмаска дип...
    11060
    1
    162
  • Яңа ел төне сере – Сәлам! Тагын бер ел үтеп китте. Очрашу төне җитте...  Телефон экранында көтелгән һәм таныш сүзләрне күрүгә Ләйлә  елмаеп куйды. Онытмаган! Быел да үзе беренче яза... Яңа ел төнен каршы алганда нәкъ төнге өчтә... Менә инде унынчы ел шулай...
    7206
    1
    56
  • Юлдаш Бүген – 2 гыйнвар. Алиянең генә туган шәһәрен инде өч ел күргәне юк. Күңел ярасы өч ел буе төзәлмәде... Төне буе елап чыкканнан соң кисәк кенә җыенды да, өч ел элек Мәскәүгә чыгып китте ул...
    5266
    0
    53
  • Ефәк яулык – Апам, менә сиңа тапшырырга куштылар, амәнәт диделәр. – Амәнәт? Марат үтә дә зәвыклы төргәкне Илсөягә сузды.
    5425
    1
    51
  • Тапкыр малай Әнисе тиз генә кайтмады. Ул, гомумән, кайтмады. Хәбәре дә юк, үзе дә. «Суга төшкәндәй югалды», – дип пошынып, елап-сыктап йөрде Фатиха апа. Әтисен госпитальдән кабат фронтка җибәргәннәр. «Хәдичә килеп җитә алмады», – дигән ул хатында. Ризык төягән Хәдичә, мөгаен, ач гидайлар кулыннан кичкәндер дигән уйда тукталдылар. 
    4695
    2
    49
Реклама
Соңгы комментарийлар
  • 13 гыйнвар 2022 - 18:17
    Без имени
    Билгесезлектэ яшэу бик авыр ,ни булса шул дип уртага салып сойлэш ,барлык авырулалар борчылудан килэ .
    55 яшемдә ирем хыянәт итте...
  • 13 гыйнвар 2022 - 16:43
    Без имени
    Если так продолжать, можно серьёзно заболеть, нервы уже не выдержат. Будьте наглее, ставьте условия, уважайте и любите себя, а не сватьев, типа, что скажут. У вас жизнь одна, ваше сердце вам правильно подскажет, думайте о своём здоровье!
    55 яшемдә ирем хыянәт итте...
  • 14 гыйнвар 2022 - 00:59
    Без имени
    Менэ шулай була шул, ат кебек эшлэсэн. Без бит, хатын кызлар, олы йорэкле. Ул сезне рэнжетмиме, эгэр сезне хормэт итсэ, сездэ ана, иргэ карата хис булса, ГАФУ ИТ, кичер.
    55 яшемдә ирем хыянәт итте...
  • 13 гыйнвар 2022 - 20:45
    Без имени
    Бик дорес, без кунак гына бу доньяда.
    ​Раил Садриев: «Безне театр коткарачак!»
  • 13 гыйнвар 2022 - 15:20
    Без имени
    Муллалар сэйляргя тиешле фикерляр, Эмма шигырьдяге Кузляр куллар аяклар Аллахы Тягалядян, !!!!
    ​Раил Садриев: «Безне театр коткарачак!»
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда