​Ни уйладың...

Игелек игелекне тартып китерә, явызлык – явызлыкны... Карма законы шундый...

Бу дөньяга без елап киләбез һәм түзә алмаслык сызланулар-авыртулар белән китәбез. Туганда язып куелган язмыш һәркемгә үзенең сынавын әзерләп куя. Кемгә аз, кемгә күп... Әмма адәм баласының берсе дә җәфа күрмичә гүргә керми. «Ни өчен гел миңа гына? Нинди гөнаһым бар?» Еш кына үз-үзебезгә шундый сорауны бирәбез. Җавабын гына таба алмыйбыз. Әйе, ник гел миңа гына шулай? Кайберәүләрне ул тууның беренче көннәреннән үк эзәрлекли башлый. Әни кеше, тудыргач та, баласын ташлый. Ә ташланган, әнисез сабыйның киләчәген күз алдына китерә аласыз инде. Баланы шәхес буларак «җимерү», бәясен төшерү шул минуттан башлана.

Ни өчен бу хакта сөйли башладым соң әле? «Элек кылганнарыңны белер өчен, хәзергеләренә әйләнеп кара. Чөнки бу синең үткәннең кармасы», – дип әйтелә «Бөек укытучыларның җиде серле пергаменты»нда. «Үзеңнең киләчәгеңне белер өчен, – диелә анда, – атна дәвамында ниләр эшләгәнеңне күз алдыннан кичер. Һәр кич йоклар алдыннан иртән һәм көндез башкарган эшләреңне исеңә төшер. Үткәнеңдә булган тискәре тәэсирдән котылуның иң үтемле юлы – читләшү. Бу үткән гомереңә битараф булуны аңлатмый, ә бәлки, аның нәтиҗәләреннән баш тартуга ишарәли. Игелекле эш һәрвакыт сиңа бары уңай тәэсир итәчәк».

Игелек игелекне тартып китерә, явызлык – явызлыкны... Кемгәдер игелек кылсаң, ул сиңа икеләтә әйләнеп кайта. Явызлык та нәкъ шулай. Ул озак көттерми. Бик тиз үкчәңә баса. Әлеге дә баягы карма законы шундый. Моннан без беркая да качып котыла алмыйбыз.

Игътибар иткәнегез бардыр: уңышлы, бай-мул тормышта яшәүче тора-бара тагын да байый, гөрләтеп яши. Ә менә проблемадан башы чыкмаган кайберәүләрне ул бертуктаусыз эзәрлекли. Әйтерсең, кеше йомык бер түгәрәк эчендә. Һәм ул инде аннан беркайчан да чыгып җитә алмас сыман. Боек күңелле кеше янында да, шат күңелле кеше янында да, һәрчак үзе шикеллеләр булыр. Җыеп әйткәндә, син үз тирәңә үзең кебекләрне тартасың!

«Әгәр дә начар, тискәре кешеләр белән мөгамәләдә икәнсең, алар синең тормышыңа тискәре йогынты ясаячак. Позитив кешеләр исә тормышыңны тагын да куанычлырак һәм бәхетлерәк итәчәк...» – диелә серле пергаментта. Хәер, тормыш тәҗрибәсе безгә шуны гел исбатлый, күрсәтә килә. Без шулай ук йөрәгеңдә йөрткән яшертен сернең кайчан да бер дөньяга сибеләсен дә, курыкканың барыбер бер алдыңа килеп басачагын да беләбез. Чөнки син аны инде күңелеңдә күптәннән йөртәсең. Һәм тагын бер мөһим нәрсә: кешене күралмау... Ул башкаларның гына түгел, үзеңнең һәм якыннарыңның тормышын да җимергеч көчкә ия. Шуңа да без уйларыбызны «дилбегәдә» тотарга тиеш. Аларның сүзгә әйләнүләре бик ихтимал. Әйткән һәрбер сүзең турында уйла. Алар гамәлгә ашарга мөмкин. Ә ул үз чиратында – гадәткә... Ә бу инде синең холкың, үз-үзеңне тотышың, дигән сүз. Ахыр чиктә, ул синең язмышыңны билгели.

«Һәрвакыт йөрәгеңне, эчке тавышыңны тыңла. Интуицияң сиңа ул тавышны ишетергә булышыр», – диләр белгечләр. Бәлкем, безгә гап-гади күренгән ул киңәшләргә колак салыргадыр?! Кылганың кайчан да бер кире үзеңә әйләнеп кайта. Берни дә юкка чыкмый, ул бары икенче төс ала. Карма дибез. Аны беркайчан да хөкем карары буларак кабул итәргә ярамый. Ләкин ул, башкарган эшләреңә карап, тормышыңа бик яхшы бер игелек яисә зур сынаулар алдына куярдай коточкыч бер явызлык булып килеп керергә дә мөмкин.. Кыскасы, халык мәкалендәгечә: ни чәчсәң, шуны урырсың...

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (3)
Cимвол калды:
  • 24 гыйнвар 2020 - 22:27
    Без имени
    Мал тэрлечэ булырга мэмкин нишлэп хезмэтен кергэн мал хэрмэт булырга тиеш
  • 22 апрель 2021 - 22:44
    Без имени
    "Игътибар иткәнегез бардыр: уңышлы, бай-мул тормышта яшәүче тора-бара тагын да байый, гөрләтеп яши". Әйтерсең дә ул байлыгын хәләл юл белән тапкан. Хәрам байлык нигә арта бара соң ул?
  • 22 апрель 2021 - 22:44
    Без имени
    Даими укучы! Язмада суз хэлэл коч белэн юнэткэн кешелэрнен байлыклары турындадыр дип уйлыйм. Э хэрам мал ул кешене иртэме-сонмы барыбер проблемалар алдына китереп бастыра.
Хәзер укыйлар
Реклама
Соңгы комментарийлар
  • 21 апрель 2021 - 11:49
    Без имени
    И аллакаем, Тәрбия газетасын чыгарган Газинур дип аңладым инде. мин укытучы кеше бик күп ачык дәресләремне 10-15 еллап шул гэзетада бастырдым бит. ирле-хатынлы газета чыгардылар алар. Раббым сабырлык бирсен сезгә, балаларыгызга.
    Кияүгә сүз әйтмәгез!
  • 21 апрель 2021 - 11:44
    Без имени
    Әллә ничә кат укыдым да укыдым. Шулай искә төшергәләп тору киорәк икән дип уйладым тормыш һәм яшәү турында. бу турыда язып яхшы иткәнсез.
    Үреләм дә карыйм күңел түрләремә...
  • 21 апрель 2021 - 23:40
    Без имени
    Бик авыр хэллэр,ачы хэсрэт.Бу турыда укыганым булган икэн,исемэ тошердем.Куз яшьлэре ирексездэн ага гына.Бала хэсрэтлэрен курсэтмэсен,ходаем.
    ​Күбәләк булып очты...
  • 22 апрель 2021 - 05:54
    Без имени
    Бездэ энкэй дип йорет алар энинен энтченрахмат
    Якын ерак әбекәем
  • 22 апрель 2021 - 06:13
    Без имени
    Бик авыр хэл,Аллам сакласын ,куз яшьлэрсез укып булмый!!!
    ​Күбәләк булып очты...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»