Күршемнең ире йөргәнен белдем, миңа нишләргә?

«Сөембикә»нең сайтын гел хатын-кызлар гына укый дип беләм, шуңа сезгә язам. Монда кереп укучылар начар киңәш бирмәс дип өметләнәм. Ә миңа сезнең киңәш бик кирәк.
Без яңа фатирга күчкән көнне үк таныштык бу күршеләр белән. Хәзерге вакытта күренмәгән хәл – алар чакырмаган, әйтмәгән дә килеш безгә ярдәм итәргә дип чыктылар. «Үзебез дә күптән түгел күчендек – нәрсә икәнен беләбез, бергә тизрәк булыр», – диделәр. Терәлеп торгач, бергә яшисе бит инде. Шул кичне үк бергә утырып чәй эчтек. Сөйләшеп сүзләр бетмәде. Яшьләребез дә берүк, балалар да да бер тирә булып чыкты. Кыскасы, шул көннән бирле аралашып яшибез. Бөтен нәрсә уртак: беребез ниндидер тәмле нәрсә пешерсә, икенчебез чакыра. Яңа елларны гел бергә каршылыйбыз: бер елны – аларда, икенче елны – бездә. 
Күршемнең бер тапкыр да иреннән зарланганы юк. Кайчак безнең алда да үзенә каты-каты бәрелүен ничектер җиңел генә үткәреп җибәрә белә ул, күбрәк шаяртуга бора. Иренең ул гадәтен мин үзем бер дә яратмыйм. Әйтәсе сүзең булса, аның икең генә калганда да әйтеп була бит. Хатыныңның аз гына кимчелеген дә нигә зур итеп күрсәтергә? Чынлыкта, күрсәтерлек кимчелеге дә юк әле аның. Өе һәрвакыт җыелган, аш-суга да оста. Тормышта бар яктан да килгән хатын-кызлар еш очрамый бит ул: аш-суны әйбәт хәзерләсә, өе күп чакта  пычракка баткан була аның. Яки киресенчә, өендә бер тузан бөртеге дә  күрмисең, ә аш-су тирәсендә  булдыклы дип булмый. 
Күршемнең иренең еш кына командировкага йөрүеннән дә зарланганын ишеткәнем юк. Югыйсә, берүзенә бер дә җиңел түгел андый көннәрдә. Олы кызын мәктәпкә озатырга, кечкенә улын бакчага илтергә, алып кайтырга кирәк. «Эше шундый булгач, нишләсен», – ди. 
Акчага тилмереп яшиләр дип әйтә алмыйм. Иренең зур булмаган бизнесы бар. Әмма хатынына акчаны бик исәпләп кенә тота ул. Бәйрәмнәрдә чәчәк күтәреп кайткан өчен минем иргә дә эләгә әле: «Нигә акча әрәм итәсең? Ике-өч көннән барыбер үлә бит ул чәчәкләр», – дип әллә ничә әйтте инде. 
Мин зур булмаган бер оешмада эшлим. Берничә ай элек безнең бүлеккә яңа кыз килде. Артык чибәр булмаса да, сөйкемле генә кыз. Аның белән өстәлләребез янәшә безнең: теләсәң дә, теләмәсәң дә аралашасың, бер-береңнең тормышында булган яңалыкларны белеп торасың. Үзе сөйләгәнче үк, телефоннардан сөйләшүләре буенча кемедер барын аңлаган идем инде. Берничә тапкыр курьер чәчәк тә китерде. «Егетемнән», – диде ул безгә. «Бәйрәм дә түгел бит», – дибез. «Ә ул миңа чәчәкләрне гел шулай бер сәбәпсез дә бирә. Кәефем юк икәнлеген сизсә, хәзер шулай букет җибәртә», – диде ул куанып. «Карале, хәзер дә шундый ир-атлар бармени?! Кайдан таптың аны?» – дибез. 
Беркөнне төшке ашны без аның белән икәү генә ашадык. Шунда ул миңа очрашып йөргән кешесе турында сөйләде. «Бик әйбәт кеше, – ди. – Әмма өйләнгән шул... Хатыныннан күптән китәргә тели инде, тик тегесе аерылышырга һаман ризалык бирми. «Син чыгып китсәң, үземне-үзем үтерәм», – дип әйтә икән. Торуларының рәте-башы да юк, нигә җибәрмидер инде ул аны? Үзе дә бәхетсездер инде, безне дә бәхетсез итә».  «Синең барлыкны да беләме? Шул килеш тә аерылышырга риза түгелме?» – дим аптырап. Көндәшкә түзеп яшәгән хатын-кыз да бармы икәнни? 
«Әйе, белә минем барлыкны, – ди хезмәттәшем. – Бик булдыксыз дип сөйли ул аны. Эшләми икән ул. Иренең акчасына гына карап ятадыр инде. Үзем генә калсам, яши алмам дип куркадыр, күрәсең... «Тагын бераз гына көт, берәр җае чыкмый калмас», – дип юата инде ул мине. Без болай бик еш бергә инде. Хатыны яныннан командировкага барам дип чыгып китә дә, миңа килә. Өемдәге бөтен эшемне карап тора. Бик булыша ул миңа. Квартираны ипотекага алган идем, икәү түлибез хәзер».  
«Чибәр кешеме соң?» – дим. Нигә болай сораганыма бик үкендем соңыннан... «Күрсәтимме?» – дип ул телефонын чыгарды. Ярый әле утырып тора идем, югыйсә авып киткән булыр идем. Фотода, аңлагансыздыр инде, күршемнең ире!   Ничек тә таныганымны сиздермәскә кирәк иде бит. Бәлки охшаган кеше генәдер дип, күзләремә ышанмыйча, исемен сорадым. Шул!  
Инде ничә көн шок хәлендә йөрим. Хәтта моны иремә дә сөйли алмадым. Нишләргә дә белмим... Бу яңалыкны белгәнне бирле күршеләргә дә кергән юк. Кәефем юк, гел башым авырта дип зарланам. Бер кеше ике тормыш белән яшәп ятсын әле! Инде мин нишләргә тиеш икән? Күршемә әйтергә тиешме мин ире хыянәт иткәнен, юкмы? Әйтмәсәм, дөрес буламы ул? Әйтсәм, гаилә җимереләчәк инде... Аннары шул гөнаһ белән ничек яшәрмен? Балалары  ятим үсәчәк. Барысына да күз генә йомаргамы – үз тормышлары, теләсә нишләсеннәр дип. Мондый хәл озак сер булып кала алмый, барыбер бер ишетеләчәк инде. 
Хезмәттәшем дә үзенчә кызганыч. Ул бит ышанып йөри, ул әйткән бөтен сүзне дөрес дип белә. Аның күзен ачаргамы-юкмы? Әйтсәм, аңа да әрнү, газап китерәчәкмен инде...
Кыскасы, буталып беттем. Мондый хәлгә калучылар бармы икән? Алар нишләде икән? 
Исемемне, зинһар, күрсәтмәгез. 
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (10)
Cимвол калды:
  • 17 март 2021 - 20:49
    Без имени
    Минемчә, теге яшь кызның күзләрен ачырырга кирәк. Ә күршегезгә әйтми торуыгыз хәерлерәктер
  • 1 февраль 2021 - 16:40
    Без имени
    Минем ирем дә курше хатыны белән йорегән ә мин белмәдем. Куршеләрем, дус булып йөрегән кешеләрем дә белгәннәр, миңа әйтмәделәр. Ирем миңа син шәхәргә барып эшлә, пенсиягә чыккач кайтырсың диде. Мин беркатлы, ышанып киттем. Миңа ул вакытта 53 яшь иде. Шулай итеп мин картайган көнемдә бомж булып калдым. Әгәр «дусларым » эйткән булсалар, мин уз кулларым белән төзегән өемдә , бала-оныкларымны каршылап, кунак итеп яшәгән булыр идем. Хәзер бпларым да оныкларым да кайтып йөри алмыйлар.
  • 1 февраль 2021 - 11:19
    Без имени
    Хатынына әйтмәгеҙ, ул былай ҙа бараһын ла аңлап торалыр. Ә бына теге дурочканың күҙен асырға кәрәк мотлаҡ рәүештә.
  • 15 сентябрь 2020 - 11:08
    Без имени
    Әйтергә кирәк хатынына, соң булыр
  • 15 сентябрь 2020 - 08:53
    Без имени
    Бу турыда күршегезгә әйтмәгез. Безнең дә баштан кичте андый хәл. Нәтиҗәдә без гаепле булып калдык. Үз проблемаларын үзләре хәл итсеннәр
  • 19 август 2020 - 10:33
    Без имени
    Бер суз эйтмэгез сез гаепле булачаксыз. Бу хэлдэ узем калдым, и иптэш кызыма эйттем. Ул мине гаеплэде. Хэр хатын иренен йоргэнен белэ, сизэ аларга шулай кулай. Кеше очен борчылырга бердэ кирэкми.
  • 17 август 2020 - 23:42
    Без имени
    Э Сез куршелэрегез белэн бергэ утырган вакытта гел анын хатынын мактагыз,унган ,булган, акыллы, чиста похтэ хэм ул иргэ ничек унышлы (повезло) тормыш иптэше белэн. Ирлэргэ моны хэр вакыт анлатып, тукып торырга кирэк. Чойлэгэн жиргэ чой керэ дигэн эйтемне онытырга ярамый. Аннары хатын кызга тоже узен яратырга кирэк, узен карарга. Ирлэрнен кузе матур киенгэн зэвык белэн бизэнгэн матурларга тошэ бит. Узенэ ихтибарны бетерэсен икэн, сина башка кузлэр дэ карамый. Булган хэр акчаны тормыш кирэк ярагына тугел эзерэк узен очен дэ калдырырга кирэк.
  • 17 август 2020 - 15:34
    Без имени
    Буталып бетмэ алай.Уз тормышынны кара.Синнэн белсэ, син гаепле булып калачаксын.Ул хатын узе дэ белгэнгэ охшаган минемчэ.Ирнен йорегэн кешесе барын белэ торып, куплэр "куз йома".....Узеннен иренэ сойлэмэгэнсен молодец! Карга кузен карга чукымый ул.Теге ирне яклап кына калыр иде ул да.
  • 17 август 2020 - 10:46
    Без имени
    Ничек яшегенсез элегэ кадэр, шулай яшерге, берсенэ дэ бер суз эйтмеске, гонах алмагыз узегезгэ, жизнь сама расставит все по местам
  • 17 август 2020 - 10:32
    Без имени
    Эйту кирэкмэс.Бэлки узедэ белэдер.Кеше сузе кеше утерэ дилэр.Килешерлэр,вакытлыча гына "кунел"ачуыдыр.
Хәзер укыйлар
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    8786
    1
    58
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    6354
    3
    55
  • Югалткан мәхәббәт Фәридә Казандагы сәүдә йортында йөргәндә үзенең яшьлек мәхәбәтен очратып, имәнеп китте. «Айрат!» – дигән cүз әйтерсең хатынның теленнән кош кебек чыгып атылды.
    4778
    1
    48
  • SOS! Җанымны коткарыгыз! Бу язма – Бөек Ватан сугышы фронтларының алгы сызыгында көн саен үлем белән очрашып та исән-сау әйләнеп кайткан, ләкин гаиләдә икенче сугышка, ир тарафыннан җәбер-золымга эләгеп, дөньядан вакытсыз китеп барган хатын-кыз язмышы турында...
    5174
    1
    40
Реклама
Соңгы комментарийлар
  • 17 май 2021 - 10:17
    Без имени
    Авыр кайгыгызны уртаклашам Илсия усканем. Сезнен барыгызга да Аллах тагалэ сабырлык бирсен.
    Илсөя Бәдретдинова авыр кайгы кичерә
  • 17 май 2021 - 11:08
    Без имени
    Ускэнем, романтиканы уз семьянда да ясарга була. Иренэ карата рахмэтле булырга ойрэн. Узенэ карата кызыксындыру чаралары уйлап тап. Ял кеннэрендэ семья белэн бергэлэп паркка бару,урманга чыгу. Табигаттэ бик матур урыннар бар бит.Балалар да шат булыр,ирен дэ ,узен дэ.Кичен гади булса да матур итеп стэл эзерлэп, шэм яндырып, тыныч музыка куеп,матур итеп киенеп ирен белэн матур кичлэр ясагыз.Иренэ ни телэгэненне кайбер вакытта булса да анлатырга кирэк,такдим итэргэ. Кешенен кадерен бар вакытта белергэ кирэк.Ирегез дэ, узегез дэ ихтирамга лаек кешелэр бит сез. Ихтирамга лаек кешелэр яратуга да лаек.Сез хатын кыз да ,эни кеше дэ. Бер дигэн матур гаилэ.Бер берегезне куандырып матур итеп яшэу чарасын уйлагыз ускэнем.
    Хисләремне ничек йөгәнлим? 
  • 17 май 2021 - 13:42
    Без имени
    Минем кызым да шулай яшәде. 6 елдан соң бала белән ире кышкы салкында куып чыгарды. Соңыннан бик кайтарасы килде җибәрмәдем. Кабат кияүгә чыкты. Бусы кояшым дип кенә тора .3 кызлары бар хәзер.Ә теге ире өйләнсә дә бер хатын белән дә тора алмады. Кызыгыз бәхетен табар. Чир китә гадәт китми ул. Кире кайта күрмәсен.
    Дөньям җимерек 
  • 17 май 2021 - 15:09
    Без имени
    Их, кешегә киңәш бирүе җайлы да ул.... Притчасы да бик акыллы. Ә менә башка төшсә, акыллы сүз киңәшне үтәве кыен шул
    Син кем: кишер, йомырка яки кәһвә?
  • 17 май 2021 - 15:14
    Без имени
    Гаилэ тормышы таркалуда,хэрбер гыйбрэтне курсэткэндэ,рэхэт яшэгэн хатыннарыбыз хавалана,мактана."Ирлэрне ир иткэн дэ,хур иткэн дэ хатын.Койгэ килми торган ир булмый,акыл белэн ,койлэп яшэргэ кирэк",дип акыл сатарга ярата.Сезгэ Аллахе Тэгалэ тарафыннан бирелгэн язмыш булэген узегезнен тэрбия дип уйлыйсыз,сез акыллы булгач,тормыш майлаган кебек бара,дип хаваланасыз.Юк,мен тапкыр юк!!!Сезнен ирегезне бала вакыттан ук,акыллы эти-эни ,узлэре урнэгендэ дорес итеп тэрбиялэгэннэр.Бу сезнен заслуга тугел,кайната-кайнанагызга рэхмэт укып яшэгез,алар заслугасы,алар тэрбиясе.Сезгэ отышлы лотерея билеты элэккэн,авызыгызны йомыгыз.Менэ сез шушы язмадагы иргэ барыгыз да,акыл белэн,зирэклек белэн кеше ясагыз,шул вакытта,мин сезнен дорес кеше булып,матур сузлэр сойлэп утыруыгызга бэя бирер идем.
    Дөньям җимерек 
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»