Китәм...

Китәм дигәч тә, әллә нәрсә турында уйлый күрмәгез тагын... Эштән китәргә җыенам мин. Журналист хезмәтенең ни кадәрле авыр, җаваплы булуын безнең ише гомер буе эшләгән кеше генә белә. Көн тудымы, бер проблема: инде нәрсә эшләргә, нинди темага язарга? Язмага отышлырак нинди баш куярга? Язганым актуаль булырмы, укучыга ошармы, барып җитәрме? Буш әйберләр, гел мактауга корылган язмалар... минем өчен түгел. Гомергә социаль темага язган, эшләү дәверемдә нинди генә авыр язмышлар белән очрашырга туры килмәгән миңа – күрәсен күргән журналистка – кайбер «сары» матбугаттагы шикелле – булмаганны бар дип язу да килешми. Йөгереп йөреп тә, язып та арыдым, ахрысы. Эчтән генә шулай уйланып йөрдем-йөрдем дә, көннәрдән бер көнне баш мөхәрриргә шул уйларымны ачып салдым: «Булды, җитте, – мин әйтәм, – туктарга вакыт. Арыдым».
Баш мөхәррир тыңлап торды-торды да: «Арыгансыздыр, аңлыйм. Ләкин сезгә әкренләп китәргә кирәк. Гомер буе кеше арасындагы кешегә кинәт бөтенесен ташлау авыр булачак...» – диде. Мин тагын уйлана калдым. Алдагы эшсез көннәремне күз алдына китердем. Ә алда... озын һәм җан өшеткеч салкын көннәр...Нишләрмен, ни эшләрмен? Бу турыда алдан кайгыртып, яраткан авторым Жюльетта Бенцониның «Марианна»сының алты томын өстәлемә алып кайтып куйдым. Янәсе, укып, бераз онытылып торырмын. Аннары бассейнга йөрермен. Күптән вакыт таба алмый йөри идем. Әллә Скандинавия таягына күчәргәме? О-о, юк, мин болай да – таяксыз да бик шәп йөгерәм. Монысы булмас. Аннары... Ел саен бара торган җиремә – Төркиягә барып кайтырмын, дип уйлап куйдым да, шундук бу уемнан кире кайттым. Юк инде, дускаем, күп йөрдең, тагын булды, җитте сүзе. Чит илләрдә генә ул кешенең лаеклы ялгы чыгуын «вторая молодость», дип атыйлар. Чөнки алар пенсиягә акча җыеп, «мая» белән чыгалар. Ә бездә? Бездә ул башкачарак. Хәзер инде ипилек-сөтлек пенсиягә карап, моны алсам, фатирга түләргә җитәрме, даруга калырмы, табибларга сузарга калырмы, дип яшәргә сиңа. Эшләр харап, бер уйласаң. Әнә тагын торак-коммуналь чыгымнарга бәя арта, диләр. Ул елына ике мәртәбә артачак әле. Алары артыр, ә менә хезмәт хакы?! Шуңа да кесәңдә җилләр уйнаганда, әллә ни кылана алмыйсың? 

Шулай да, мондый «ваклыкларны» онытыр өчен нинди шөгыль табарга? Мин фермерлар турында язган кеше, әллә чүп-үләнгә күмелеп яткан бакчама каз-үрдәк алып җибәримме? Йөрсеннәр шунда рәхәтләнеп. Юк, миннән булмас. Карый алмам мин аларны. Теплицам бар, әллә чәчәкләр үстерим микән?! Сатар өчен, мәсәлән. Тагын икеләнә калам. Ә кем сатар аны? Күз алдына китерәсезме минем чәчәк сатарга чыгып утыруымны?  Иң яхшы киңәшне миңа апам бирә: «Булганына канәгать бул да, шөкер итеп өеңдә утыр! Оныкларыңны кара. Шул җиткән сиңа...» Пожалуй, шулай итәрмен. Хәер, алдагысын кем белә тагын? Ходай исәнлек бирсен. Безнең өчен иң мөһиме: иң кирәклесе шул бит гомер көзендә...
                                                                                    
фото: https://pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (1)
Cимвол калды:
  • 28 май 2022 - 13:08
    Без имени
    Яшь вакытта журналист булам дип хыялланып йэрдем.Шигырьлэр,мэкалэлэр язгаладым, лэкин мэктэпне бетергэч этиемнен Казанга чыгарып жибэрэсе килмэде, гэрчэ мэктэпне бик яхшы билгелэренэ генэ бетерсэм дэ. Беркая да укырга кермиче хэзерге эшемдэ менэ инде 32 ел булды эшли башлаганыма. Эшемне бик яратам.Шигырьлэр дэ язгалыйм. Бер иялэнгэн эштэн ничек китэсен инде ул Мэдинэ апа! Сезнен яратып укучыларыгыз нишлэр сез ижат итмэсэгез? Эшлэргэ, эшлэргэ эле Сезгэ!!! Ходай салэмэтлектэн аермасын, калганы бар да яхшы булачак.Мин Сезгэ ин мэхиме салэмэтлек телим, янадан яна ижат унышлары Сезгэ!!!
Хәзер укыйлар
  • Ялган никах Танышуларының беренче көнендә үк, ЗАГСка барып, язылышырга гариза биреп кайткан кыз белән егет хакында Нурсөянең моңа хәтле ишеткәне булмады. Андый хәбәр колагына чалынса да, әллә юләр инде болар, дип бармагын чигә тирәсендә борудан башка берни дә кыла алмас иде кебек. Әгәр дә ки уйламаганда-көтмәгәндә ул юләр кыз үзе булып чыкмаса!..
    8525
    0
    84
  • Әти өйләнә Әни үлгәнгә инде биш ел. Әнине югалтуны бик авыр кичерде әти. Хәтта башта минем белән сөйләшми йөрде, үз эченә бикләнде. Аны безнең янга күчергә үгетләдем, әмма ул яшәгән фатирымны калдырмыйм дип каршы килде.
    7746
    2
    75
  • Балаларына сыймаган Галия әби Сәяхәт вакытында нинди генә кешеләр күрмисең дә, нинди генә тарихлар ишетмисең – үзе бер китап язарлык. Поездда язмыш тарафыннан гомернең бер аралыгына очраткан юлдашлар бер-берләренә җаннарын бушата, шатлык-кайгыларын сөйли. Бу юлы да шулай булды...
    3778
    1
    42
  • Хыялдагы ир-ат  Үсмер чакта ук  ничек тә булса бай тормышта яшәргә кирәк дип нәтиҗә ясадым. Телевизордан күрсәткән гламур тормыш кызыктыргандыр, мөгаен. Әмма кыяфәтем бай егетләр артымнан чабып йөри торганнардан түгел иде. Гомумән, күбәләк кебек бер егеттән икенче егеткә очып йөрергә дә яратмадым. Ныклы карарга килде: укыйм да, җитәкче булырга тырышам. Ул вакытта бай ир дә кирәк булмаячак. 
    4793
    1
    40
  • Укытучым Их, вакыт дигәннәре! Ник сез шулай бик тиз агасыз соң? Азга гына булса да мәктәп елларына кайтып киләсе иде лә... Миңа инде 30 яшь, 16 яшьлек  чагым әле кичә генә кебек...  
    3635
    0
    28
Реклама
Соңгы комментарийлар
  • 27 май 2022 - 00:29
    Без имени
    Курячяк язмыш
    Инде минем чират...
  • 26 май 2022 - 20:32
    Без имени
    Укып торасым да килми, ташладым. Уз рэхэтеннэн китеп, кайнанайны курэ-ишетэ торып, ниемэ кайтырга иде? Бала карар, ашарга пешерер дип ометлэнеп? Уз тарткан картасы, тарта-тарта ашасы. Чык та кит
    Инде минем чират...
  • 27 май 2022 - 06:58
    Без имени
    Безнен, тормышлар уртак та кебек автор белан. Мин дэ иремне дэ, баламны да Ходайдан сорадым. Хэзер аллага шокер баламда туды, иремдэ бик эйбат кеше.
    Мин аны Ходайдан сорап алдым
  • 26 май 2022 - 15:03
    Без имени
    Дингэ беренче куп урлаган, карак, гонахсы зур булган кеше килэ. Улэр вакыты житкэч, исенэ тешэ, курка башлый, жавап бирэсе булса, нэрсэ дип, жавап бирермен, дип ,курка.
    Дингә кеше кайчан күбрәк килә?
  • 25 май 2022 - 22:40
    Без имени
    Сез гел балалар дип яшәгәнсез, инде үзегез өчен яшәргә вакыт. Аларның үз тормышы, вакыт узгач алар сезне аңлар дип ышанасы килә.
    Кызларым каршы булса да, кияүгә чыгаргамы?
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда