​Кендек әби кыйссасы

Кояшлы язда беренче яшел үләннәр калкып чыгу белән балтырганлы, сөтле, умачлы аш пешерәм дә Рәхилә дустымны кунакка чакырам. Искән җилдәй үткән гомерләрне искә алып сөйләшердәй сүзләр, истәлекле хатирәләр җитәрлек безнең. Чөнки без бу рәхимсез тормышта ачлык-ялангачлыкны да, сугыш чоры михнәтләрен дә татыган, күпне күргән, күпне кичергән буын вәкилләре. Илнең бүгенге тотрыксызлыгыннан күңелдә бушлык булса да, хәзерге муллыкка шөкрана итеп яшибез, тормыш кадерен беләбез. Бер-беребез белән аралашып, йомышка йөрешеп, тормышны үзебезчә ямьләндерәбез.

Дустымның да саваплы һәм изге хезмәтенең юл башы дәһшәтле сугыш елларына барып тоташа... Япь-яшь Рәхилә көнозын медпунктта эшли, авыруларның өйләренә бара, арык атлар белән, йә булмаса, җәяүләп район үзәгенә даруга йөри, профилактик чаралар үткәрә, отчетлар төзи. Көн азагына хәлдән таеп, Ык буендагы кечкенә,  тәбәнәк өенә кайта. Анда аны ян сәкедә ятучы сукыр әнисе һәм ире сугышка киткәч туган ике яшьлек кызчыгы көтә. Аларны көйләп, мендәргә башын төртергә дә өлгерми, ишек шакыйлар. Фәлән апа  бәбигә авырып киткән икән. Шәфкать туташы күзен тырнап ача да сумкасын алып,  чакырылган йортка изге вазифасын үтәргә ашыга.

Элек - электән халыкта шундый гыйбарә йөри. Кендек әбисе бусаганы атлап кергәндә, аңа хөрмәт йөзеннән йортның матчасына кадәр сыгылып сәлам бирә, имеш. Изге эш башкара бит ул, дөньяга киләчәк сабыйга ярдәм итә. Бу мизгелләрдә тулгак газапларын кичерүче ана зур өметләр белән шәфкать туташының күзенә карый. Бәбине исән-сау кулга алгач, юындыра да бәхет-тәүфыйк теләп әнисе янына сала кендек әби. Мондый бәхетле минутларны Рәхиләгә үз гомерендә бик күп кичерергә туры килгән.

Әнисенең дәвамчысы булган кызы Лениза да менә 30 елдан артык инде авыл халкына медицина хезмәте күрсәтә. Аны бездә карты-яше хөрмәт итә. Хезмәттәше Дилбәр Нәбиуллина белән бик килешеп, киңәшләшеп эшлиләр алар.

Өлкән яшьтәге Рәхилә исә механизатор кияве Фәрит, кызы Лениза тәрбиясендә бәхетле картлык кичерә. Тормышлары мул, җитеш. Рәхилә башта оныкларын үстерешсә, хәзер оныкларының балаларын сөя, йортта аларга күз-колак булып тора, тавык-чебеш карый, тәмле ашлар пешерә. Авыл халкы да онытмый аны, күренми торса, килеп хәлен беләләр. Шулай булмый ни, авылда кендек әбисеннән дә саваплырак кем бар тагын?!

Тәкыя ШӘРИПОВА.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 22 гыйнвар 2021 - 15:40
    Без имени
    Бик яхшы мәкалә. Рәхәт укырга да. аңлашылып тора. Бу язманың журналисты дини белем алган кеше икәнлеге күренеп тора. аңа рәхмәт.
    Адашкан хатын-кызны туры юлга кертү өчен... бер сүз җитә
  • 22 гыйнвар 2021 - 15:43
    Без имени
    Бик дөрес язылган сүзләр. Бигрәк тә акчага кагылышлы урыннары. Хәзер байны гына яраталар, аның белән генә аралашалар. Хәерчерәк булсаң син кем дияргә күп сорамаслар.
    Менә бу 10 әйбер турында туганнарга сөйләргә кирәкми
  • 22 гыйнвар 2021 - 16:10
    Без имени
    Кеше (зур кеше) кайгыларын үзе җиңеп чыгарга тиеш...балаларын шул кайгыларга батырмыйча
    Кемгә тидек, кемне рәнҗеттек без…
  • 22 гыйнвар 2021 - 19:15
    Без имени
    Бала сезнен жаваплылыкта, ничек ул отдельно торсын ди? Бу проблеманы алдан ук хэл итэргэ кирэк, сонрак ул кеше бала белэн торырга телэмэсэ, нишлэрсез? Катгый торырга кирэк. Э инде риза булмаса, нигэ ана кияугэ чыгарга?
    Булачак иремә мин кирәк, улым кирәкми
  • 22 гыйнвар 2021 - 19:20
    Без имени
    Бездэ хатын-кыз бигрэк харап скромный инде. Эллэ нинди хатыннар, ике-оч балалы, гулящийларны да кияугэ ала ирлэр, беркем бер суз эйтми. Сез узегез гаепле, эйттермэскэ, мыскыл иттермэскэ иде алдан ук. Кайвакыт, виноват кыяфэттэ тузеп торсан, эйттерсэн, телэсэ нэрсэ дэ эйтэлэр инде. Димэк, позволять иткэнсез. Хэзер ни дияргэ инде?...
    Ирем гомер буе, «кыз түгел идең», диде
Реклама
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...