ИРКУТСКИДАН ШАЛТЫРАТТЫЛАР. САГЫНЫП...

 

Бер көнне мине сорап редакциягә шалтыраттылар. Кырысрак тавышлы (миңа никтер шулай тоелды) ир кеше:

– Сез Эльмира Закировамы? – дип сорый.

Чынлап та мин икәнемә ышангач:

– Сез Байсар авылыннан түгелме? – дип кызыксына.

– Әйе, Байсарныкы,– дим сагаеп.

– Роза апа түгелме әниегез?

– Әйе, мин аның кызы. Ул инде вафат...

Мин инде аптырау хәлендә. Ни уйларга да белмим. Кара, төпченепме төпченә!

– Шулай икән шул... Сеңлем...

Абыйның тавышы калтырап чыга. Кая ди ул теге кырыслык!

– ...Сеңлем... Мин Равил Баһманов дигән кеше булам. Иркутскидан шалтыратам. Без күптән инде «Сөембикә»не алдырабыз. Туган як сәламен алып килә ул... Кадерле бер кешебез кебек журнал... – Абый яшьләрен йотып сөйли кебек тоелды. – Сез язганнарны укып барабыз. Сөн буйлары, Байсар, Чишмәбашлар турында... Үзем дә Чишмәбашныкы бит! Сез Лилли Промет турында да яздыгыз инде... Байсар мәктәбендә Роза апа – әниегез – немец теленнән укытты безне.

Байсардан Сөн генә аерып торучы бер урамлы Чишмәбаш күз алдына килеп баса.

– 1950 елда тәмамладык без мәктәпне. Роза апа белән соңгы сөйләшү бүгенгедәй күз алдында. Бик җайлы, ягымлы укытучы иде... Ул тырышып укырга куша, ә мин: «Апа, шул немецләр белән сугышта әти үлеп калды, юк, кирәкми миңа ул тел», – дип киреләнәм. И җүләр чак!..

Равил абый үкенгән дә, гафу үтенгән дә кебек.

– Сеңлем, күбрәк языгыз әле безнең яклар турында! Читтә алар һава кебек, су кебек кирәк икән! Бик сагындыра... Еш кайтып та булмый. Зеленогорск дигән шәһәрдә яшибез без. Хатыным да Татарстанныкы, Алабуга районыннан. Кайбер язмалар ахырында, тулысы белән сайттан укыгыз, дип куясыз. Без өлкән яшьтә инде, компьютерыбыз да юк. Ә журналны сүзен-сүзгә укып барабыз...

...Бу сөйләшү турында озак уйландым. Сагыну да, туган тел кадере дә, «Сөембикә»гә рәхмәтләр дә сыйган иде шушы 5 минутлык аралашуга.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    8620
    10
    103
  • Егетемне кыйнадым – Ышанмыйсызмы? Чынлап әйтәм! Ул бу хакта хәтта полициягә хәбәр иткән.
    8886
    2
    71
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    8715
    8
    68
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4338
    4
    49
Реклама
Соңгы комментарийлар
  • 23 июль 2021 - 18:22
    Без имени
    Мене шулай кысылып купме бала бехетсез шул.Узебезнен баштан утте
    Кемнәрдән бәйләтим яраны?
  • 25 июль 2021 - 19:20
    Без имени
    Ай, рәхмәт яугырлары!!!!! бик тә нык сөендем бала өчен! Нянечкага рәхмәт!!! Йөрәкләренә, бәгырьләренә үтә торган итеп аңлатып әйтә белгәне өчен! Аллаһы Тәгалә аның аша, ир белән хатынга туры юл күрсәткән, гомерлек үкенечкә юл куймаган.
    Өч кенә көнгә...
  • 24 июль 2021 - 15:57
    Без имени
    Уф.... Йорэккэемне....
    Өч кенә көнгә...
  • 26 июль 2021 - 14:07
    Без имени
    Нәкъ шулай . Тик партнер бер генә булырга тиеш , югыйсә , хатын - кыз үзенең тәнендәге җепселләрен башкаларга таратып , үзе авыру булып калачак .
    ​Назлану өчен алты медицина сәбәбе
  • 22 июль 2021 - 16:52
    Без имени
    Мондый язмаларны еламыйча укый алмыйм,чонки минем бабамда узган ул концлагерларны,9май житсэ бакча артына чыгып жылый иде, соныннан Аны оправдали, ещё орден бирделэр,Бер солдаты коткарган очен,рэхмэт Ана,онытмаган...
    Ева-Мөслимә
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан