Күңелеңә җыйма
Гаилә җимерүче
Нинди генә язмышлар юк дөньяда. Ишетәсең дә, “Шулай да була микәнни?” дип хәйраннар калып йөрисең аннары. Кешедә булган хәлләрне үз тормышыңда да килеп чыгар дип уйлап та карамыйсың.
Ирем белән яратышып өйләнештек. Кызыбыз, улыбыз туды. 25 ел бергә гомер кичердек. Тату яшәдек, дип әйтмәс идем. Иремнең читкә йөрергә яратканын да белдем, читләр яныннан кайткалаганын да сизгәләдем. Тик берсен дә тышка чыгарырга тырышмадым. Күршеләр, әти-әниләр безне үрнәк гаилә дип беләләр иде. Хәзер дә шулай. Күршеләрне сөендерәсе, әти-әниләрне борчуга саласы килми.
Ирем җитәкче урында эшли, тормышыбыз җитеш. Көннәрдән бер көнне мин ирле хатында иремнең җиде айлык баласы барын белдем. Әйткәч, ирем бөтенесен дә кире какты, миңа нинди генә оятсыз сүзләр әйтеп бетермәде. Ә Регина көн саен иремнең кесә телефонына шылтырата, нәрсәдер таләп итә. Иремнең бу хатын белән яшь аралары егерме ел. Регина безнең кызыбыздан бишь яшькә генә зур. Регинаның ире белән дә сөйләшеп карадым, файдасы булмады. Руслан (ире) миннән дәлилләр таләп итте, хатынын бик яратуын әйтте, гаиләсен җимерүгә бармаячагын белдерде.
Мин ике ут арасында. Әйтегез, зинһар: күпме шулай яшәп була? Күрәзәчеләргә кадәр барып беттем, кыланмаган нәрсә калмады. Бүгеннән тотып аерылыр идем, балаларга сиздерәсе килми. Аларның алдагы тормышка, мәхәббәт дигән олы хискә ышанычларын югалтасы килми.
Ирем соңгы вакытта үз эченә йомылды, барысын да уртага салып сөйләшергә көче җитми. Утыз елга якын бер гаилә булып яшәгән кешем миңа, балаларга, туганнарга шушындый авыр газаплар китерер дип кем уйлаган. Тормыштан тәмам гайрәтем чикте, мәхәббәткә ышанычым бетте. Кайбер чакта: “Ник яшим соң мин бу дөньяда?” — дип куям. Әле бит әти-әниләрне соңгы юлга озатасы (аларга безне озатырга язмасын!), балаларымны башлы-күзле итәсе бар.
Минем берәүдән дә киңәш сорап язуым түгел. Кешегә киңәш бирү җиңел ул. Ә үзең шундый хәлгә калсаң, икенче төрле уйлый башлыйсың.
Ә минем күз яшьләрем, рәнҗешләрем мине рәнҗетүчеләргә төшми калмас. Ирем дә, бәлки, соңлап булса да, үзенең кылган гамәлләренә бәя бирер, акылына килер?!
Следите за самым важным и интересным в Telegram-каналеТатмедиа
Гөлия. Түбән Кама шәһәре,
Комментарийлар
0
0
Голия. Мондый хэллэрдэн чыгу юлын хэркем узе хэл итэ . Мин Сезне бик анлыйм. Ашыкмагыз. Уйлап эшлэгез кыласы гамэллэрегезне.
0
0
0
0
Шундый бер хэл булган иде минем белэн студент елларында.Эшлэп укый идем.Беркон кич житэкчем мина тиз арада эш буенча бер абзыйга (фэкать эш буенча!)шалтыратырга кушты.Шулай ук житэкче абзый кэрэзле телефонын алмыйча йодэтте, 10 тапкыр шалтыратканмындыр мин ана,сон гына телефонын алгач,мэсьэлэлэр хэл ителгэч кенэ шалтыратудан туктадым.Оныттым да инде бу турыда.Берконне мина ниндидер номердан бер хатын шалтырата, утерэм дип кычкыра, яный , син иремнен сояркэсе ди.Минем номерны кургэндер инде.Мин сине барыбер табам дип акырды да,елады да.Анлатып карадым, мина сезнен ирегез дэ,узегез дэ кирэкми дип,кая андааа. ...уз туксаны туксан. Тонлэ шалтырата башлады,иртэнге 4-5 лэрдэ.Сояркэсе булгандыр да бэлки иренен, лэкин бу хатын аны мин дип бик ялгыша иде.Аптырагач, егетемэ бирдем берсендэ телефонны, ул сойлэшеп карады, шалтыратмагыз бутэн монда дип.Файдасы булмады,номерымны алмаштырдым,шунсыз булмады тынычланып, иремне бир дип елый иде.Эйтэсе килгэн сузем шул,сез дэ башта тынычланыгыз эле,бэлки шиклэнгэн кешелэрегез ул тугелдер,бэлки,ботенлэй фантазия нэтижэсе генэ тугелме....
0
0
0
0
Буласы булган укасы унган инде.Сабыр тобе сары алтын.Ходай эжерен бирер.хэзер мондый хэллэр адым саен.Акыллы хэм сабыр булырга язсын Голия
0
0
0
0
ирегез бн анлашыгыз,тыныч кына,истерикага бирелмичэ.Кэчле хатын булып калыгыз,ничек кенэ яратсагыз да.Ир-атнын психологиясе бутэнчэрэк.Психотерапевт Михаил Литвакнын язмаларын укыгыз эле,бик акыллы фикерлэр бэян итэ.Икегез дэ уз уегызга чумып,бер фикергэ килэ алмассыз...э гомер дигэнен аккан судай,бик тиз утэ....
0
0
0
0
Бик тә авыр тормышта яшисез.Мин үзем дә шундыйрак хәлдә яшим. Чит гаиләдә баласы гына юк, дип беләм... Ә бәлки бардыр ... Чөнки беркайчан да, акча алып кайтып бирмәде. Иртә таңнан чыгып китә , төнлә генә кайтып, артын куеп ята... Ник яшәдем микән? Башта әнине утка саласы килмәде. Балалар кечкенә иде. Шулай, мин дә көне-төне еладым, яшиселәр килми иде... Һаман шулай этле-мәчеле яшәп ятабыз.... Төзәлә торган яра түгел... Бик үкенәм, яшьтән аерылышмаганга....
0
0