ФӘҺИМӘ АПА, ХУШЫГЫЗ...


Кичә кич авыр хәбәр килеп иреште. Күренекле тел галимәсе, университет елларындагы яраткан укытучыбыз һәм безнең 436 нчы группаның кураторы Фәһимә апа Хисамова вафат булган... Ишетү белән үк ватсаптан группадашларыма хәбәр итәргә ашыктым. Һәркайсыбыз Фәһимә апа белән бәйле истәлекләрен күз алдыннан уздырды. Моннан нәкъ 45 ел элек без аның шәкертләре булып киттек: университетның татар теле һәм әдәбияты бүлегенә1 нче курска укырга кердек. Кабул итү комиссиясендә дә Фәһимә Миргалим кызы  бар иде. Безне үз төркеменә өлешчә ул да сайлап җыйган булып чыга бит! 



Студент еллары, Кызыл Позиция урамындагы тулай торагыбызга Фәһимә апаны кунакка чакырган чаклар, бергәләп демонстрациягә чыгулар, мәктәптә педпрактика үткән көннәребез, Себергә диалектологик экспедициягә барулар, фонетикадан Фәһимә апага имтихан тапшырулар... 

Бик җайлы, йомшак, хәлгә керә белә торган апабыз иде шул ул! Еллар узгач, группа очрашуларына җыела идек. Фәһимә апа белән Нурмөхәммәт абыйны, әлбәттә инде, түр башына утыртабыз. Фәһимә апа, елмаеп, һәрберебезнең кызык гадәтләрен искә төшерә, һәркайсыбызны яратып, мактап сөйли. Соңгы очрашуыбыз 2015 елның җәендә, Динә Мөхәммәтҗанованың туган көне уңаеннан үткәрелгән мәҗлестә булды. Фотоларны Чаллыдан Наилә Мофаздалова (Гарифуллина) җибәргән әнә... 

Камәрия Җамалетдинова, шагыйрә Камәриябез кичә кич шигырь юлларын язып салган Нурлаттан. Менә ул: 

Күркәм затлар китә берәм-берәм, 

Мәңгелеккә китә күченеп... 

Игез малай тапкан Ана китә... 

Милләт җанын яңа яра өтә... 

Шулай сүнеп бара кешелек. 

Без аларның яхшылыгын күргән, 

Яктылыгын тойган еллар бар. 

Легендага күчкән остазларны 

Сагынып-сагынып җаннар еларлар. 

Игез уллар тапкан Ана китә, 

Үзе төсле алтын көзләрдә... 

Ни хәлләрдә икән калганнар дип, 

Мәңгелектән безне күзләргә... 

Авыр туфрагы җиңел булсын Фәһимә апаның. 

Миләүшә Уфадан язган: 

«Укып, елап ятам. Себердә (Яуштәдә) экспедициядә булганда Фәһимә апа бигрәк тә әниебез кебек кайгырткан иде. Минем диплом да шунда җыеп кайткан материал буенча булды. Кудряш (группабыз Роза Кудряшова турында сүз – Э. З.) Том елгасын күптән түгел искә алган иде. Фәһимә апа, иң яхшы остазыбыз булып күңелләрдә сакланырсыз!!!» 



Фирдәүсә Кәримова, Кадрия Хөснимәрдәнова, Роза Хәйдәрова, Рәйханә Мирсәяпова, Роза Мифтахова (Кудряшова), Әлфия Закироваларның Фәһимә апаны сагынып язган сүзләре төн буе да, иртән иртүк тә өзелеп тормады. 

 Якты, җылы, әниләрдәй кайгыртучан якын кешебез булып мәңге йөрәкләрдә сакланырсыз, Фәһимә апа! Хушыгыз!!!       

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9211
    10
    113
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9262
    8
    77
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4998
    4
    58
  • Көтеп алынган бәхет Әллә күзенә күренәме, сискәнеп китте Гөлгенә. Каршысында пәйда булган Гамилне күргәч, ни уйларга да белмәде, чөнки бу  очрашу көтмәгәндә, кинәт булды. Унсигез еллап гомер үтсә дә, шундук  таныды  аны: шул ук озын буй, киң җилкә, серле караш, тик куе кара чәчләренең чигә тирәләренә ак бәс яткан. Күзләрендә ниндидер сагышмы, назмы...
    3466
    0
    37
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6216
    2
    26
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан