Бу вакытлы гына аерылудыр...

Үз ярын, бердәнберем дигәнен эзләп тапкан кеше беркайчан да аерылу турында уйламыйдыр. Үзенең бәхетенә коенып, канатланып яши ул. Әле йөрәктә кабынганчы ук, күңелне алгысытып, кымырҗытып торган сихри хис бит ул мәхәббәт. Син аны көтәсең, көтәсең... ә ул көтмәгәндә кабына да куя икән.
Минем белән дә нәкъ шулай булды. Кинәт әкрен генә, тыныч кына үз агымы белән барган тормышымның асты өскә килде. Юк, алай түгел, тормышымның салмак агышы язгы ташкынга әйләнде. Мәхәббәт ялкынына уралып, аның эчендә янганда аңладым: минем моңа кадәрге тормышым нинди күңелсез булган икән. Аңладым, яратканда гына син чынлап та яшисең. Үзең өчен генә түгел, ә көннәреңне, хисләреңне кемгәдер багышлап. Бәхет түгелмени шул? Тик бу бәхетне, мәхәббәт бәхетен сакларга, саклый белергә дә кирәк икән. Дөнья каршылыклардан тора бит. Табышулар янәшәсендә югалтулар, кавышулар янәшәсендә аерылышулар...
Аерылу кечкенә мәхәббәтне сүндерә, зур мәхәббәтне дөрләтеп җибәрә, диләр. Без аерылдык... Тик мин сүнмәдем, юк, юк, сүнмәдем! Мин тагын да көчлерәк янам. Тик бу яну сагыш белән тулы. И-и-х, алып атасы иде шуны күкрәктән, җаннан тамырлары белән. Күп вакыт үтте бит инде, ник гел көям, ник тыныч кына яшәргә бирми бу хис миңа? Нигә һаман да күңелемнән бергә булган вакытларга кайтам. Бар иде бит күңелле чаклар... Безнең беренче очрашуыбыз кинолардагыча булмады: без бер мәктәптә укыдык. Тик мин аны ничектер күрмичә йөри идем, ә ул миңа күптән игътибар иткән булган. Минем уйлавымча, ничек инде мин, 11 нче сыйныф укучысы, үземнән бер яшькә кечерәк егет белән очрашыйм, ди. Ләкин барыбер ул үзенекен итте: горурлыгымны онытып мин аңа гашыйк булдым. Әлбәттә, мин моны баштарак яшерергә, күрсәтмәскә тырыштым. Яшереп буламыни ул мәхәббәт дигән хисне! Тәнәфесне ничек якынайтырга белмим, кыңгырау шылтырагач, шунда ук аның янына йөгерәм. Кызык инде, ә үзем аны күрүгә, күрмәмешкә салышып, иптәш кызларым белән бергә китеп барам. Менә сиңа зур кыз диген!.. Инде шулай йөри-йөри, азаплана-азаплана, без очрашыр өчен юллар таптык.
Кире кайтарасы иде шул көннәрне, яртысын булса да. Гадәттә, кайчандыр очрашып, ташлашкан кешеләр бер-берсен нинди генә сүзләр белән кимсетмиләр. Аңламыйм. Юк, минем аңа карата бернинди ачуым да юк шикелле. Ул мине гел яратты, ә бәлки хәзер дә яратадыр... Туктале, ник аерылыштык соң без, безнең бит барысы да әйбәт иде, без бит бер-беребезне бик ярата идек. Әллә инде соңгы ачуланышканда, катырак әйтеп җибәрелгәнме, бәлки, гаепләү сүзләре әйтергә кирәк булмагандыр? Бәлки, без хәзер дә бергә булыр идек... Юк, юк, куарга кирәк бу уйларны, ник мин генә уйланырга, газапланырга тиеш. Әгәр мин аңа кирәк булсам, күптән килеп җитәр иде. Нинди көн булды соң әле бу, әллә нәрсәләр искә төшә?.. Мин университеттан кайтканда, ул мине гел тукталышта каршы ала иде. Бервакыт шулай автобуска утырганда күптән күрмәгән иптәш кызымны очраттым да сөйләшеп китеп, мин туры өйгә кайтмадым,бергәләшеп Бауман урамы буенча кайттык. Мин Аңа шылтыратып, бүген соңрак кайтуым турында хәбәр иттем, юкка көтеп тормаска куштым. Ничә сәгать йөргәнбездер, анысын белмим, тик мин кайтканда кич җиткән иде инде. Кайттым да иң беренче Аңа шылтыраттым. Шылтыраттым, ә ул өйдә юк. Ничек инде, сәгать унынчы, ә ул һаман да юк. Әниләренә мине каршы алырга китәм дип әйткән. Ул бит барысын да белә иде, димәк ялганлаган!! И-и-и, шул вакыт ачуымның килүләре! Берзаман телефон шылтырый. Аның дусты: “Син өйдәмени? Ул бит сине инде өч сәгать тукталышта көтеп тора!” — ди. Бер тукталышка алдан төшкән идем шул, аймыл булганбыз. ул көнне иртән чак кына үпкәләшкән идек, гафу үтенер өчен мине көтәргә булган. И- и, жәлләгәннәрем үзен шул вакыт! Минем яныма килгәндә, ул бер сүз әйтерлек хәлдә түгел иде, кышкы суык җелегенә төшкән. Ничек гафу итмисең инде?!
Ә хәзер бергә йөргән юллардан үтмәскә, яңа юллар табарга тырышам. Матур- матур парларны күрсәм, йөрәк әле дә чем-чем итеп куя. Ә Ул, Ул ничек икән? Ул да шулай газаплана микән? Әллә инде берәр яңа мәхәббәт тапкан микән? Кичә генә үзен мәктәптәге бер кыз белән күрдем... борылып та карамады ...Имеш, белми мине. Юк ла инде, булмас, ышанмыйм, Ул мине әле дә яратадыр. Минем кебек үк, төннәрен тәрәзәгә карап, уйланып, йокламыйча үткәрәдер. Белмимме соң?!. Тик аңа горурлыгы комачаулый, шуның өчен без бергә түгел. Миндә дә бар ул горурлык! Барыбер беренче сүз башламыйм. Мин бит гаепле түгел һәм, гомумән, мин кыз кеше! Беренче адымнарны күп ясадым инде, хәзер — аның чираты. Бер, ике ел үтсен, ярата икән, киләчәк. Булды, бу минуттан аның турында уйламаска үземә сүз бирәм!
Карале, ишек шакыйлар, кем инде ул кирәк-кирәкмәскә шулай соңлап йөри? Хәзер, ачыйм инде, аннан язып бетерермен...

Р. S. Бу язмадагы халәтем хатирә булып калыр, бәлки, киләчәктә елмаеп кына искә төшерер бер вакыйга булыр. Ә хәзергә мин янә яңа халәттә — беренче аерылышудан соң дуслашу халәтендә.

Айгөл ӘХМӘТГАЛИЕВА

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Реклама
Хәзер укыйлар
  • «Таккан белән теккән кебек без...» – Кайнана белән ничек торасың син? Минем сыман гомер буе бием белән яшәгән, башкалар кайнаналарын сөйләгәндә сүзгә кушылмаган кешегә бу сорауны бик еш бирәләр. Җавабым гел бер була минем: – И-и, рәхәт бит аның белән! – дим. Чын күңелдән әйтәм! Бер риясыз...
    4327
    10
    113
  • Гомерем усал кайнана, исерек ир белән үтте 8   Рәфис тә, кайнатам да туасы баланың малай булуын  бик тели иделәр.  Ирем: «Малай тусын, Алладан сорап дога кыл әле», – дип, авылдагы сукыр Фәния карчыкка сәдака да илтеп бирде. Ул заманда туасы баланың кызмы, малаймы икәнен алдан белеп булмый иде шул...
    12762
    2
    90
  • «Ирең яратсын дисәң, кайнанаңны ярат» – Бу – төп нигез. Ишле гаилә! Эшле гаилә! Монда килгән-киткән кеше дә бик күп булыр. Ә син шушы йортның хуҗабикәсе булырсың! Әнинең – кайнанамның туйда әйткән бу сүзләре бүгенгедәй колагымда яңгырап тора. Ул көнне ишеткән теләкләрнең бик күбесе күптән онытылды, ә әнинекеләрне гомерлеккә хәтерләп калганмын. Матур тормышның башы шушы сүздән үк башлангандыр.
    2689
    9
    87
  •  Гомерем усал кайнана, исерек ир белән үтте 10  Мин, иремне уятмаска тырышып, куенымда мыш-мыш килеп йоклаган баламны саклык белән агач караватка китереп салдым. Өстемдәге пальтомның төймәләрен чишеп, чөйгә өлдем. Урамда апрель башы булуга карамастан бик суык иде шул, кар да эреп бетмәгән. Салкын төндә печән өстендә баламны кысып кочаклаган килеш төн кундым бит.
    13334
    4
    73
  • Гомерем усал кайнана, исерек ир белән үтте 11 Көн артыннан көн, ай артыннан ай узды. Икенче балама көмәнле вакытымда без, кайнана белән кайната яшәгән йорттан башка чыгып, үз йортыбыз белән яши башлаган идек...
    10666
    13
    73
Реклама
Соңгы комментарийлар
  • 29 сентябрь 2022 - 14:49
    Без имени
    Очень жизненно интересная история!👏👏👏
    Үз кызы итеп кабул итте
  • 29 сентябрь 2022 - 13:17
    Без имени
    Искиткеч шагыйрэ!
    Лена Шагыйрьҗан шигырьләре
  • 29 сентябрь 2022 - 20:53
    Без имени
    ФӘгыйләүүүүү, сез кая?) дәвамын көтәбез бит, һаман язмыйсыз. Языгыз инде, тизрәк укыйсы килә биииииит!!!!😻
    Гомерем усал кайнана, исерек ир белән үтте 11
  • 28 сентябрь 2022 - 08:57
    Без имени
    Эчә инде ул,туктамый хәзер.Алма агачыннан ерак төшми шул.Ераграк тәгәрәгәне бик сирәк аның.Бер ни эшли дә алмыйсыз,кызганыч.Ә кызыгыз,нәрсә булса да булыр инде диеп,буйсынган тормышы белән....
    Бүре баласын бүреккә салсаң да...
  • 27 сентябрь 2022 - 18:49
    Без имени
    Кияугэ чыкканда баласы бар икэнен белмэдегез мени? Ул беренче хатыны хэм баласы янына кире китэргэ дэ момкин, беренче хатын Аллахтан
    Баладан көнләшәм
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда