Алтынбашлар – артык кашыклар

Гомеремдә беренче мәртәбә педикюр ясатырга кереп утырдым. Акча жәлләгәннән түгел, кемнедер үземә хезмәт иттерүдән оялганнан. Бу юлы да кермәс идем, очлы кайчы белән, күрер күрмәс азапланып, бармакларымны җәрәхәтләп бетерүдән арыдым. Әйдә, бер кыланып карыйм инде.

Күк төсендәге жакет-чалбар кигән кызыкай   кәнәфине минем буй-сынга җайлап утыртып куйгач, кергәнемә сөендем тагын. Ләгәнгә сабынлы җылы суын салды, тырнакларымны игәде, кырды, кисте, шомартты, майлады. Буярга да уйлаган иде –  анысыннан баш тарттым. Болай да бик әйбәт булды ич инде!

Шулай иркәләнеп утырганда җайлап кына сораштырам. Чибәркәй (чыннан да бик чибәр!) җиренә җиткереп татарча сөйләшә. Шуңа күрә әңгәмәбез дә җайлы агыла. Мин аннан бу һөнәргә кайда укуы хакында сораштырам. Хәзер  сервис нечкәлекләренә, визажист  зәвыгына өйрәтә торган махсус көллиятләр дә бар бит. Шуларның берәрсен тәмамлагандыр инде авылдан килеп, дип фаразлыйм. Кызга шуларның бер-икесен атап та карадым. Ә ул елмая гына. Аннары «җиңеннән» уен тузын тартып чыгарды: «Аспирантурада укыйм мин! – Алай икән! – Химия-технология университетының ...факультетын тәмамладым.»

Электроника белән бәйле инструментлар иҗат итүгә бәйлерәк өлкә дип аңладым.

Татар авылыннан, татар мәктәбеннән килеп, дәрәҗәле факультетка укырга керә алуына гаҗәпләнергә өлгермәдем, ул (исемен әйтмим) мине БДИ ын югары балларга тапшыруын һәм бернинди репетиторлар ярдәменә мөрәҗәгать итмәвен әйтеп  сокландырды. «Югары баллга ирешүнең бер ние дә юк аның. Нибары өй эшләрен көн дә әзерләп барырга гына кирәк. Энем дә шулай укыды. Ул да Авиация институтына керә алды. Мин бакалавриатны да, магистратураны да бик яхшы билгеләре белән, югары стипендия алып укып, хәтта президент стипендиаты да булып  тәмамладым. Энем дә шулай укып бара».

Педикюр салонында эшләве фатир өчен түләргә акча эшләргә кирәк булганнан икән. Шундый яхшы әзерлекле, сирәк белгечлек иясе диплом алганның соңында  укыгандагы стипендиясеннән  (25 мең иде диде) яхшырак түләнә торган эш таба алмаган. Югыйсә, АКШ та яки Канадада булса, аны меңкуллап күтәреп алырлар иде бит, дип уйлыйм. Бәлкем әле, фатир мәсьәләсен дә хәл итеп бирерләр иде.  Әнә, БДИ ны 100әр баллга ташырган Бөгелмә кызын, Самарага укырга киткәнен белгәч, Казанга кайтырга кыстадылар кыставын. Ә менә укып бетергәч, ул алтынбашлы кыз да эш таба алмый йөдәп йөрмәс микән? Яшьлеге, иҗат дәрте чәчрәп торган садә авыл баласының, алтын башлы баланың, тырыш баланың тормышта ничек урнашырга белми аптыравы өчен кемгә ачу белдерергә, мондый ваемсызлык өчен җавапны кемнән таләп итәргә соң? Эшләр бу рәвешле барганда киләчәктә татар фамилияле мәшһүрләр белән мактана  алырбызмы без. Кайчандыр Пушкин да бит «Россиянең үз Ньютоннары булырмы?» дип борчылган булган. Нәрсә югары фәнгә керә алу өчен бүтән кавем кешесенә әйләнү (өйләнү, кияүгә чыгу) зарурмы? Юктыр ла, иң мөһиме – алдан ук үтемле фамилия йөрткән гаиләдә туу, кемнеңдер баласы, оныгы, пләмәше булу шарттыр. Ә бу кызның ата-анасы колхозчылар. Анысы, җебегән кызга охшамаган ул. Берәр әмәлен табар. Тик кайчан?

Әлеге туташны якты дөньяда балкытырга теләгән берәр милләтпәрвәр табылса, педикюр салонында гомерен әрәм итүче кызның  координатлары редакциядә бар.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    6298
    3
    51
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    6266
    4
    50
  • Сабырлык чиге 2  Шулай итеп, Сәрия туташ никахлы ире кочагында бер төн генә ләззәтләнеп калган. Нәрсә генә булмасын, авылда «кияүгә чыккан» дигән хәбәр таралган бит...
    8531
    0
    36
  • Ике килен-килендәш Ярты ел очрашып йөргәч, өйләнештеләр Алия белән. Барыбыз да куандык, сөендек. Ләкин гаиләбездә яңа килен барлыкка килгәч, минем кадерем бетте...
    7059
    9
    33
Реклама
Соңгы комментарийлар
  • 7 февраль 2023 - 10:21
    Без имени
    Бик зур рэхмэт сезгэ, эйбэтлэп анлаткансыз. Хэзер сезнен рецепт буенча камыр куям эле.
    Төче камыр рецепты
  • 7 февраль 2023 - 06:25
    Без имени
    Карыйсы килэ башлады инде. Бу эсэрне укыганым бар иде.
    Бала бишеге тибрәнүендә  – чиркәү чаңы
  • 3 февраль 2023 - 09:19
    Без имени
    Рушания ханымның сәләтенә, булдыклы, уңган булган ханым булганына шаккатып, исем китеп укыдым.Була бит шундый бар яктан да килгән кешеләр, сөбханАллаһ, күз тимәсен 🤲🤲🤲Сәламәтлек, озын гомер телим аңа!
    Үләнче
  • 4 февраль 2023 - 13:37
    Без имени
    Гомер ничек яшэлсэ дэ утэ.Ярый анлаган ирен,э анламаганнар анламый ул.Яшэгэн саен чарасыз тузеп яшэгэн хатынкыз азмы доньяда.Сабыр тобе Сары алтын дисэлэр дэ сэлэмэтлек бик кирэк нэрсэ.Аллакаебыз яшьлектэ хэр балага тэуфикь, сабырлык хэм уз башына акыл бирсен.Сэлэмэтлектэ булып яшик
    Сабырлык чиге 5    
  • 3 февраль 2023 - 09:42
    Без имени
    Ие ие, бау белэн бэйлэп сойрэп яткыралар ди. Шул йоремсэк ирлэрне яклап утырмагыз инде
    «Йөремсәк» хатын
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр