Язга керүбез!

Салкын кыш узып та китте! Киемне җиңелгә алыштырып, башлыкларны салып ташлыйсы килә! Язга матур булып керер өчен, безнең киңәшләрне истә тотып, D витамины һәм җиләк-җимеш җитмәгәнлектән сулган, тоныкланган тире, чәчләрне тәртипкә китерик.
 

Яз көне чибәрләнергә телим! Тирене агартыйм әле — пилинг ясатыйм. Кайда монда матурлык салоны?!

 

Язын-җәен пилинг тирегезгә зыян гына салачак, чөнки әлеге чарадан соң тире кояш нурларының тискәре йогынтысына бирешүчән була. Пигмент таплар, киресенчә, күбәергә мөмкин! Кемдер лимон, куян тубыгы (пастернак), петрушка маскалары белән агарта тирене. Әмма әлеге маскаларны фәкать кыш һәм көз көне генә ясарга ярый.

 

Урамдагы җилне кара син!

Яз димәссең!

Тизрәк юынып җылынырга кирәк.

 

Өйгә кайтуга ук битне юарга ашыкмагыз! Сәгать ярымнан, ике сәгатьтән соң гына — тире температура алмашуга күнеккәч кенә юыныгыз. Урамга чыгар алдыннан да, аеруча салкын җил искәндә, йөзегезгә су тидермәвегез яхшы.

 

Бит тиресен тәрбиялибез

Ультрафиолет нурлар тирене картайтканга күрә, мондый нурларны үткәрми торган кремнар кулланырга киңәш итәбез.

 

Сипкелләр чыкмасын өчен

Көн саен сыгылган һәм бераз шикәр комы сибелгән ярты стакан кәбестә согы эчегез. Йә булмаса, иртән һәм кичен ач карынга 2-3 аш кашыгы тозлы кәбестә ашап куегыз.
 

Коры тире

Язгы кояш нурларында болай да юка, коры тиредә җыерчыклар тагын да ныграк күренә башлый. Кызарган, купшакланган, ялкынсынган тирене дәвалыйк.

 

Маска

Бер чәй кашыгы майонез, икешәр чәй кашыгы уылган чи чөгендер һәм кәбестә, 1,5 аш кашыгы тукландыручы крем яки куе балны (вак кызыл кан тамырлары күренеп торган биткә бал сыларга ярамый) катнаштырып,

10 минутка битегезгә сөртегез. Җылы су яки сөт белән юып төшерегез.

 

Майлы тире

Кыш көне майлы тире яхшы саклана, әмма яз җитүгә майлы тире ялкынсына, аңа бетчәләр чыга. Шуның өчен чистартучы чараларга басым ясагыз.

 

Маска

2-3 аш кашыгы кефирны бер аш кашыгы он белән болгатып, сыгылган лимон суы өстәгез. Биткә маска сөртеп, 5-10 минут ятып торыгыз.

 

Тән тиресе коры булганда

Клеопатра ваннасы

Ваннага 1-1,5 л майлы сөт, 2-3 аш кашыгы бал өстәгез. Ваннадан соң салкынча су белән коеныгыз. Тирегез бәрхет сыман булачак!

 

 

Чәч очлары сынса

Чәч очын кистерегез һәм дәвалый башлагыз: югач, чәчкә бәлзәм сөртегез.

Маска

Бал, зәйтүн мае һәм йомырка агын кушып катнашма ясагыз. Чәч юганда баш тиресенә, массаж ясый-ясый, шуны сеңдерегез. Юеш чәчне тарамагыз, сөлге белән ышкымагыз!

Зәгыйфь чәчне кайнар фен белән киптерү – тагын да зуррак зыян салу дигән сүз! Яртылаш кипкән чәчне салкын фен белән – чәч тамырларыннан алып очларына таба киптерегез.

 

Тагын бер маска

Бер аш кашыгы тузганак, шалфей, бака яфрагы катнашмасын кайнар суга салып, 2 сәгать төнәтегез. Чәчне югач, шул су белән чайкагыз.

 

Чәч коелганда

Көненә йөз чәч бөртеге коелса, бу куркыныч түгел. Күбрәк икән, димәк, сезгә махсус белгеч – трихологка мөрәҗә­гать итәргә кирәк. Аңарчы өйдә дәваланып карагыз.

 

Төнәтмә

Бер кузак кызыл борычны спиртка салып, 10 көн төнәтегез. Сөзегез. Төнәтмәнең бер өлешен 1:10 нисбәттә кайнаган суга салып, атнасына ике-өч мәртәбә чәч тамырларына ышкыгыз.

 

 

Коры чәчне

Коры чәчне җимеш, минерал, май һәм витаминнар кергән шампуньнар белән юарга икрәк. Чәч тамырына әрекмән мае сөртү яхшы.

Маска

Бер аш кашыгы бал, эретелгән төссез кына, зәйтүн маен катнаштырып болгатыгыз. Шуңа бер йомырка сарысы өстәп, чәчкә сөртегез.

 

 

Майлы чәчне

Чәчне кайнар су белән юмагыз. Сезгә ак балчык кергән маска ярдәм итәр. Бәлзәмне исә чәч очларына гына тидерегез. Чәчне бераз корытыр өчен, язга чыккач, җиңелчә перманент ясый аласыз. Мелировка ясау яки буяу да майлы чәчне корытып җибәрер.

 

Маска

Бер чәй кашыгы бал белән бер чәй кашыгы алоэ согы, бер йомырка сарысы һәм бер теш уылган сарымсак катнаштырабыз. Башны юарга ярты сәгать кала, катнашманы чәчкә сөртеп, сөлге урап куегыз.

 

 

Чәч кипкәнче тарап куйыйм —

формасын алсын.

 

Юеш чәчне тарау яки үреп кую чәчнең сынучан булуына китерә! Төнгә бигуди урап кую да зыянлы. Урамга дымлы чәч белән чыгу ярамаганлыгы турында әйтеп торасы да юк.


 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    15593
    1
    85
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    5943
    3
    48
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    5755
    4
    48
  • Сабырлык чиге 2  Шулай итеп, Сәрия туташ никахлы ире кочагында бер төн генә ләззәтләнеп калган. Нәрсә генә булмасын, авылда «кияүгә чыккан» дигән хәбәр таралган бит...
    7972
    0
    35
Реклама
Соңгы комментарийлар
  • 3 февраль 2023 - 09:19
    Без имени
    Рушания ханымның сәләтенә, булдыклы, уңган булган ханым булганына шаккатып, исем китеп укыдым.Була бит шундый бар яктан да килгән кешеләр, сөбханАллаһ, күз тимәсен 🤲🤲🤲Сәламәтлек, озын гомер телим аңа!
    Үләнче
  • 4 февраль 2023 - 13:37
    Без имени
    Гомер ничек яшэлсэ дэ утэ.Ярый анлаган ирен,э анламаганнар анламый ул.Яшэгэн саен чарасыз тузеп яшэгэн хатынкыз азмы доньяда.Сабыр тобе Сары алтын дисэлэр дэ сэлэмэтлек бик кирэк нэрсэ.Аллакаебыз яшьлектэ хэр балага тэуфикь, сабырлык хэм уз башына акыл бирсен.Сэлэмэтлектэ булып яшик
    Сабырлык чиге 5    
  • 3 февраль 2023 - 09:42
    Без имени
    Ие ие, бау белэн бэйлэп сойрэп яткыралар ди. Шул йоремсэк ирлэрне яклап утырмагыз инде
    «Йөремсәк» хатын
  • 4 февраль 2023 - 13:40
    Без имени
    Бик гыйбрэтле язмыш, шулай тузеп яшэдек
    Сабырлык чиге 5    
  • 5 февраль 2023 - 15:51
    Без имени
    Мәхәббәт түгел бу, вакытлыча гына булачак бу аралашу.
     «Мин аны  сыйныфташлар очрашуыннан алып кайттым...» 
Реклама
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр