Матур булыйк

Ябыктыручы чәйләр

автор, 27 март 2015 - 00:00
579
0
0

Ябыктыручы эчемлекләр бернинди дә тылсымлы «зәмзәм сулары» түгел. Аларны диеталар белән берлектә куллансаң гына нәтиҗәле. Бу эчемлекләр аппетитны киметә, ашкайнатуны яхшырта, матдәләр алмашын тизләтә, тәндәге артык сыеклыкны чыгара – ябыктыру үзлекләре менә шуннан. Аларны өйдә дә ясап була. Өйдә ясалганы даруханәләрдән сатып алганына караганда файдалырак та әле. 

Имбирле чәй


 50-80 г имбир тамырын ваклап яки уып, өстенә 2 стакан су агызабыз һәм ут өстенә кайнарга куябыз. Кайнап чыккач, утны кысып, тагын 20 минут төнәтәбез дә, суытып, көн буена гадәти чәй шикелле эчәбез. Теләгән кеше бал яки лимон да сала ала.


Имбирле яшел чәй

Яшел чәй кара чәйгә караганда тизрәк ябыктыра. Яшел чәйне пешереп сөзәбез һәм термоска агызабыз. Шунда ук берничә кисәк имбир тамырын да салабыз. Тагын 30 минуттан имбирле чәй әзер.


Үлән чәе

Тигез күләмдә вакланган бөтнек, фенхель, тузганак тамыры һәм петрушка алабыз. Шуларга өч өлеш эт шомырты кайрысы кушып (моның өчен ике ел дәвамында киптерелгән кайры гына бара), барысын да яхшылап болгатабыз. Шушы катнашмадан 1 аш кашыгы чумырып алып, 1 стакан кайнап торган су агызабыз. 15 минуттан соң сөзеп, һәр иртәдә ач карынга 2 аш кашыгы кабып куябыз. Бу чәйне ике ай дәвамында эчәргә кирәк.


Җиләкле чәй

Кура җиләгенең яфракларын киптереп, ваклыйбыз. 1 чәй кашыгы вакланган яфрак өстенә 1 стакан кайнаган су агызып, ут өстенә куябыз. Кайнап чыккач ук сүндереп, 15-20 минут төнәтәбез. Тәм өчен чәйгә кура җиләге кушып җибәрергә дә була. Җиләкле чәй ашкайнату эшчәнлеген көйли, бу исә ябыктыра. 


Алмалы чәй

Әче алманы турап (Антоновка яки Симиренко сорты яхшы), бөртекле чәй белән бергә чәйнеккә салабыз, өстенә кайнап торган су коябыз. 5-7 минут төнәткәннән соң, әчкелтем хуш исле чәебез әзер. Бу чәй организмдагы холестеринны киметә.


Масал чәе

Имбир тамырын вак угычтан уып, 5 бармак кипкән дарчинны кечерәк кисәкләргә сындырабыз. Кайнаган 1 литр суга имбир һәм дарчинны салабыз. Тагын 1-2 минуттан 5-7 борчак кара борыч өстибез, аз гына мөшкәт чикләвеге һәм бер-ике данә канәфер кушабыз. Утны киметеп, 1,5 литр артык майлы булмаган сөт һәм 4-5 аш кашыгы кара чәй өстибез. 5-7 минуттан утны сүндереп, эчемлекне 10-15 минут төнәтәбез. Чәйне сөзеп, көн дәвамында аз-азлап эчеп бетерәбез. Бу чәй организмдагы артык майларны яндыра, матдәләр алмашын тизләтә.
 


Ябыктыручы коктейльләр

Болары да, чәйләр шикелле үк, дөрес яшәү рәвеше алып барганда гына бик нәтиҗәле. Спорт залларында шөгыльләнүчеләр аның ярдәмен аеруча яхшы күрә. Ә инде спорт залына йөрү барып чыкмый икән, бер ашауны шушы коктейльләрнең берсе белән алмаштырып була.

Майларны эретүче бу коктейльләрнең һәрберсен, ингредиентларны чиратлап өстәп, блендер ярдәмендә әзерлибез.

Сельдерей сабагы, 1 кыяр, үзегез яраткан яшел аштәмләткеч үлән (петрушка, укроп, суган кыягы, сарымсак).
1 яшел кыяр, кабыгы әрчелгән ярты лимон, 100 мл кефир, сельдерей, 1 яшел алма, 2 кәбестә яфрагы.
Ярты банан, 150 мл майсыз сөт, бер чеметем төелгән дарчин һәм ванильле шикәр.
Ярты груша, 1 киви һәм 100 г әфлисун суты.
1 өлгергән помидор, яшел аштәмләткеч үләннәр, 2-3 редиска һәм 100 мл кефир.
100 г майсыз сөт, бер уч теләсә нинди җиләк-җимеш, 50 г творог, 1 чәй кашыгы бал, ярты груша.
Бу коктейльләр ябыктырып кына калмый, организм өчен кирәкле витаминнар чыганагы булып та тора. Өстәвенә, алар әле туклыклы да.


Ябыктыручы эчемлекләр

Иң яхшы эчемлек ул, әлбәттә, чиста су. Көн саен 1,5-2 литр су эчү организмны яшь килеш сакларга булыша, тәндә тупланган кирәкмәгән сыеклыктан арындыра, ашкайнатуны тизләтә. 


Сасси эчемлеге:

1 зур лимон, бер тотам яшел бөтнек, 1 яшел кыяр, 1-2 чәй кашыгы кипкән имбир тамыры.
Бөтнекне кул белән генә ваклыйбыз, лимон белән кыярны юка телемнәргә кисәбез.
Барысын бергә кушып, 2-2,5 литр кайнамаган чишмә суы өстибез. Эчемлекне төнгә суыткычка куеп калдырабыз. Икенче көнне көн дәвамында шуны эчеп бетерергә кирәк.


Имбир эчемлеге

Бу эчемлек аппетитны киметә. Суны аз гына җылытып (кайнатасы түгел!), термоска агызабыз. Шуңа бер лимонның сутын сыгабыз, 1 чәй кашыгы уылган имбир өстибез. Теләгән кеше тәм өчен канәфер, дарчин ише тәмләткечләр дә куша ала. Эчемлекне термоста 1 сәгать төнәтеп, көн дәвамында салкын килеш эчеп бетерәбез.


Лимонад

Лимонадны ябыктыручы диетага ярдәмлек итеп тә, үзен генә аерым диета итеп тә файдаланырга була. Ягъни 1-2 көн берни дә ашамыйча лимонад кына эчеп торырга мөмкин.
Бүлмә температурасындагы саф суга уртача зурлыктагы 6-7 лимонның сутын сыгыгыз. Шуңа 60-70 г сыек бал агызып, яхшылап туглагыз һәм көн дәвамында азлап-азлап эчеп бетерегез.

Шунысын да белеп торыгыз: ябыктыручы эчемлекләр артык авырлык белән көрәшүдә бары тик ярдәмче чаралар буларак кына кулланыла. Мондый эчемлекләрне кулланыр алдыннан терапевт яки диетолог белән киңәшергә кирәк.
фото: pixabay.com

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Төркәлү
Cимвол калды:
Хәзер укыйлар
  • Күңелеңә җыйма
    Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    7783
    1
    100
  • Проза
    Үксез Хикәя
    8425
    2
    56
  • Проза
    Ялгышмам, димә  (хикәя)
    4320
    0
    55
  • Проза
    Салма суга яманлык  (хикәя)
    7903
    1
    54
  • Күңелеңә җыйма
    Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9461
    1
    54
Реклама
Соңгы комментарийлар
Реклама
Фотогалерея
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...
Барлык язмалар
© 2011 - 2020. Сөембикә. Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Сөембикә
№ свидетельства о регистрации СМИ, дата: Эл № ФС77-67913 от 6.12.2016 г.
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Маликова Лариса Николаевна
Адрес редакции: 420066, г. Казань, ул. Декабристов, д. 2
Телефон редакции: (843) 222-09-77
E-mail редакции: suumbike@tatmedia.com, ssuum@yandex.ru
Для сообщений о фактах коррупции suumbike.dir@tatmedia.com
Учредитель СМИ: АО «ТАТМЕДИА»
Политика о персональных данных
Антикоррупционная политика
Телефон АО «ТАТМЕДИА»: (843) 222 09 84
Яндекс.Метрика
16+