Тырнаклар тәртиптәме, леди?!

Өй шартларында тырнакларны тәрбияләү
Зәйтүн маена берничә тамчы лимон согы кушып җылытабыз да, шуны тырнакларга тидерәбез. Бу процедураны кич белән эшләгәндә, киҗе мамык перчаткалар киеп тору әйбәт. Җылы суга ачуташ (квасцы) һәм глицерин салып болгатабыз да, килеп чыккан катнашманы мамык кисәге белән тырнакларга тидерәбез.
Тырнак өслегенә уксус эремәсе, мүк җиләге, кара, кызыл карлыган согын сөртү дә файдалы.
1 чәй кашыгы диңгез тозын җылы суда эретәбез һәм бу суда кулларны 20-25 минут тотабыз (рәттән бер-ике атна ясарга кирәк).
Тырнаклар нык, сәламәт булсын өчен дөрес туклану мөһим. Е витамины тырнакларны тукландыра, йод үстерә, А витамины ныгыта.
Өстәлдә һәрвакыт диңгез кәбестәсе, күкәй, сөт ризыклары һәм җиләк-җимеш, яшелчә торганда, тырнаклар тәртиптә булыр.
Кемнеңдер тырнаклары нык, каты була. Ә күкерт (суганда, кәбестәдә, кыярда бар) җитмәгән очракта тырнаклар юкара.
Эт тырнагы
Эт тырнагы кайчан барлыкка килә:
* тырнак кимергәндә (стресс белән бәйле);
* төрле химик сыекчалар кулланып, резин перчатка кимичә табак-савыт, идән, өй җиһазларын юганда;
* тырнакларны даими тәрбияләп тормаганда тирек корый;
* су белән эшләгәндә;
* көннәр буе кәгазь белән эшләгәндә.
Эт тырнагын беркайчан да тешләп өзеп алырга ярамый! Аны үткен маникюр кайчысы белән кисеп алалар, ә киселгән урынны берәр төрле дезинфекцияләүче эретмә (йод һ. б.) белән эшкәртергә кирәк. Әгәр дә кулларыгызны 10-15 минут берәр май салынган суда тотсагыз, эт тырнагын кисеп алу җиңелрәк булыр.
Тырнактагы «буразна»лар
Кайвакыт тырнакларда «буразналар» — кытыршы сырлар барлыкка килә. Аркылы сырлар дөрес тукланмаганда, организмда бик күп тоз җыелганда, инфекцион авырулар белән авырганда һәм озак стресстан соң да барлыкка килә. Эш шунда ки, авырганда организм бик күп витаминнар, минераль матдәләргә кытлык кичерә.
Тырнаклардагы вертикаль сызыклар — углеводлы ризыкларны артык күп куллану, организмга В12 витамины, тимер җитмәү, ашказаны авыртуы билгесе. Шулай ук мондый сызыклар кайчы белән саксыз эш иткәндә дә барлыкка килергә мөмкин. «Буразналы» тырнакларга махсус лак, крем сөртәләр, полировка ясыйлар. «Буразналар»ны бетерү өчен, сәбәбен белеп, организмны тулаем дәваларга кирәк.
Ясалма тырнаклар
Бүген тырнакларны ясалма үстерү (наращивание) модада. Мисырда эшләүче археологлар тырнак үстерү технологияләренә юлыкканнар. Фараоннарның тырнакларын алтын, вассал хатыннарының тырнакларын көмеш белән томалый торган булганнар. Колларга бөтенләй тырнак буярга ярамаган. Егерменче гасырның илленче елларында ясалма тырнак үстерү безгә дә килеп җитә. Беренче клиентлар кинойолдызлар була. Ә тырнак үстерү материаллары булып... кинопленкалар, чәй пакетлары, пластик кулланыла. җитмешенче елларда гына бер стоматолог киңәше белән ясалма тырнак үстерү эшендә акрил кулланыла башлый. Хәзер мастерлар гель, акрил, клей-пудра кулланып, матур, озын тырнаклар ясый.
Кемдер тырнак үстерүнең зарары юк, ди, кемнәрдер киресен исбатлый. Ләкин табигый матур тырнакларга берни дә җитми инде!
Тырнак буявы турында
Лак сайлаганда кул тиресенең төсенә дә игътибар итегез: кара тәнле кешеләргә кызгылт-сары, көрән, куе-кызыл кебек җылы төсләр килешә. Ачык тәнле кешеләргә алсу, ачык төсләр сайлау отышлы.
Лак тырнакта озак саклансын өчен аны өч катлам итеп буярга кирәк: лак-нигез; төсле декоратив лак; саклагыч үтә күренмәле лак.
Тырнак буявы куермасын дисәгез, аны куллангач ук флаконны әйбәтләп ябып, кояш нурлары төшми торган урынга куярга кирәк. Хәзер яңа төр тырнак буяулары да кулланылышка кереп килә. Мәсәлән: «Пиль-офф-лак» — йомшак структуралы, пленка формасында салына торган лак; «DапсеLegend» — төнге клубларда, боулинг, казино, дискотекадагы утлар тәэсирендә төсен үзгәртә торган лак.
Тырнакны лактан арындыру өчен ацетонсыз майлы сыекча кулланырга тырышыгыз. Кулларга, тырнак кырыендагы тирегә һәрдаим дымландыргач кремнар тидереп тору бик файдалы. Бигрәк тә кыш көне!
Матурлык дисәк тә, тырнакларны гел буяп йөрергә ярамый, вакыт-вакыт аларны ял иттерергә дә кирәк.
Кулдагы тырнаклар атнага 1 мм үсә, ә аяк тырнагы — 0,25 мм, аларның үсүен төрле диеталар һәм авырулар тоткарлап торырга мөмкин.
Кайберәүләрнең тырнаклары саргаючан була. Аны сары тырнаклар синдромы дип атыйлар.
Халык медицинасы тырнаклар сары булганда, аларга лимон кабыгы сөртергә киңәш итә. Е витаминын куллану да файдалы.
Кайвакыт тырнакларның очлары яргалана, купшаклана торган була.
Бу — дым җитмәгәнлектән. Вазелин, кремнар тырнак кырыендагы тирене йомшарта, тырнакта дым саклый.
Кичтән кулга, тырнакларга вазелин сөртеп, киҗе мамык перчатка киеп йокласагыз, салкында кул тиресе дә яргаланмас, тырнаклар да сау-сәламәт булыр!
Кайбер төр дарулар кабул иткәндә, анемия булганда, калкансыман биздә үзгәрешләр булганда тырнаклар уалучан була. Тырнаклар еш сынганда дерматологка мөрәҗәгать итәргә кирәк.
Һәр икенче хатын-кыз бүген үзенең тырнакларыннан канәгать түгел.
Тырнакларны ныгыту һәм дәвалау өчен аллантоин, пантенол булган махсус катнашмалар да кулланалар.
Без көн дә кулланган табак-савыт, мебель, тәрәзә чистарткычлар тырнакны бик боза. Шуңа күрә андый эшләрне перчатка киеп башкарырга кирәк.
Маникюрны 10-14 көнгә бер тапкыр ясыйлар. Металл пилкагызны бүген үк ташлагыз! Катыргы яки резин пилка кулланыгыз.
«Кул һәм тырнаклар өчен» дип язылган махсус кремнар була. Кремны тырнакларга массаж хәрәкәтләре ясап (кан әйләнеше яхшыра), көн саен тидерергә кирәк.
Айга бер тапкыр матурлык салонына барып маникюр ясатып кайттым да, бетте түгел! Бит, кул, тешләр кебек үк тырнакларны да һәр көнне тәрбияләп торырга кирәк. Тырнакларга массажны глицерин яки балалар сабыны сөртелгән махсус йомшак щетка ярдәмендә ясыйлар.
Бүген маникюрның бик күп төрләре бар: французча, көндәлек, флирт өчен ясалган маникюр һ. б. Аларны салоннарда ясыйлар.
Тырнакларны зәвык белән матур итеп буяу сезнең фантазиядән дә тора. Тырнакларны төсле буяулар белән бизәкләү, стразалар ябыштыру, аппликация белән бизәү әле яңа популярлаша башлаган нейл-арт-маникюр дип атала.
Игътибар иттегезме, тырнакларны тәртиптә тоту әлләни күп вакыт сорамый икән бит! Бар да үзебезнең теләктән генә тора.
Зәйтүн маена берничә тамчы лимон согы кушып җылытабыз да, шуны тырнакларга тидерәбез. Бу процедураны кич белән эшләгәндә, киҗе мамык перчаткалар киеп тору әйбәт. Җылы суга ачуташ (квасцы) һәм глицерин салып болгатабыз да, килеп чыккан катнашманы мамык кисәге белән тырнакларга тидерәбез.
Тырнак өслегенә уксус эремәсе, мүк җиләге, кара, кызыл карлыган согын сөртү дә файдалы.
1 чәй кашыгы диңгез тозын җылы суда эретәбез һәм бу суда кулларны 20-25 минут тотабыз (рәттән бер-ике атна ясарга кирәк).
Тырнаклар нык, сәламәт булсын өчен дөрес туклану мөһим. Е витамины тырнакларны тукландыра, йод үстерә, А витамины ныгыта.
Өстәлдә һәрвакыт диңгез кәбестәсе, күкәй, сөт ризыклары һәм җиләк-җимеш, яшелчә торганда, тырнаклар тәртиптә булыр.
Кемнеңдер тырнаклары нык, каты була. Ә күкерт (суганда, кәбестәдә, кыярда бар) җитмәгән очракта тырнаклар юкара.
Эт тырнагы
Эт тырнагы кайчан барлыкка килә:
* тырнак кимергәндә (стресс белән бәйле);
* төрле химик сыекчалар кулланып, резин перчатка кимичә табак-савыт, идән, өй җиһазларын юганда;
* тырнакларны даими тәрбияләп тормаганда тирек корый;
* су белән эшләгәндә;
* көннәр буе кәгазь белән эшләгәндә.
Эт тырнагын беркайчан да тешләп өзеп алырга ярамый! Аны үткен маникюр кайчысы белән кисеп алалар, ә киселгән урынны берәр төрле дезинфекцияләүче эретмә (йод һ. б.) белән эшкәртергә кирәк. Әгәр дә кулларыгызны 10-15 минут берәр май салынган суда тотсагыз, эт тырнагын кисеп алу җиңелрәк булыр.
Тырнактагы «буразна»лар
Кайвакыт тырнакларда «буразналар» — кытыршы сырлар барлыкка килә. Аркылы сырлар дөрес тукланмаганда, организмда бик күп тоз җыелганда, инфекцион авырулар белән авырганда һәм озак стресстан соң да барлыкка килә. Эш шунда ки, авырганда организм бик күп витаминнар, минераль матдәләргә кытлык кичерә.
Тырнаклардагы вертикаль сызыклар — углеводлы ризыкларны артык күп куллану, организмга В12 витамины, тимер җитмәү, ашказаны авыртуы билгесе. Шулай ук мондый сызыклар кайчы белән саксыз эш иткәндә дә барлыкка килергә мөмкин. «Буразналы» тырнакларга махсус лак, крем сөртәләр, полировка ясыйлар. «Буразналар»ны бетерү өчен, сәбәбен белеп, организмны тулаем дәваларга кирәк.
Ясалма тырнаклар
Бүген тырнакларны ясалма үстерү (наращивание) модада. Мисырда эшләүче археологлар тырнак үстерү технологияләренә юлыкканнар. Фараоннарның тырнакларын алтын, вассал хатыннарының тырнакларын көмеш белән томалый торган булганнар. Колларга бөтенләй тырнак буярга ярамаган. Егерменче гасырның илленче елларында ясалма тырнак үстерү безгә дә килеп җитә. Беренче клиентлар кинойолдызлар була. Ә тырнак үстерү материаллары булып... кинопленкалар, чәй пакетлары, пластик кулланыла. җитмешенче елларда гына бер стоматолог киңәше белән ясалма тырнак үстерү эшендә акрил кулланыла башлый. Хәзер мастерлар гель, акрил, клей-пудра кулланып, матур, озын тырнаклар ясый.
Кемдер тырнак үстерүнең зарары юк, ди, кемнәрдер киресен исбатлый. Ләкин табигый матур тырнакларга берни дә җитми инде!
Тырнак буявы турында
Лак сайлаганда кул тиресенең төсенә дә игътибар итегез: кара тәнле кешеләргә кызгылт-сары, көрән, куе-кызыл кебек җылы төсләр килешә. Ачык тәнле кешеләргә алсу, ачык төсләр сайлау отышлы.
Лак тырнакта озак саклансын өчен аны өч катлам итеп буярга кирәк: лак-нигез; төсле декоратив лак; саклагыч үтә күренмәле лак.
Тырнак буявы куермасын дисәгез, аны куллангач ук флаконны әйбәтләп ябып, кояш нурлары төшми торган урынга куярга кирәк. Хәзер яңа төр тырнак буяулары да кулланылышка кереп килә. Мәсәлән: «Пиль-офф-лак» — йомшак структуралы, пленка формасында салына торган лак; «DапсеLegend» — төнге клубларда, боулинг, казино, дискотекадагы утлар тәэсирендә төсен үзгәртә торган лак.
Тырнакны лактан арындыру өчен ацетонсыз майлы сыекча кулланырга тырышыгыз. Кулларга, тырнак кырыендагы тирегә һәрдаим дымландыргач кремнар тидереп тору бик файдалы. Бигрәк тә кыш көне!
Матурлык дисәк тә, тырнакларны гел буяп йөрергә ярамый, вакыт-вакыт аларны ял иттерергә дә кирәк.
Кулдагы тырнаклар атнага 1 мм үсә, ә аяк тырнагы — 0,25 мм, аларның үсүен төрле диеталар һәм авырулар тоткарлап торырга мөмкин.
Кайберәүләрнең тырнаклары саргаючан була. Аны сары тырнаклар синдромы дип атыйлар.
Халык медицинасы тырнаклар сары булганда, аларга лимон кабыгы сөртергә киңәш итә. Е витаминын куллану да файдалы.
Кайвакыт тырнакларның очлары яргалана, купшаклана торган була.
Бу — дым җитмәгәнлектән. Вазелин, кремнар тырнак кырыендагы тирене йомшарта, тырнакта дым саклый.
Кичтән кулга, тырнакларга вазелин сөртеп, киҗе мамык перчатка киеп йокласагыз, салкында кул тиресе дә яргаланмас, тырнаклар да сау-сәламәт булыр!
Кайбер төр дарулар кабул иткәндә, анемия булганда, калкансыман биздә үзгәрешләр булганда тырнаклар уалучан була. Тырнаклар еш сынганда дерматологка мөрәҗәгать итәргә кирәк.
Һәр икенче хатын-кыз бүген үзенең тырнакларыннан канәгать түгел.
Тырнакларны ныгыту һәм дәвалау өчен аллантоин, пантенол булган махсус катнашмалар да кулланалар.
Без көн дә кулланган табак-савыт, мебель, тәрәзә чистарткычлар тырнакны бик боза. Шуңа күрә андый эшләрне перчатка киеп башкарырга кирәк.
Маникюрны 10-14 көнгә бер тапкыр ясыйлар. Металл пилкагызны бүген үк ташлагыз! Катыргы яки резин пилка кулланыгыз.
«Кул һәм тырнаклар өчен» дип язылган махсус кремнар була. Кремны тырнакларга массаж хәрәкәтләре ясап (кан әйләнеше яхшыра), көн саен тидерергә кирәк.
Айга бер тапкыр матурлык салонына барып маникюр ясатып кайттым да, бетте түгел! Бит, кул, тешләр кебек үк тырнакларны да һәр көнне тәрбияләп торырга кирәк. Тырнакларга массажны глицерин яки балалар сабыны сөртелгән махсус йомшак щетка ярдәмендә ясыйлар.
Бүген маникюрның бик күп төрләре бар: французча, көндәлек, флирт өчен ясалган маникюр һ. б. Аларны салоннарда ясыйлар.
Тырнакларны зәвык белән матур итеп буяу сезнең фантазиядән дә тора. Тырнакларны төсле буяулар белән бизәкләү, стразалар ябыштыру, аппликация белән бизәү әле яңа популярлаша башлаган нейл-арт-маникюр дип атала.
Игътибар иттегезме, тырнакларны тәртиптә тоту әлләни күп вакыт сорамый икән бит! Бар да үзебезнең теләктән генә тора.
Татар хатын-кызлары өчен кызыклы язмаларны Сөембикә Telegram-каналында укыгыз
Хәзер укыйлар
-
«Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
-
«Төшләремдә ак күлмәктән син...» – «Шевроле круз» машинасында йөри торган малаегыз бармы? – дип сорыйлар Иршат абыйдан. – Әйе. – Авария булган, килегез... Өс-башларына нәрсә туры килә, шуны киеп, кайнанасы Галиябану апага берни әйтмичә өйдән атылып чыгып китәләр...
-
Алсу тәрәзә Хикәя
-
Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа.
-
Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
Соңгы комментарийлар
-
30 гыйнвар 2023 - 20:45Без имениМин дэ сезнен кебек исерек ирне 18 ел тузеп яшэдем. Хэзер исемэ тошкэн саен, жулэр булганмын дип уйлыйм. Аерылышканыбызга елдан артык, хаман эчэ, эчендэ чыкмаган жаны гына калган инде. Кеше ни эйтер дип тузэбез шул, узебезне уйламыйбыз. Эгэр бер фикергэ килэ алмасагыз, психолог белэн кинэшегез. Мина ярдэме тиде. Игътибарыгыз очен рэхмэт.Эчкече иргә сабыр итәргәме?
-
30 гыйнвар 2023 - 17:03Без имени"Әмма мәхәббәтсез тормыш – бәхетсез гомер бит. Килешәсезме? " - хак сузләр. Дорес эшләгәннәр, мин дә, бәлки, шундый ук карарга килер идем. Аста язылганча бернинди азгынлык та, бозыклык та тугел бу. Нигә яратмаган кеше белән яшәп узенне хәм башкаларны азапларга? Гомерне 2-3 мәртәбэ яшәми берәу дә, яшьлектә хата ясаганнар икән (яки момкинлекләре булмаган), хатаны анлап тозэтудә бернинди дә гаеп юк. Курыкмый адым ясаган очен Афәрин дип кенә әйтәсе килә!«Мин аны сыйныфташлар очрашуыннан алып кайттым...»
-
31 гыйнвар 2023 - 08:52Без имениКомментарий белән килешәм,яшиселәр бар әле.Тормыш җайланып китә алырмы?«Мин аны сыйныфташлар очрашуыннан алып кайттым...»
-
27 гыйнвар 2023 - 11:48Без имениЭллэ кем булып кыланган хатыннарга ирлэрэ тузэлэр -тузэлэр дэ күңеллэре кайткач шартлатып сындыралар.Андый ирлэрне иплэп кенэ игьтибарлы,назлы хатыннар элэктереп ала хэм тормышын койли.Бәхетле булам дисәң
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.