Зилә СӨНГАТУЛЛИНА: «Минем өчен яз «Йолдызлык»тан башлана!»

8 Март – хатын-кызлар бәйрәме якынлашкан көннәрдә Муса Җәлил исемендәге Дәүләт академия опера һәм балет театры солисты, Нәҗип Җиһанов исемендәге Казан дәүләт консерваториясе профессоры, Россиянең һәм Татарстанның халык артисты, республиканың Габдулла Тукай исемендәге дәүләт премиясе лауреаты Зилә СӨНГАТУЛЛИНАга берничә сорау белән мөрәҗәгать иттек. Елмаюлары да, тавышы да, җырлары да язны хәтерләткән әлеге җырчы үзе үк яз символы кебек: гел ашкынулы, гел яшьләрчә, аннан яктылык, шаянлык бөркелә.

Зилә ханым, яз сезгә ничек тәэсир итә? Бәйрәм кәефе тормышыгызда ничек чагыла?
– Яшьләр белән эшләгәч, һәр көнебез бәйрәм кебек. Яшьлек үзе яз бит инде! Консерваториядә бик күп концертлар уза. Укучыларыбызны шәхес итеп тәрбияләргә тырышабыз. Кемдер – җыр буенча, кемдер опера юнәлешеннән китәр. Берничә көн элек кенә Азнакайдан кайтып төштек. Менә хәзер Зәйгә китеп барыш. Мин юлда. Елдагыча, «Созвездие–Йолдызлык» ачык республика телевизион яшьләр фестиваленең сайлап алу турлары старт алды. Минем өчен яз «Йолдызлык»тан башлана! Никадәр өмет, киләчәгебезгә ышаныч күрәм шул талантлы балаларда! Азнакайдан сөенеп кайттым. Чын татар төбәге! Талантлы балаларны үстерү, шул юнәлештә эшләүче педагогларга һәрьяклап булышу, милли традицияләрне, туган телебезне саклау бик югары дәрәҗәдә алып барыла. Әлмәт, Лениногорск, Баулы, Бөгелмә, Ютазы, Азнакай кызлары-егетләре чын-чынлап сокландырды. Быелгы фестивалебез «Миллионынчы катнашучы» шигаре белән уза. «Йолдызлык»та катнашкан һәркем «Миллионынчы катнашучы» булып саналачак.

Бәйрәмне ничек каршыларга җыенасыз?
– 5 мартта Салих Сәйдәшев исемендәге Дәүләт Зур концерт залына барачакмын. Халыкара хатын-кызлар көне уңаеннан оештырылган зур тантанага чакырдылар мине. Бик шатландым! Шәкертләрем Алисә Мамина, Сөмбел Ситдыйкова, Екатерина Муратова да җырлаячак анда.

Сезнең өчен 8 Март ул театр йә концерттагы эшме, әллә өйдәге бәйрәмме?
– (Канәгатьлек белән.) Әлбәттә, өйдә, якыннарым белән бергәләп бәйрәм итәбез! Улым Рөстәм, киленем Лилия, оныкларым Дамир һәм Родель белән. Лилия белән миңа чын бәйрәм ясый безнең егетләр. Чәчәкләр бүләк итәләр, матур котлау сүзләре әйтәләр... Бик ошый инде!

Без, хатын-кызлар, бәйрәм алдыннан яңа күлмәк, макияж, прическа дип мәш киләбез. Ә сез?
– Мин дә! (Көлә.) Менә Зәйгә җыенганда да, кайсы күлмәкне кияргә микән, дип бермәл уйлана калдым. Яңача, кабатланмас күренәсе килү һәр хатын-кызның күңеленә сеңгәндер инде ул. Хатын-кыз кыяфәте белән үк бәйрәм ясарга тиеш ләбаса!

Зилә ханым, 8 Мартта иң кадерле бүләк нәрсә сезнең өчен?
– Чәчәкләр! Иң беренче язгы чәчәкләр! Мимозалар, лаләләр. Карыйсың: урамда әле һаман кыш, кар көртләре. Ә бәйрәм алдыннан чәчәк кибетләрендә беренче лаләләр күренә башлый. Шундый рәхәт булып китә! Яз килгәнен шуннан беләсең.

Якынлашып килүче бәйрәм яраткан чәчәкләрегез белән сөендерсен сезне, Зилә ханым!
– Рәхмәт! «Сөембикә» журналын укучы барлык әниләрне, дәү әниләрне, апаларны, кызларны бәйрәмебез белән котлыйм! Бәхетле булыгыз!

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9045
    10
    105
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9116
    8
    74
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    4853
    4
    57
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6081
    2
    26
Реклама
Соңгы комментарийлар
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан